وزارت بجلی کے نوٹس میں لایا گیا ہے کہ کچھ ریاستیں اپنے صارفین کو بجلی کی فراہمی نہیں کر رہی ہیں اور لوڈ شیڈنگ کا بہانہ کر رہی ہیں۔ اس کے ساتھ ہی  وہ پاور ایکسچینج میں زیادہ قیمت پر بجلی فروخت کر  رہی ہیں۔

بجلی کی تقسیم کے لیے رہنما اصولوں کے مطابق ، سینٹرل جنریٹنگ اسٹیشنز (سی جی ایس) سے 15 فیصد بجلی "غیر مختص شدہ بجلی" کے تحت رکھی جاتی ہے جو کہ مرکزی حکومت کی جانب سے ضرورت مند ریاستوں کو صارفین کی بجلی کی ضرورت کو پورا کرنے کے لیے مختص کی جاتی ہے۔

صارفین کو بجلی کی فراہمی کی ذمہ داری تقسیم کار کمپنیوں کی ہے اور انہیں پہلے اپنے صارفین کی خدمت کرنی چاہیے جو ہمہ وقت (دن و رات ،24گھنٹوں) بجلی کے استعمال  کرنے کا حق رکھتے ہیں۔ اس طرح ، تقسیم کار کمپنیوں کو پاور ایکسچینج میں بجلی فروخت نہیں کرنی چاہیے اور اپنے صارفین کی ضرورتوں کو نظرانداز نہیں کرنا چاہیے۔

اس لیے ریاستوں سے درخواست کی گئی ہے کہ وہ ریاست کے صارفین کو بجلی کی فراہمی کے لیے غیر مختص بجلی کا استعمال کریں۔ اضافی بجلی کی صورت میں ، ریاستوں سے درخواست کی گئی ہے کہ وہ حکومت ہند سے رابطہ کریں تاکہ یہ بجلی دوسری ضرورت مند ریاستوں کو دوبارہ تقسیم کی جا سکے۔

اگر کوئی ریاست یہ محسوس کرے کہ وہ اپنے صارفین کی خدمت نہیں کرپارہی اور پاور ایکسچینج میں زیادہ شرح پر بجلی فروخت کررہی ہے تو ایسی ریاستوں کی غیر مختص شدہ بجلی واپس لے لی جائے گی اور دیگر ضرورت مند ریاستوں کو مختص کردی جائے گی۔

****************

ش ح -  س ک

U. NO. 9979