ਸਵੱਛ ਭਾਰਤ ਮਿਸ਼ਨ ਪੜਾਅ 2 ਤਹਿਤ ਸਵੱਛ ਸਰਵੇਖਣ ਗ੍ਰਾਮੀਣ 2021 ਭਲਕੇ 09 ਸਤੰਬਰ 2021 ਨੂੰ ਲਾਂਚ ਕੀਤਾ ਜਾਵੇਗਾ । "ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ" ਦੇ ਹਿੱਸੇ ਵਜੋਂ ਸਵੱਛ ਸਰਵੇਖਣ ਗ੍ਰਾਮੀਣ ਦਾ ਮਕਸਦ ਦੇਸ਼ ਵਿੱਚ ਓ ਡੀ ਐੱਫ ਪਲੱਸ ਦਖਲਾਂ ਅਤੇ ਨਤੀਜਿਆਂ ਨੂੰ ਵਧਾਉਣ ਵਿੱਚ ਸਹਾਇਤਾ ਕਰਨਾ ਹੈ । ਇੱਕ ਮਾਹਰ ਏਜੰਸੀ ਸਰਵੇਖਣ 2021 ਕਰਨ ਲਈ ਹਾਇਰ ਕੀਤੀ ਗਈ ਹੈ । ਸਰਵੇਖਣ ਦੇ ਹਿੱਸੇ ਵਜੋਂ ਸੂਬਿਆਂ , ਜਿ਼ਲਿ੍ਆਂ ਅਤੇ ਪਿੰਡਾਂ ਨੂੰ ਮੁੱਖ ਪੈਰਾਮੀਟਰਜ਼ ਵਰਤ ਕੇ ਰੈਕਿੰਗ ਦਿੱਤੀ ਜਾਵੇਗੀ ।



ਸਵੱਛ ਸਰਵੇਖਣ ਗ੍ਰਾਮੀਣ ਦੇ ਹਿੱਸੇ ਵਜੋਂ 698 ਜਿ਼ਲਿ੍ਆਂ ਦੇ 17,475 ਪਿੰਡ ਦੇਸ਼ ਭਰ ਵਿੱਚ ਕਵਰ ਕੀਤੇ ਜਾਣਗੇ । 87,250 ਜਨਤਕ ਸਥਾਨ ਜਿਵੇਂ ਸਕੂਲ , ਆਂਗਣਵਾੜੀਆਂ , ਜਨਤਕ ਸਿਹਤ ਕੇਂਦਰ , ਹਾਟ , ਬਜ਼ਾਰ , ਇਹਨਾਂ ਪਿੰਡਾਂ ਦੇ ਧਾਰਮਿਕ ਸਥਾਨਾਂ ਦੇ ਸਰਵੇਅ ਲਈ ਦੌਰਾ ਕੀਤਾ ਜਾਵੇਗਾ । ਕਰੀਬ 1,74,750 ਘਰਾਂ ਦਾ ਇੰਟਰਵਿਊ ਕੀਤਾ ਜਾਵੇਗਾ ਅਤੇ ਐੱਸ ਬੀ ਐੱਮ ਸੰਬੰਧਿਤ ਮੁੱਦਿਆਂ ਤੇ ਉਹਨਾਂ ਦੀ ਫੀਡਬੈਕ ਲਈ ਜਾਵੇਗੀ । ਨਾਗਰਿਕਾਂ ਨੂੰ ਇਸ ਉਦੇਸ਼ ਲਈ ਵਿਕਸਿਤ ਕੀਤੀ ਗਈ ਇੱਕ ਆਨਲਾਈਨ ਐਪਲੀਕੇਸ਼ਨ ਨੂੰ ਵਰਤ ਕੇ ਸਾਫ਼ ਸਫਾਈ ਸੰਬੰਧਿਤ ਵਿਸਿ਼ਆਂ ਬਾਰੇ ਫੀਡਬੈਕ ਮੁਹੱਈਆ ਕਰਨ ਲਈ ਲਾਮਬੰਦ ਕੀਤਾ ਜਾਵੇਗਾ ।



ਪੀਣ ਯੋਗ ਪਾਣੀ ਅਤੇ ਸਾਫ ਸਫਾਈ ਵਿਭਾਗ (ਡੀ ਡੀ ਡਬਲਯੁ ਐੱਸ) ਨੇ ਪਹਿਲਾਂ ਵੀ 2018 ਅਤੇ 2019 ਵਿੱਚ “ਸਵੱਛ ਸਰਵੇਖਣ ਗ੍ਰਾਮੀਣ” (ਐੱਸ ਐੱਸ ਜੀ) ਸ਼ੁਰੂ ਕੀਤਾ ਸੀ । ਇਹ ਗੱਲ ਜਿ਼ਕਰਯੋਗ ਹੈ ਕਿ ਐੱਸ ਐੱਸ ਜੀ ਕੇਵਲ ਇੱਕ ਰੈਕਿੰਗ ਅਭਿਆਸ ਕਰਨ ਲਈ ਨਹੀਂ ਹੈ ਬਲਕਿ ਇੱਕ ਜਨ ਅੰਦੋਲਨ (ਪੀਪਲਜ਼ ਮੂਵਮੈਂਟ) ਪੈਦਾ ਕਰਨ ਲਈ ਇੱਕ ਸਾਧਨ ਹੈ । ਜਿ਼ਲਿ੍ਹਆਂ ਦੀ ਰੈਕਿੰਗ ਲਈ ਉਹਨਾਂ ਦੀ ਕਾਰਗੁਜ਼ਾਰੀ ਤੇ ਅਧਾਰਿਤ ਮੁੱਖ ਗੁਣਵਤਾ ਅਤੇ ਮਾਤਰਾ ਪੈਰਾਮੀਟਰਾਂ ਨਾਲ ਰੈਕਿੰਗ ਲਈ ਸੇਧ ਦੇਣ ਲਈ ਇੱਕ ਵਿਸਥਾਰਿਤ ਪ੍ਰੋਟੋਕੋਲ ਵਿਕਸਿਤ ਕੀਤਾ ਗਿਆ ਹੈ ।
ਐੱਸ ਐੱਸ ਜੀ 2021 ਦੇ ਵੱਖ ਵੱਖ ਤੱਤਾਂ ਨੂੰ ਦਿੱਤੇ ਜਾਣ ਵਾਲੀ ਰੈਕਿੰਗ ਹੇਠ ਲਿਖੇ ਅਨੁਸਾਰ ਹੈ ।

*   ਜਨਤਕ ਥਾਵਾਂ ਤੇ ਸਾਫ ਸਫਾਈ ਦੀ ਸਿੱਧੀ ਨਿਗਰਾਨੀ — 30% ।
*   ਨਾਗਰਿਕਾਂ ਦੀ ਫੀਡਬੈਕ ਜਿਸ ਵਿੱਚ ਆਮ ਨਾਗਰਿਕਾਂ ਤੋਂ ਫੀਡਬੈਕ, ਪਿੰਡ ਪੱਧਰ ਤੇ ਮੁੱਖ ਪ੍ਰਭਾਵ ਪਾਉਣ ਵਾਲਿਆਂ ਅਤੇ ਮੋਬਾਈਲ ਐਪ ਵਰਤ ਕੇ ਨਾਗਰਿਕਾਂ ਦੁਆਰਾ ਦਿੱਤੀ ਗਈ ਫੀਡਬੈਕ ਵੀ ਸ਼ਾਮਲ ਹੈ — 35% ।
*   ਸਾਫ ਸਫਾਈ ਬਾਰੇ ਸੇਵਾ ਪੱਧਰੀ ਪ੍ਰਗਤੀ ਨਾਲ ਸੰਬੰਧਿਤ ਪੈਰਾਮੀਟਰ — 35% ।
 

****************

ਬੀ ਵਾਈ / ਏ ਐੱਸ