প্রধানমন্ত্রীগী লোইশঙ
পি.এম.না এক্তর শ্রী ঘনশ্যাম নায়ক অমসুং শ্রী অর্বিন ত্রিবেদী লৈখিদবদা অৱাবা ফোংদোকখ্রে
থাগৎখিবা:
06 OCT 2021 10:23AM by PIB Imphal
প্রধান মন্ত্রী, শ্রী নরেন্দ্র মোদীনা এক্তর শ্রী ঘনশ্যাম নায়ক অমসুং শ্রী অর্বিন ত্রিবেদী লৈখিদবদা থম্মোয় শোক্না অৱাবা ফোংদোকখ্রে।
ত্বীতকী পরিং অমদা, প্রধান মন্ত্রীনা হায়খি;
“হৌখিবা নুমিৎ খরনি অসিদা, মখোয়গী থবকশিংনা মীওই কয়া অমগী পুক্নিং শুমহৎখ্রবা য়াম্না তেলেন্ত লৈরবা এক্তর অনি ঐখোয়গী মরক্তগী মাংজখ্রে। শ্রী ঘনশ্যাম নায়কপু মহাক্না শক্লোন কয়াগী শক্তমশিং লাংখিবা, খ্বায়দগী মমিং লৈরবা মীয়াম্না খঙনরবা শো ‘তারক মেহতা কা উল্তা চশমা’বু নিংশিংনদুনা লৈহৌরগনি। মহাক অসি হেন্না থোইনা থৌজাল লৈবা অমসুং নোল্লুকপা মীওই অমসুনি।
অমত্তা ঙাইরবা এক্তর অমখক্তা নত্তনা মীয়াম প্রজাগীদমক থৱাই য়াওজবা শ্রী অর্বিন ত্রিবেদীবুসু ঐখোয়গী মরক্তগী মাংজখ্রে। ভারতকী মীরোলশিংনা, মহাকপু মহাক্না রামায়ন তি.ভি. সেরিয়েলদা মহাক্না তৌখিবা থবকশিংগীদমক নিংশিংদুনা লৈহৌরগনি। এক্তর অনিগী ইমুংশিং অমসুং পামজবা কয়াগীদমক অৱাবা ফোংদোকচরি। ওম শান্তি”।
***
(রিলিজ আই.দি.: 1761335)
ভিজিতর কাউন্তর : 226
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam