कोळसा मंत्रालय
कोळसा मंत्रालयाच्या अखत्यारीतील BCCL या कंपनीकडून ‘स्वातंत्र्याच्या अमृत महोत्सवा' चा भाग म्हणून स्वच्छतेबद्दल जनजागृतीसाठी कार्यक्रमाचे आयोजन
Posted On:
04 SEP 2021 4:38PM by PIB Mumbai
‘स्वातंत्र्याचा अमृतमहोत्सव' या देशव्यापी सोहळ्याचा एक भाग म्हणून कोळसा मंत्रालयाच्या अखत्यारीतील भारत कोकिंग कोल लिमिटेड (BCCL) या मिनीरत्न कंपनीने स्वच्छता आणि कोविड-19 संबंधित प्रतिबंधात्मक उपाय या संदर्भातील जनजागृतीसाठी नुकताच एक विशेष कार्यक्रम आयोजित केला.
![](https://static.pib.gov.in/WriteReadData/userfiles/image/IMG_3798BRAW.JPG)
या सुरु असलेल्या मोहिमेचा भाग म्हणून BCCL कंपनीच्या सामाजिक उत्तरदायित्व म्हणजेच CSR विभागाने झारखंड येथील धनबाद विभागातील पुटकीबलिहारी या भागातील मुख्यत्वे अनुसूचित जाती ,जमाती व इतर मागास वर्गीयांची वस्ती असणाऱ्या अल्गोरिया बस्ती या भागात
हॅन्ड सॅनिटायझर व मुख पट्ट्यांच्या 125 पाकीटांचे वाटप केले. दिव्यांग मुलांच्या शिक्षणासाठी असलेल्या जगजीवन नगर येथील 'पहला कदम स्कूल' या शाळेतील विद्यार्थ्यांना तसेच त्यांच्या पालकांनाही BCCL कडून हॅन्ड सॅनिटायझर व मास्कचे वाटप करण्यात आले.
![](https://static.pib.gov.in/WriteReadData/userfiles/image/IMG_3804J6AV.JPG)
या कार्यक्रमाच्या आयोजकांनी विद्यार्थ्यांना हात धुण्याची सवय लावून घेणे तसेच मास्कचा वापर करण्याचे महत्व पटवून दिले. विद्यार्थ्यांनी स्वातंत्र्याचा अमृतमहोत्सव' ' या कल्पनेवर आधारित अनेक सांस्कृतिक कार्यक्रम यावेळी सादर केले.
***
R.Aghor/V.Sahajrao/P.Kor
***
सोशल मिडियावर आम्हाला फॉलो करा:
@PIBMumbai
/PIBMumbai
/pibmumbai
pibmumbai[at]gmail[dot]com
(Release ID: 1752005)
Visitor Counter : 284