ਅਗਸਤ 2021 ਦੇ ਮਹੀਨੇ ਵਿੱਚ ਇਕੱਠਾ ਕੀਤਾ ਗਿਆ ਕੁੱਲ ਜੀਐਸਟੀ ਮਾਲੀਆ 1, 12, 020 ਕਰੋੜ ਰੁਪਏ ਹੈ, ਜਿਸ ਵਿੱਚ ਸੀਜੀਐਸਟੀ, 20,522 ਕਰੋੜ ਰੁਪਏ, ਐਸਜੀਐਸਟੀ ₹ 26,605 ਕਰੋੜ ਰੁਪਏ,  ਆਈਜੀਐਸਟੀ 56,247 ਕਰੋੜ ਰੁਪਏ (ਮਾਲ ਦੀ ਦਰਾਮਦ ਉੱਤੇ ਇਕੱਠੇ ਕੀਤੇ, 26,884 ਕਰੋੜ ਰੁਪਏ ਸਮੇਤ) ਅਤੇ 8,646 ਕਰੋੜ ਰੁਪਏ ਦਾ ਸੈੱਸ (ਮਾਲ ਦੀ ਦਰਾਮਦ ਤੇ ਇਕੱਠੇ ਕੀਤੇ 6 646 ਕਰੋੜ ਰੁਪਏ ਸਮੇਤ) ਸ਼ਾਮਲ ਹੈ। 

ਸਰਕਾਰ ਨੇ ਨਿਯਮਤ ਨਿਪਟਾਰੇ ਦੇ ਤੌਰ ਤੇ ਸੀਜੀਐਸਟੀ ਲਈ 23,043 ਕਰੋੜ ਰੁਪਏ ਅਤੇ  ਐਸਜੀਐਸਟੀ ਲਈ 19, 139 ਕਰੋੜ ਰੁਪਏ ਦਾ ਨਿਪਟਾਰਾ ਕੀਤਾ ਹੈ। ਇਸ ਤੋਂ ਇਲਾਵਾ, ਕੇਂਦਰ ਸਰਕਾਰ ਨੇ ਕੇਂਦਰ ਅਤੇ ਰਾਜਾਂ/ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਵਿੱਚ 50:50 ਦੇ ਅਨੁਪਾਤ ਵਿੱਚ   24,000  ਕਰੋੜ ਰੁਪਏ ਨੂੰ ਆਈਜੀਐਸਟੀ ਐਡ-ਹਾਕ ਸੈਟਲਮੈਂਟ ਦੇ ਰੂਪ ਵਿੱਚ ਨਿਪਟਾਇਆ ਹੈ। ਅਗਸਤ 2021 ਦੇ ਮਹੀਨੇ ਵਿੱਚ ਨਿਯਮਤ ਅਤੇ ਤਤਕਾਲ ਬੰਦੋਬਸਤ ਤੋਂ ਬਾਅਦ ਕੇਂਦਰ ਅਤੇ ਰਾਜਾਂ ਦੀ ਕੁੱਲ ਆਮਦਨ ਸੀਜੀਐਸਟੀ ਲਈ, 55,565 ਕਰੋੜ ਰੁਪਏ ਅਤੇ ਐਸਜੀਐਸਟੀ ਲਈ, 57,744 ਕਰੋੜ ਰੁਪਏ ਹੈ।

ਅਗਸਤ 2021 ਦੇ ਮਹੀਨੇ ਦੀ ਮਾਲੀਏ ਦੀ ਇਕੱਤਰਤਾ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੇ ਜੀਐਸਟੀ ਮਾਲੀਏ ਨਾਲੋਂ 30% ਵੱਧ ਹੈ। ਮਹੀਨੇ ਦੇ ਦੌਰਾਨ, ਘਰੇਲੂ ਲੈਣ-ਦੇਣ (ਸੇਵਾਵਾਂ ਦੀ ਦਰਾਮਦ ਸਮੇਤ) ਤੋਂ ਆਮਦਨੀ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੌਰਾਨ ਇਹਨਾਂ ਸਰੋਤਾਂ ਤੋਂ ਹੋਣ ਵਾਲੀ ਮਾਲੀਏ ਦੀ ਇਕੱਤਰਤਾ ਤੋਂ 27% ਵੱਧ ਹੈ। ਇੱਥੋਂ ਤੱਕ ਕਿ ਅਗਸਤ 2019-20 ਵਿੱਚ, 98,202 ਕਰੋੜ ਰੁਪਏ ਦੇ ਮਾਲੀਏ ਦੀ ਇਕੱਤਰਤਾ ਦੇ ਮੁਕਾਬਲੇ ਇਸ ਵਿੱਚ 14% ਦਾ ਵਾਧਾ ਹੋਇਆ ਹੈ। 

ਲਗਾਤਾਰ 9 ਮਹੀਨਿਆਂ ਲਈ 1 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਅੰਕੜਾ ਪੋਸਟ ਕਰਨ ਤੋਂ ਬਾਅਦ ਜੀਐਸਟੀ ਇਕੱਤਰਤਾ ਕੋਵਿਡ ਦੀ ਦੂਜੀ ਲਹਿਰ ਕਾਰਨ ਜੂਨ 2021 ਵਿੱਚ 1 ਲੱਖ ਕਰੋੜ ਰੁਪਏ ਤੋਂ ਹੇਠਾਂ ਆ ਗਈ। ਕੋਵਿਡ ਪਾਬੰਦੀਆਂ ਨੂੰ ਹਲਕਾ ਕਰਨ ਦੇ ਨਾਲ, ਜੁਲਾਈ ਅਤੇ ਅਗਸਤ 2021 ਲਈ ਜੀਐਸਟੀ ਇਕੱਤਰਤਾ ਮੁੜ ਤੋਂ 1 ਲੱਖ ਕਰੋੜ ਰੁਪਏ ਦੇ ਅੰਕੜੇ ਨੂੰ ਪਾਰ ਕਰ ਗਈ ਹੈ, ਜੋ ਸਪੱਸ਼ਟ ਤੌਰ ਤੇ ਇਸ ਗੱਲ ਦਾ ਸੰਕੇਤ ਹੈ ਕਿ ਅਰਥ ਵਿਵਸਥਾ ਤੇਜ਼ੀ ਨਾਲ ਰਿਕਵਰ ਹੋ ਰਹੀ ਹੈ। ਆਰਥਿਕ ਵਿਕਾਸ ਦੇ ਨਾਲ ਟੈਕਸ ਚੋਰੀ ਵਿਰੋਧੀ ਗਤੀਵਿਧੀਆਂ, ਖਾਸ ਕਰਕੇ ਨਕਲੀ ਬਿਲਰਾਂ ਦੇ ਵਿਰੁੱਧ ਕਾਰਵਾਈ ਵੀ ਵਧੇ ਹੋਏ ਜੀਐਸਟੀ ਮਾਲੀਏ ਦੀ ਇਕੱਤਰਤਾ ਵਿੱਚ ਯੋਗਦਾਨ ਪਾ ਰਹੀਆਂ ਹਨ। ਜੀਐਸਟੀ ਮਾਲੀਏ ਦੀ ਇਕੱਤਰਤਾ ਵਿੱਚ ਮਜ਼ਬੂਤੀ ਦੇ ਆਉਣ ਵਾਲੇ ਮਹੀਨਿਆਂ ਵਿੱਚ ਵੀ ਜਾਰੀ ਰਹਿਣ ਦੀ ਸੰਭਾਵਨਾ ਹੈ I

ਟੇਬਲ ਅਗਸਤ 2020 ਦੇ ਮੁਕਾਬਲੇ ਅਗਸਤ 2021 ਦੇ ਮਹੀਨੇ ਦੌਰਾਨ ਹਰੇਕ ਰਾਜ ਵਿੱਚ ਇਕੱਤਰ ਕੀਤੇ ਗਏ ਜੀਐਸਟੀ ਦੇ ਰਾਜ-ਅਧਾਰਤ ਅੰਕੜੇ ਦਰਸਾਉਂਦਾ ਹੈ।

ਅਗਸਤ 2021 ਦੇ ਦੌਰਾਨ ਜੀਐਸਟੀ ਮਾਲੀਏ ਦਾ ਰਾਜ-ਅਧਾਰ ਤੇ ਵਾਧਾ

 Does not include GST on import of goods

ਇਸ ਵਿੱਚ ਦਰਾਮਦ ਕੀਤੇ ਗਏ ਸਾਮਾਨ ਤੇ ਜੀ ਐਸ ਟੀ ਸ਼ਾਮਲ ਨਹੀਂ ਹੈ 

*****************

ਆਰ ਐੱਮ /ਕੇ ਐੱਮ ਐੱਨ