ঙসি মফম অসিদা হকশেল অমদি য়াইফ-য়ুম্বালগী কেন্দ্রগী মন্ত্রী শ্রী মন্সুখ মন্দাবিয়ানা য়ুনিসেফকী গ্লোবেল ফ্লেগশিপ পব্লিকেসন – “দি স্তেত ওফ দি ৱার্ল্দস চিল্দ্রেন ২০২১; ওন মাই মাইন্দ: প্রোমোতিং, প্রোতেক্তিং এন্দ কেয়রিং ফোর চিল্দ্রেন্স মেন্তেল হেল্থ” রিলিজ তৌখ্রে৷ কোবিদ-১৯ লাইনা-লাইৎচৎনা অঙাংগী মেন্তেল হেল্থদা পীরিবা শাফু অদু রিপোর্ত অসিনা কুপথনা পল্লি৷

রিপোর্ত অদু ঙসি মালেম পুম্বগী ওইনা লোঞ্চ তৌখি৷ মেন্তেল হেল্থদা মীৎয়েং থম্লিবা রিপোর্ত অদুগী মরু ওইরিবশিং অদু ফোংদোক্লদুনা, শ্রী মন্দাবিয়ানা হায়খি, “মেন্তেল হেল্থ হায়বসি অরিবা ইসু অমদি হৌজিক হৌজিক লৈরিবা ইসু ওইরি৷ লাইনা চেন্দবা হকচাং অমদি নুংঙাই-য়াইফনা লৈবদা ঐখোয়গী হিদাক লাংথক্কী ত্রেদিস্নেল সিস্তেমশিংনা মরু ওই হায়না খল্লিঙৈ, ভারতকুম্বা চাওখৎলক্লিবা লৈবাকশিংদা পুক্নিং ৱাখল লৈতাদবগী প্রোব্লেমশিং থেংনবা হেনগৎলকখ্রে৷” খুঙ্গংগী লোউ-শিংউবগী বেক্তগ্রাউন্দদগী লাকপা মহাক মশাগী জোইন্ত ফেমিলীগী খুদম অমা পীরদুনা, অঙাংশিং অমদি ইনখৎলক্লিবা নহাশিংনা হায়রিবা সেত্তিংশিং অসিদা অতোপ্পা ফেমিলী মেম্বর কয়া অমগা ৱারি-ৱাতায় শানবগী খুদোং চাবা ফংই, মসিদা মখোয়গী পুক্নিং-ৱাখল নুংঙাইতবা মতমশিংদা মখোয়গী নুংঙাইতবা ৱারিশিং অদু পুথোক্নরকপা য়াগনি অমদি মমা-মপা ওইবশিংনা থৌওইদবা মতমশিংদা লমজিং লমতাক লৌবা য়াগনি হায়না মহাক্না শন্দোক্না তাকখি৷ ন্যুক্লিয়র ইমুংশিংগী চৎনবি অসিনা তোখায় তোখায় তাবা হেনগৎহল্লি অমদি মসিগী মতুং ইন্না পুক্নিং-ৱাখল লাংতক্নবা হেনগৎহল্লি হায়না মহাক্না মখাতাখি৷

“কোবিদ-১৯ অসি সমাজ পুম্বগী ওইনা পুক্নিং-ৱাখল লাংতক্নবগী চাংয়েং অমা ওইখি” হায়না কেন্দ্রগী হকশেল মন্ত্রীনা ফোংদোকখি৷ কোবিদ১৯গী অনিশুবা সর্জকী মতমদা ফার্মক্যুতিকেল্স মন্ত্রী ওইনা মহাক্না থেংনখিবা মহাক্কী ওইবা এক্সপরিয়েন্স অদু মহাক্না পনখি৷ “হিদাক লাংথকশিং পুথোকপগী চাং অসি হেনগৎহনগদবনি অমদি অনৌবা প্লান্তশিং শেমগৎপগী ওফিসিয়েল প্রোসেস অদুসু খোঙজেল য়াংখৎহনগদবনি৷ মীওইবা জাতিগী ওইনা খ্বাইদগী ৱারবা মতম অসিদা অসিগুম্বা থবকশিং পাংথোকপা হায়বসি পুক্নিং ৱাখল য়াম্না ৱাবা ওইখি” হায়না মহাক্না ফোংদোকখি৷ পুক্নিং ৱাখল লৈতাদবগী অৱাবা থেংনরিবা অদুদগী য়োগ, শ্বর শানবা অমদি সাইকল থৌবনা মহাকপু লান্থোকপা ঙমহনখি হায়না মহাক্না মখাতাখি৷

অফবা সমাজ অমা শেম্বদা য়াম্না মরু ওইবা এস্পেক্ত অমা ওইনা পুক্নিং-ৱাখল লৈতাদবগী প্রোব্লেম থেংনবা অসি য়াম্না মরু ওই হায়না মন্ত্রী অসিনা পনখি৷ পুক্নিং-ৱাখল লৈতাদবগী ইসুশিং অসি থেংনবা মতমদা মমা-মপাশিং অমদি ইমুংগা লোইননা ওজাশিং অসি য়াম্না মরু ওইবা স্তেকহোল্দরশিং ওই হায়না মহাক্না পনখি৷ থাজনবা অমদি ইকাই খুম্নবা থাক অমদগী ইমুং অমদি ওজাশিংনা অঙাংশিংগা কোইদনা তাথোক-তাশিন তৌদুনা ৱারি শানগদবনি৷

ইসু অসি হেন্না পাক চাওবা স্কেল অমদা থেংননবা সরকারনা হোৎনখিবা অদু পল্লদুনা, অচৌবা এগজামিনেসনশিং মাইয়োক্নরিবা ইনখৎলক্লিবা নহাশিংগা ৱারি-ৱাতায় শাননবগী লৈরিবা প্রধান মন্ত্রীগী ‘পরিক্সা পে চর্চা’গী মরমদা শ্রী মন্দাবিয়ানা নিংশিংখ্রে৷ “মহৈরোইশিংনা এগজামগী লাংতক্নবা লৈরিবা অদুদগী ঙাকথোক্নবা প্রধান মন্ত্রী জি মহাক মশামক্না হোৎনখ্রে৷ স্কুল কারিবা অঙাংশিংনা মখোয়না ফংলিবা রিজল্তশিং অমদি তুংগীদমক কা হেন্না ৱাখল শোন্থদনা অফবা ৱাখল লৈবা পুন্সি অমদা পুরক্নবা মহাক্না ‘মন কি বাত’কুম্বা প্লেতফোর্মগী খুৎথাংদা চাং নাইনা অঙাংশিংদা পাওতাক পীরি৷ অসিগুম্লবা অপিকপা খোঙথাংশিং অসিনা এগজামিনেসনশিং অমদি অতোপ্পা ইসুংশিংনা মরম ওইদুনা পুক্নি্ং-ৱাখল ৱাহনবা য়ারিবা অঙাংশিংদা অচৌবা শাফু অমা পী” হায়না মহাক্না ফোংদোকখি৷

মেন্তেল হেল্থ অমদি ফিজিকেল হেল্থ অসি চপ মান্নবা চান্দি অমগী মমাই অনিনি হায়না কেন্দ্রগী হকশেল সেক্রেতরী শ্রী রাজেশ ভুশননা ফোংদোকখি৷ মেন্তেল হেল্থ ইসুশিংগা শাগোন্নরিবা সোসাইতেল স্তিগমাগী চৎনবি অদু মহাক্না পনখি৷ মমিং নিংথিনা লৈরবা তোঙান তোঙানবা স্কুলশিংদা মহৈরোইশিংগা কাউন্সিলরশিংগা অয়াম্বা মতমদা লোইনবা ৱাৎলিবা অদু মহাক্নসু পনখি৷

য়ুনিসেফকী ইন্দিয়া রিপ্রজেন্তেতিব, দা. য়স্মিন অলি হকনা রিপোর্ত অসিগী মরু ওইবা ফাইন্দিং খরা পুথোকখি৷ ভারত্তা চহি ১৫দগী ২৪ ফাওবগী মনুংদা লৈরিবা মীওইশিংগী চাদা ১৪রোমগী চাং নত্রগা মীওই ৭কী মনুংদা ১দি য়াম্না তোইনা তোইনা ৱাখল হন্থবা নত্রগা করিগুম্বা থবকশিং তৌবদা কা হেন্না পামজবা লৈতে হায়না স্তেত ওফ দি ৱার্ল্দস চিল্দ্রেন ২০২১না ফংখ্রে৷“অঙাংশিংনা পুক্নিং ৱাখলগী অৱাবা পুন্সি অমদা লৈবা খক্তা নত্তনা, অঙাং কয়া অমসু মীরাইবিবা অমদি তাথী-তাওইনা তৌবিবগী খুদোংথিবগী চাং ৱাংনা লৈরি” হায়না মহাক্না ফোংদোকখি৷

জোইন্ত সেক্রেতরী-পোলিসী(হেল্থ) শ্রী বিশাল চৌহন, নেস্নেল ইন্সতিত্যুত ওফ মেন্তেল হেল্থ এন্দ ন্যুরো সাইন্সেস(এন.আই.এম.ঐচ.এ.এন.এস.)কী দাইরেক্তর দা. প্রতিমা মু্র্থী অমদি অতোপ্পা মন্ত্রালয় অমসুং য়ুনিসেফকী ওফিসিয়েলশিংসু থৌরম অসিদা শরুক য়াখি৷

******