কেমিকেল্স অমসুং ফর্তিলাইজর মন্ত্রালয়
azadi ka amrit mahotsav

গুজরাতকী অঙ্কলেস্বরদা শারিবা কোবাক্সিনগী অহানবা কম্মর্সিএল বেতচ হকশেল অমসুং য়াইফ-য়ুম্বাল অমসুং কেমিকেল্স অমসুং ফর্তিলাইজর্সকী কেন্দ্রগী মন্ত্রী, শ্রী মনসুখ মন্দাভিয়ানা রিলিজ তৌখ্রে


ঙসিদগী হৌদুনা অঙ্কলেস্বর প্লান্তনা থা অমদা দোজ কোতি ১ হেন্না পুথোকপা ঙম্বগী মেনুফেকচরিং কেপাসিতী লৈ : শ্রী মনসুখ মন্দাভিয়া

ইকাই খুম্নরবা প্রধান মন্ত্রীগী মংলাননা মরম ওইদুনা, ভারতনা মহাক্কী অহানবা ইন্দিজিনিয়র্স ভেক্সিন পুথোকপা ঙম্লে: কেন্দ্রগী হকশেল মন্ত্রী

ভারত বাইওতেকনা হাইদ্রবাদ, মালুর, আঙ্কলেস্বর অমসুং পুনেদা স্পিসিয়েলাইজ বাইওসেফতী কন্তেনমেন্ত ফেসিলিতীশিংগা লোইননা চহি অমদা দোজ বিলিয়ন ~১ পুথোক্নবগী পান্দম থম্লিবা অদুদা লেপ্পা লৈতনা চংশিল্লক্লি

Posted On: 29 AUG 2021 1:09PM by PIB Imphal

গুজরাতকী অঙ্কলেস্বরদা লৈরিবা ভারত বাইওতেক্কী চিরোন বেহরিং ভেক্সিন ফেসিলিতীদগী কোবাক্সিনগী অহানবা কম্মর্সিএল বেতচ ঙসি হকশেল অমসুং য়াইফ-য়ুম্বাল অমসুং কেমিকেল্স অমসুং ফর্তিলাইজর্সকী কেন্দ্রগী মন্ত্রী, শ্রী মনসুখ  মন্দাভিয়ানা রিলিজ তৌখ্রে ৷ নবসারি, এম.পি., শ্রী সি.আর. পতিল, , অঙ্কলেস্বর, এম.এল.এ., শ্রী ইশ্বরসিনহ পতেল, এম.এল.এ., শ্রী দুশয়ান্ত পতেল অমসুং ভারত বাইওতেক্কী চিয়রমেন অমসুং মেনেজিং দাইরেক্তর দা. কৃষ্ণ ইল্লানা থৌরম অসিদা শরুক য়াখি৷

থৌরম অসিদা ৱা ঙাংলদুনা, শ্রী মনসুখ  মন্দাভিয়ানা অসুম্না ফোংদোকখি মদুদি ইকাই খুম্নরবা প্রধান মন্ত্রীগী মংলান অসিনা মরম ওইদুনা, ভারতনা মহাক্কী অহানবা ইন্দিজিনিয়র্স ভেক্সিন পুথোকপা ঙমখিবনি৷ ভারতনা মালেম অসিদা খ্বাইদগী চাওবা ভেক্সিনেসন প্রোগ্রামশিংগী মনুংদা চল্লিবা ভেক্সিনেসন প্রোগ্রামশিং চত্থরি অমসুং হায়রিবা অসি চত্থবা ঙম্লিবা অসি মসিগী ইন্দিজিনিয়র্স ভেক্সিনশিং শারকপা অসিনা ওইথোকহল্লিবনি হায়না মহাক্না ফোংদোকখি৷ ২০২১গী জানুৱারী ১৬তগী হৌদুনা রাজ্যশিং অমসুং য়ুনিয়ন তেরিতোরী পুম্নমক্তা নেস্নেল কোবিদ-১৯ ভেক্সিনেসন প্রোগ্রাম মাই পাক্না চত্থদুনা লাক্লি হায়না মহাক্না ফোংদোকখি৷

অঙ্কলেশ্বর ফেসিলিতীশিংদগী কোবাক্সিনগী অহানবা বেতচ রিলিজ তৌরক্তুনা লৈবাক অসিদা কৎলিবা অসি পল্লদুনা, অসিগুম্বা ভেক্সিনশিং পুথোকপা ঙম্লিবা অসি কোবিদ-১৯গী মাইয়োক্তা ভারতনা লান্থেংনরিবা খোঙচৎ অসিগী লেন্দমার্ক মোমেন্ত অমনি হায়না কেন্দ্রগী হকশেল মন্ত্রীনা ফোংদোকখি৷ কোবিদ-১৯ ভেক্সিনশিং পুথোকপগী চাং হেনগৎলকপা অসিনা ভারত্তা ভেক্সিনেসনগী লম্বী অসি মখাতানা মাই পাকহল্লগনি৷ ভারত বাইওতেক অমসুং জাইদস কেদিলা কম্পেনী অনিনা ভারত্তা ভেক্সিনশিংগী মতাংদা রিসর্স তৌবা অমসুং পুথোকপা অসি ঐখোয়গী ওইনদি য়াম্না চাওথোকচনিংঙাইনি হায়না মহাক্না মখাতানা ফোংদোকখি৷ ঙসিদগী হৌদুনা অঙ্কলেস্বর প্লান্তনা থা অমদা দোজ কোতি ১ হেন্না পুথোকপা ঙম্বগী মেনুফেকচরিং কেপাসিতী লৈ হায়না মহাক্নসু পনখি৷

মালেম শিনবা থুংনা শন্দোক্লিবা লাইনা-লাইচৎ অসিগী মাইয়োক্তা লান্থেংনবদা ভারতনা লৌখিবা থৌদাং অদুগী মতাংদা পল্লদুনা, অতোপ্পা লৈবাকশিংনা কোবিদকী ফিভম অসি মাইয়োক্নবা মতমদা তঙাই ফদবা হিদাক-লাংথকশিংগা লোইননা ভারতনা লৈবাকশিং অসিগী চিরবা মতমদা মতেং পাংখি হায়না মহাক্না ফোংদোকখি৷

ভারত্তা কোবাক্সিন পুথোকপগী স্তেতস অসিগী মতাংদা ৱা ঙাংলদুনা, ভারত বাইওতেকনা মহাক্কী হাইদ্রবাদ, মালুর, বেঙ্গালুরু, অমসুং পুনেদা লৈরিবা  কেম্পসশিংদা প্রদক্সন লাইন কয়ামরোমদা মাংজৌননা দিপ্লোই তৌখ্রে অমসুং অঙ্কলেশ্বরগী চিরোন বেহরিং হাপচিল্লকপা অসিনা মহাক্কী কোবাক্সিন প্রদক্সন কেপাসিতী অসি মখাতানা হেনগৎহল্লগনি হায়না কেন্দ্রগী মন্ত্রীনা অসিনা ফোংদোকখি৷ ২০২০গী মতমদা অনৌবা ফাইলিং ফেসিলিতী অমা শেমগৎখিবা অদু কোবাক্সিন পুথোক্ননবগীদমক হৌজিক্তি শিজিন্নরি৷ জুন হৌরকপদগী কোবাক্সিন পুথোকপা হৌখ্রে, মসিগী মমাংদা তীম অসিনা ফেসিলিতী অসিদা ইক্ব্যুইপমেন্ত ফঙ্কসনেলিতী নৈননবগীদমক ইঞ্জিনিয়রিং বেতচশিং শিজিন্নখ্রে৷ ২০২১গী সেপ্তেম্বর থাদগী হৌদুনা অঙ্কলেশ্বর ফেসিলিতীশিংদা শারিবা প্রদক্তশিং অসি সপ্লাই তৌবা হৌরগনি হায়না মহাক্না মখা তাখি৷

“গ্লোবেল সেফতী লৈবা ভেক্সিন অমা শেম্বা হায়বসি ঐখোয়গী পান্দম্নি অমসুং হৌজিক্তি ইফিকেসী স্তের্দর্দশিং অদু ফংবা ঙম্লে, হৌজিক্তি ঐখোয়না চহি অমদা দোজ বিলিয়ন ~১ পুথোক্নবগী পান্দম থম্লিবা অদুদা লেপ্পা লৈতনা চংশিল্লক্লি ”হায়না ভারত বাইওতেক্কী চিয়রমেন অমসুং মেনেজিং দাইরেক্তর, দা, কৃষ্ণ ইল্লানা ফোংদোকখি৷

বাইওসেফতী কন্তেনমেন্তগী মখাদা ইনএক্তিবেতেদ বাইরেল ভেক্সিনশিংগী কম্মর্সিএল স্কেল মেনুফেকচরিংদা হেন্না হৈথোই শিন্থোইরবা অতোপ্পা লৈবাকশিংদা লৈরিবা মহাক্কী পার্তনরশিংগা খুৎশম্নদুনা মেনুফেচরিং পার্তনরশিপশিং শেম্ননবা ভারত বাইওতেকনা হোৎনরি হায়না মহাক্না মখাতানা ফোংদোকখি৷

*****



(Release ID: 1750191) Visitor Counter : 172