থা অমা শাংনা পাঙথোকপা পোশন মাহ ২০২১গী মখাদা মথং-মথং প্রোগ্রাম পাঙথোকপা হৌরদুনা নুপী অমসুং অঙাংগী চাউখৎ-থৌরাংগী কেন্দ্রগী মন্ত্রী স্মৃতি জুবিন ইরানিনা লৈবাক অসিগী মচি ওইবা চিঞ্জাক্কী মথৌ তাবশিং থুংহন্নবা অরিবা মতমগী আয়ুর্বেদকী ওইবা খোঙথাং করম্না নীংথিনা লৌখৎকনি হায়বগী লৌশিং অদু পীবা খ্বাইদগী মরু ওইরে হায়না ফোঙদোকখ্রে। দবল্যু.সি.দি, মন্ত্রীনা ঙসি ওল ইন্দিয়া ইন্সতিত্যুত ওফ আয়ুর্বেদ (এ.আই.আই.এ.)দা পোশন মাহ – ২০২১গী হৌদোকপা ওইনা ন্যুত্রি গার্দেন শঙ্গাখ্রে। থৌরম অদুদা আয়ুশ অমসুং দবল্যু.সি.দি.গী রাজ্য মন্ত্রী দা. মুঞ্জপরা মহেন্দ্রভাইসু শরুক য়াখ্রে। মন্ত্রী অনিনা শিগ্রু (সহিজন) অমসুং হৈক্রুগী উ-চারাশিং থাখি। আয়ুশ মন্ত্রালয়গী মীৎয়েং মখাদা ওল ইন্দিয়া ইন্সতিত্যুত ওফ আয়ুর্বেদ (এ.আই.আই.এ.)দা পোশন মাহ – ২০২১ পালন থৌরম হৌদোকখ্রে।

দবল্যু.সি.দি. মন্ত্রীনা মহাক্কী ৱারোল পীবদা আই.সি.এম.আর.গা লোইননা চুংশিন্নবা খোঙথাং অমগী খুত্থাংদা এনেমিয়া নাবগী মশিং হন্থহন্নবা আয়ুশ মন্ত্রালয়না লৌখৎখিবা খোঙথাংশিং অদু থাগৎপা ফোঙদোকখি। মহাক্না সাইন্তিফিক দেতাগী পব্লিকেসনশিং পুথোক্তুনা মালেমদা আয়ুর্বেদনা মতেং পাংলিবা অসি মশক খঙহনবা মথৌ তাই হায়না ফোঙদোকখি। ন্যুত্রিসন হায়বা অসিগী মরু ওইবা মচাক অনি লৈ হায়বদি অহোংবা অমসুং হোলিস্তিক ৱেলবিংগীদমক্তা লায়না ফংবা। মসিদা আয়ুর্বেদনা য়াম্না কান্নবা ফংহল্লি হায়বা উৎপা য়াগনি। দবল্যু.সি.দি. মন্ত্রালয়গী খুত্থাংদা মশা-মউ ফবা অঙাংশিং লৈনবা অমসুং অচম্বা ক্লাসিকেল রেসিপীশিংগীদমক আয়ুশ কেলেন্দর অমা শেম্নবসু অপাম্বা ফোঙদোকখি।

দা. মুঞ্জপরা মহেন্দ্রভাইনা সিগ্রু, শতাবরী, অশ্বাগন্ধা, হৈক্রু, তুলসি, য়াইঙং অসিগুম্বা মচি ওইবা অমসুং হীদাক্তা কান্নরবা আয়ুর্বেদিক্কী ওইবা মনা-মশিং খরগী মরমদা অমসুং মমা অমসুং অঙাংগী অপুনবগী হকশেলগীদমক ইভিদেন্সতা য়ুম্ফম ওইবা আয়ুর্বেদ ন্যুত্রিসন প্রেক্তিসশিং থৌগৎপগী মরু ওইবা অদু পনখি। মহাক্না মশা-মউ ফবা অঙাংগীদমক মমা অমগী পুন্সিদা মচি ওইবা চিঞ্জাক্কী মরু ওইবা অমসুং আয়ুর্বেদকী ওইবা খোঙথাংশিংনা মসিদা করম্না মতেং পাংগনি হায়বগী মতাংদসু ফোঙদোকখি।

দবল্যু.সি.দি. মন্ত্রালয়গী সেক্রেতরী শ্রী ইন্দেভর পান্দে অমসুং আয়ুশ মন্ত্রালয়গী সেক্রেতরী ভাইদ্য রাজেশ কোতেচানা থৌরম অসিদা শরুক য়াখি। থা অমা চুপ্না পাঙথোক্কদবা পালন থৌরম অসিদা পেসেন্ত এৱের্নেস লেচরশিং, ক্যুজ কম্পিতিসন, ইসে কম্পিতিসন, গেস্ত লেকচরশিং অমসুং ৱর্কশোপশিং অসিগুম্বা তোঙান-তোঙানবা থৌরমশিং এ.আই.আই.এ.না হীরম অসিদা পাঙথোক্লি।

উ-চারা থাবা অমসুং শতাবরী, অশ্বাগন্ধা, মুসলি অমসুং য়াশ্তিমন্ধু অসিগুম্বা হকচাংদা কান্নবা অমসুং মচি ওইবা পাম্বীশিং পেসেন্তশিং অমসুং হেল্থ কিয়র ৱর্করশিংগীদমক য়েন্থোকপগী থবক চত্থখি। মীচম মীয়ামদা ন্যুত্রিতিব ভেল্যু য়াওবা অখন্নবা পাম্বীশিংগী ইনফোর্মেসন ব্রোচরসু য়েন্থোকখি। সত্তু দ্রিঙ্ক, সেসম লদ্দু, ঝঙ্গোর কী খীর, নিগর মরুগী লদ্দু, অমালাকি পনাকা অসিগুম্বা তোঙান-তোঙানবা রাজ্যশিংগী মশক তাক্লিবা আয়ুর্বেদিক ক্লাসিকেল ন্যুত্রিসিয়স রেসিপীশিংসু থৌরম অদুদা উৎখি।

*****