নীতি আয়োগ
শেলথুম মন্ত্রীনা নেসনেল মোনিতাইজেসন পাইপলাইন হৌদোকখ্রে
এসেত মোনিতাইজেসন প্রোগ্রাম অসি প্রধান মন্ত্রীগী মীৎয়েঙনা মরম ওইরগা পায়খৎলকপনি: শেলথুম মন্ত্রী
এন.এম.পি.না কেন্দ্র লৈঙাক্কী মরুওইবা এসেতশিংগী খুত্থাঙদা লুপা করোর লাখ ৬.০গী শেন্ফম মোনিতাইজেসন তৌবা য়াগনি হায়না পারি
Posted On:
23 AUG 2021 5:45PM by PIB Imphal
শেলথুম অমসুং কোর্পোরেত এফ্যার্সকী কেন্দ্র মন্ত্রী শ্রীমতি নির্মলা সিতারমন্না ঙসি কেন্দ্রগী মন্ত্রালয়শিংগী অমদি পব্লিক সেক্তর এন্তিতীশিংগী এসেতশিং মোনিতাইজেসন তৌনবগী পাইপলাইন: ‘নেসনেল মোনিতাইজেসন পাইপলাইন (এন.এমোপিও ভোল্যুম ১ অমসুং ২)’ হৌদোকখ্রে। পাইপলাইন অসি কেন্দ্রগী বদজেত ২০২১-২২গী মখাদা লৈখিবা ‘এসেত মোনিতাইজেসন’গী মেনদেত্তা য়ুম্ফম ওইরগা ইন্ফ্রাস্ত্রকচর লাইন মন্ত্রালয়শিংগা তানরগা নি.তি. আয়োগনা শেম্বনি। এন.এম.পি.না শেনবা চহি ২০২২ দগী শেনবা চহি ২০২৫ ফাওবা চহি মরিগী মনুংদা কেন্দ্র লৈঙাক্কী মরুওইবা এসেতশিংগী খুত্থাঙদা লুপা করোর লাখ ৬.০গী শেন্ফম মোনিতাইজেসন তৌবা য়াগনি হায়না পারি।
এন.এম.পি.গী রিপোর্তকী ভোল্যুম ১ অমসুং ২ ঙসি ভাইস-চেয়রমেন (নিতি আয়োগ), সি.ই.ও. (নিতি আয়োগ) পাইপলাইন অসিগী মখাদা য়াওরিবা ইনফ্রাস্ত্রকচর লাইন মন্ত্রালয়শিং – রোদ, ত্রান্সপোর্ত এন্দ হায়ৱেজ, রেলৱেজ, পৱার, পাইপলাইন অমসুং নেচরেল গ্যাস, সিভিল এভিয়েসন, সিপ্পিং পোর্ত অমসুং ৱাতরৱেজ, তেলিকম্ম্যুনিকেসন, ফুদ অমসুং পব্লিক দিস্ত্রিব্যুসন, মাইনিং, কোইলা অমসুং হাউজিং অমসুং অর্বান এফ্যার্সকী সেক্রেতরীশিং, লোয়ননা সেক্রেতরী (দিপার্তমেন্ত ওফ ইকনমিক এফ্যার্স) অমসুং সেক্রেতরী (দিপার্তমেন্ত ওফ ইনভেস্তমেন্ত এন্দ পব্লিক এসেত মেনেজমেন্ত) য়াওবা থৌরম অমদা ফোঙদোকখি।
পাইপলাইন অদু পুথোক্লদুনা কেন্দ্রগী শেলথুম মন্ত্রীনা হায়খিবদা, “এসেত মোনিতাইজেসন প্রোগ্রাম অসি ভারতকী মীচম মীয়ামদা অৱাংবা থাক্কী ওইবা অমদি অহোঙবা মমলদা মচাক মথুমশিং ফংহনগদবনি হায়না মতম পুম্নমক্তা থাজবা থম্লিবা ইকায়খুম্নরবা প্রধান মন্ত্রীগী মীৎয়েঙনা মরম ওইরগা পায়খৎপা ঙম্বনি। মোনিতাইজেসনগী খুত্থাঙদা শেমগৎ শাগৎপা হায়বা ৱাখল্লোন্দা য়ুম্ফম ওইবা এসেত মোনিতাইজেসন অসিনা অনৌবা মচাক মথুম শেমগৎনবগীদমক প্রাইভেত সেক্তর ইনভেস্তমেন্ত লৌশিন্নবা পান্দম থম্লি। মসি থবক পীবা ঙমদুনা শেন্মিৎলোন চাওখৎহন্নবা অমদি মীয়ামগী য়াইফনবগীদমক খুঙ্গঙ অমসুং সেমি-অর্বান মফমশিং অয়েৎ-অপন লৈতনা পুশিন্ননবগীদমক মথৌ তাই।” শ্রীমতি সিতরমন্না মখা তানা হৌজিক লৈরিবা লৈঙাকসিনা ইনফ্রাস্ত্রকচর থুনা য়াঙনা শেমগৎনবা অমদি প্রাইভেত সেক্তর ইনভেস্তমেন্ত ইন্সেন্তিভাইজ তৌননবা পায়খৎলিবা থৌরাংশিংগী মরমদা ৱাফম কয়া থমখি। মহাক্না ফোঙদোকখিবদুদা হন্দক্তা তৌনা হৌদোকখিবা স্তেত লৈঙাকশিংবু মখোয়গী লৈরিবা এসেতশিংবু গ্রীনফীল্দ ইনফ্রাস্ত্রকচর ফাস্ত-ত্রেক তৌননবা রিসাইকল তৌবদা ইন্সেন্তিভাইজ তৌবা ‘স্কিম ওফ ফাইনান্সিএল এসিস্তেন্স তু স্তেতস ফোর কেপিতেল এক্সপেন্দিচর’ য়াওরি।
“থৌরাং অসিগী মরুওইবা পান্দমদি তুংদা পব্লিক ইনভেস্তমেন্ততা শীজিন্নবা য়াগদবা ইন্সতিত্যুসনেল অমসুং লোং-তর্ম পেসেন্ত কেপিতেলশিং লৌশিন্দুনা ব্রাউনফীল্দ পব্লিক সেক্তর এসেতশিংদা শেল থাদবগী মমল অনলোক তৌবনি,” হায়না হৌদোকপগী থৌরমদুদা ভাইস চেয়রমেন, নিতি আয়োগনা হায়খি। প্রাইভেতাইজেন নৎত্রগা এসেতশিং চোম্লপ য়োন্থোকপগী মহুত্তা মওং মরিল নাইবা কন্ত্রেকচুএল পার্ত্নরসিপগী মওংদা শেম্বা অনলোক্কী মওং মতৌগী মতাঙদা মহাক্না ৱাফম কয়া ফোঙদোকখি।
এন.এম.পি. অসি তোঙান তোঙানবা ইনফ্রাস্ত্রকচর সেক্তরশিংদা মতিং লৈবা মোনিতাইজেসন য়ারবা প্রোজেক্তশিং মশক খঙদোক্নবা মেদিয়ম-তর্ম রোদমেপ ওইহন্নবা মীৎয়েঙ থম্লি। সি.ই.ও. নিতি আয়োগনা ফোঙদোকখিবদা, “এন.এম.পি. অসিনা পব্লিক ওথোরিতীশিংদা থৌরাং অসিগী পর্ফোর্মেন্স য়েংশিন্নবা অমদি শেল থাদরিবশিংনা মখোয়গী তুংগী থৌওংশিং প্লান তৌজনবা মওং মরিল নাইবা অমদি লৌথুপ লৌকোয় লৈতবা মেকানিজম অমা শেমগৎনবা পান্দম থম্লি। এসেত মোনিতাইজেসন অসি শুপ্নতগী ফন্দিং মেকানিজম অমা ওইনা উবগী মহুত্তা প্রাইভেত সেক্তরগী মচাক মরল মরাং কায়বা অমসুং মালেমগী ওইনা হোংলক্লিবা অমদি শেন্মিৎলোনগী ফীভমদা মতিং লৈনা চুশিন্নবা ঙম্বগী মতিক অদুদা মীৎয়েঙ থম্লগা ইনফ্রাস্ত্রকচর ওপরেসন, ওগমেন্তেসন অমসুং মেন্তেনেন্সকী লমদা পুম্নৌ নৌবা অওনবা অমা পুরক্নবা থৌরাং অমা ওইনা উগদবনি। ইনফ্রাস্ত্রকচর ইনভেস্তমেন্ত ত্রস্ত অমসুং রিএল এস্তেত ইনভেস্তমেন্ত ত্রস্তনচিংবা অনৌবা মোদেলশিংনা শেলথুমগী অমদি স্ত্রেতেজিক ইনভেস্তরশিংখক্তা নত্তনা মীচম মীয়ামসু হায়রিবা এসেত ক্লাসসিদা শরুক য়াহন্দুনা শেল থাদবগী অনৌবা মচৎ অমা পুরকপা ঙমগনি। এন.এম.পি. অসি ভারতকী ইনফ্রাস্ত্রকচরবু তশেংনা মালেমগী থাক্তা পুখৎলক্নবগী মরুওইবা খোঙথাঙ অমনি হায়না ঐনা লৌই।”
এন.এম.পি. অসি নিতি আয়োগ, শেলথুম মন্ত্রালয় অমসুং অতৈ লাইন মন্ত্রালয়শিংনা পায়খৎপা মল্তি-স্তেকহোল্দর কন্সলতেসনগী খুত্থাঙদা খোমজিনখিবা ইনসাইত, ফীদবেক অমসুং এক্সপিরিএন্সশিংগী মহৈনি। নিতি আয়োগনা স্তেকহোল্দরশিংগা তাঙ্কক কয়াদা খন্ন-নৈনবগী থৌরম পাঙথোকখ্রে। পাইপলাইন অসি কেবিনেত সেক্রেতরীনা থৌরম মপু ওইবা ইন্তর-মিনিইস্তরিএল মীফমদা কুপ্না নৈনখ্রবনি। মরম অসিনা মসি লৈঙাম অপুনবগী ওইবা থৌরাংনি।
ইনফ্রাস্ত্রকচর মন্ত্রালয় পুম্নমক্কী সেক্রেতরীশৎংনা নিতি আয়োগ অমসুং শেলথুম মন্ত্রালয়গা পুন্না চঙশিনমিন্নদুনা এন.এম.পি.গী মখাদা থম্লিবা মখোয় মখোয়গী পান্দম ফংনবগীদমক মখোয়না খোঙফম চেৎনা লেপকনি হায়না ফোঙদোক্নখি।
এসেত মোনিতাইজেসন প্রোগ্রাম পায়খৎনবা অমদি য়েংশিন্নবগী মরোল নাইবা ইন্সতিত্যুসনেল মেকানিজম অমগী শরুক অমা ওইনা কেবিনেত সেক্রেতরীনা চেয়রমেন ওইবা এমপৱার্দ কোর গ্রুপ ওফ সেক্রেতরীজ ওন এসেত মেনেজমেন্ত (সি.জি.এ.এম.) অ্রমা শেমখ্রে। লৈঙাক অসিনা এসেত মোনিতাইজেসন প্রোগ্রাম অসিবু হেন্না ফরবা ইনফ্রাস্ত্রকচর ক্বালিতী অমসুং ওপরেসন অমদি মেন্তেনেন্সকী খুত্থাঙদা পব্লিক সেক্তর অমসুং প্রাইভেত ইনভেস্তর/দেভেলপর অনিমক্কী ওইনা মমল তপ্না তপ্না কাহল্লক্কদবা ৱাফম অমা ওইহন্নবা ফিরেপ লৌরি। মসি ‘খ্বাইদগী ফবা মখলগী ইনফ্রাস্ত্রকচর থমদুনা মীচম মীয়াম পুম্নমক মপাঙ্গল কলহনবা’ হায়রিবা হেন্না পাক চাউবা অমদি অশানবা মীৎয়েঙগী ওইবা পান্দম অসি ফংনবগীদমক্তনি।
নেসনেল মোনিতাইজেসন পাইপলাইন: শক্তাক ৱারোল অমা
কেন্দ্রগী বদজেত ২০২১-২২না মথৌ তৌরিবা পব্লিক ইনফ্রাস্ত্রকচর এসেতশিংবু মোনিতাইজেসন তৌববু তুং কোইগদবা ইনফ্রাস্ত্রকচর ফাইনান্সিংগী মরুওইবা পাম্বৈ অমা ওইনা শকখঙখি। মসিগীদমক বদজেত অদুনা মতিং লৈবা ব্রাউনফীল্দ ইনফ্রাস্ত্রকচর এসেতশিংগী ‘নেসনেল মোনিতাইজেসন পাইপলাইন (এন.এম.পি.) অমা শেম্নবা ৱাফম থমখি। নিতি আয়োগনা ইনফ্রা লাইন মন্ত্রালয়শিংগী তানরবা মতুংদা এন.এম.পি.গী মতাঙদা রিপোর্ত অমা শেমখি।
এন.এম.পি.না প্রাইভেত সেক্তরশিংদা মতিং লৈবা এসেতশিং উহনবা য়াওনা পব্লিক এসেতকী মপুশিংগীদমক প্রোগ্রাম অসিগীদমক মেদিয়ম তর্মগী রোদমেপ অমা পীনবা পান্দম থম্লি। এন.এম.পি.গী রিপোর্ত অসি ভোল্যুম অনি থোক্না শেম্লি। ভোল্যুম ১ অসি লমতাক্নবগী লাইরিক অমা ওইনা শেমদুনা এসেত মোনিতাইজেসনগী কন্সেপচুএল এপ্রোচশিং অমসুং মতিং লৈবা মোদেলশিংগী মরমদা শুগাইনা য়াওরি। ভোল্যুম ২ অসিনা কেন্দ্র লৈঙাক্কী মখাদা লৈবা মরুওইবা ইনফ্রাস্ত্রকচর এসেতশিংগী পাইপলাইন য়াওনা মোনিতাইজেসনগী তশেংবা রোদমেপ য়াওরি।
ফ্রেমৱর্ক
পাইপলাইন অসি মরী লৈনবা লাইন মন্ত্রালয়শিং অমসুং দিপার্তমেন্তশিংগা তান্নদুনা মখোয়গী ইনপুতশিংদা য়ুম্ফম ওইরগা মখোয়দা লৈরিবা অপুনবা এসেত বেজশিংগা লোয়ননা শেমখিবনি। দিসইনভেস্তমেন্তকী খুত্থাঙদা মোনিতাইজেসন তৌবা অমদি নন-কোর এসেতশিং মোনিতাইজেসন তৌবগী ৱাফমশিং এন.এম.পি. অসিদা য়াওদে। হৌজিক্কী ওইনা কেন্দ্র লৈঙাক্কী লাইন মন্ত্রালয়শিংগী অমদি সি.পি.এস.ই.শিংগী ইনফ্রাস্ত্রকচর সেক্তরখক্তমদ মসিদা হাপ্লি। স্তেতশিংগী এসেত পাইপলাইনশিং পুশিল্লক্নবা থৌরাং চঙশৎল্লি অমদি হায়রিবশিং অসি মতমগী মতুং ইন্না হাপচিল্লক্নবা মীৎয়েঙ থম্লি।
কোর এসেত মোনিতাইজেসনগী ফ্রেমৱর্ক অসিদা মরুওইবা ইম্পরেতিব অহুম য়াওরি।
মসিদা রিভিন্যু রাইতদা শেম্বা অপুনবা ত্রাঞ্জেক্সনগা লোয়ননা মরা চেৎপা রিভিন্যু জেনেরেসন প্রোফাইল লৈবা দি-রিস্ক অমসুং ব্রাউনফীল্দ এসেতশিং খনগৎপগী ৱাফম য়াওরি। ফ্রেৱর্ক অসিনা ত্রাঞ্জেক্সনগী মপুন্সি লোইরকপদা এসেতশিং পব্লিক ওথোরিতীদা অমুক হন্না পীশিল্লক্নবগী ৱাফম য়াওহন্দুনা স্ত্রকচর অসিগী মখাদা এসেতশিংগী তশেংবা মপুদি লৈঙাক্না অদুমক ওইদুনা লৈগনি।
চাউরাকপা মতিং
ইনফ্রাস্ত্রকচর শেমগৎপা হায়বসি শেল থোকহনবগা মরী লৈনবা মরম্না এন.এম.পি.গী মতম অসি নেসনেল ইনফ্রাস্ত্রকচর পাইপলাইন (এন.আই.পি.)গী মখাদা লৈবা বেলেন্স পিরিয়দকা কো-তর্মিসন ওইহন্নবা ফিরেপ লৌরে।
এন.এম.পি.গী মখাদা শেনবা চহি ২০২২-২০২৫, চহি মরিগী মতমসিদা লৈগদবা অপুনবা এসেত পাইপলাইন অসি লুপা করোর লাখ ৬.০রোম ওইগনি হায়না পারি। চাউরাকপা মমল অসি এন.আই.পি.গী (লুপা করোর লাখ ৪৩) মখাদা কেন্দ্রগী প্রপোজ আউতলেগী ~১৪%গা চানগনি। মসিদা লাইন মন্ত্রালয় ১২ হেনবা অমদি এসেত ক্লাস ২০ হেন্না য়াওরি। মসিদা য়াওরিবা সেক্তরশিংদি লম্বী, হিথাংফম, এয়রপোর্ত, রেলৱে, ৱ্যারহাউজিং, গ্যাস অমসুং প্রদক্ত পাইপলাইন, পৱার জেনেরেসন অমসুং ত্রান্সমিসন, মাইনিং, তেলিকোম, স্তেদিয়ম, হোস্পিতালিতী অমসুং হাউজিংনি।
শেনবা চহি ২০২২-২৫তা লৈগদবা সেক্তরশিংগী মোনিতাইজেসন পাইপলাইন (লুপ করোরগী খুজিংদা)
মকোক থংবা সেক্তর ৫ (এস্তিমেত ভেল্যুগী মতুং ইন্না) অসিনা অপুনবা পাইপলাইন ভেল্যুগী ~৮৩% ওইগনি। হায়রিবা মকোক থংবা সেক্তর ৫সিদা য়াওরিবশিংদি: লম্বী (২৭%) মসিগী মথংদা রেলৱে (২৫%), পৱার (১৫%), থাউ অমসুং গ্যাস পাইপলাইন (৮%) অমসুং তেলিকোম (৬%)নি।
ভেল্যুগী মতুং ইন্না চহিগী ফেজিংগী মতাঙদা য়েংলগা চৎলিবা শেনবা চহিসিদা (শেনবা চহি ২০২১-২২) লুপা করোর লাখ ০.৮৮গী ইন্দিকেতিব ভেল্যু ওইগদবা এসেতকী ১৫% রোল আউত তৌনবা মীৎয়েঙ থম্লি। অদুম ওইনমক অপুনবা অমদি চহি চহিগী ওইবা এন.এম.পি. অসি চাউরাকপা ভেল্যুনি অমদি তশেং তশেংনা খোমগৎকদবা চাংদি মতম, ত্রাঞ্জেক্সন স্ত্রকচরিং, ইনভেস্তর ইন্তরেস্ত অসিনচিংবগী মখশ পোনগনি।
চহি চহিগী ওইনা মোনিতাইজেসন পাইপলাইনগী ইন্দিকেতিব ভেল্যু (লুপা করোরগী খুজিংদা)
এন.এম.পি.গী মখাদা শকখঙলবা এসেত অমসুং ত্রাঞ্জেক্সনশিং অসি ইন্সত্রুমেন্ত কয়াগী খুত্থাঙদা হৌদোক্লবা য়াই। মসিদা অতৈ ইন্সত্রুমেন্তশিংগী মরক্তা পব্লিক প্রাইভেত পার্ত্নরসিপ কন্সেসনগুম্বা দাইরেক্ত কন্ত্রেকচুএল ইন্সত্রুমেন্ত অমসুং ইনফ্রাস্ত্রকচর ইনভেস্তমেন্ত ত্রস্ত (ইনভিত)নচিংবা কেপিতেল মার্কেত ইন্সত্রুমেন্তশিং য়াওরি। শীজিন্নগদবা ইন্সত্রুমেন্ত অদু সেক্তর, এসেতকী মওং মতৌ, ত্রাঞ্জেক্সনগী মতম (মার্কেত কন্সিদরেসন য়াওরগা), তার্গেত ইনভেস্তর প্রোফাইল অমসুং এসেত মপুনা রিতেন তৌগদবা ওপরেসনেল/ইনভেস্তমেন্ত কন্ত্রোলগী চাংনা লেপকনি।
এসেত মোনিতাইজেসনগী থৌওংগী খুত্থাঙদা পব্লিক এসেত মপুনা খোমগৎকনি হায়না পারিবা মোনিতাইজেসন ভেল্যু অসি অপফ্রন্দ এক্রুএল নৎত্রগা প্রাইভেত সেক্তর ইনভেস্তমেন্তকী মওংদা ওইবা য়াই। এন.এম.পি.গী মখাদা এসেস তৌরিবা পোতেন্সিএল ভেল্যু অসি থম্ব রুলদা য়ুম্ফম ওইরগা অৱাংবা থাক্কী এস্তিমেতকী চাং তাকপখক্নি। মসি সেক্তর-সেক্তরগী মতুং ইন্না চৎনবা য়াবা অমদি ফংলিবা মার্কেত নৎত্রগা কোস্ত নৎত্রগা বুক নৎত্রগা এন্তরপ্রাইজ ভেল্যুনচিংবা তোঙান তোঙানবা এপ্রোচশিংদা য়ুম্ফম ওইবনি।
পায়খৎপগী অমদি য়েংশিনবগী মেকানিজম
অপুনবগী লাল্লোং অমা ওইনা এসেত বেজকী অয়াম্বা শরুক্তি লৈঙাক্তা লৈগনি।
প্রোগ্রাম অসিনা ইফিসিএন্ত অমসুং ইফেক্তিব ওইবা এসেত মোনিতাইজেসনগী প্রোসেস লৈহন্নবগীদমক লৈঙাক্কী মথৌ তাবা থৌরাং অমসুং রিগুলেতরী ইন্তরভেন্সনশিংনা চৈঙাক পীনবা মীৎয়েং থম্লি। মসিদা ওপরেসনেল মোদেলিতীশিং স্ত্রীমলাইন তৌবা, ইনভেস্তর পার্তিসিপেসন পুক্নিং থৌগৎপা অমসুং কম্মর্সিএল ইফিসিএন্সী লৈহনবনচিংবা মখল কয়া য়াওরি। কেন্দ্র বদজেত ২০২১-২২দা য়াওখিবগুম অথুবা মতমদা হৌদোক্কদৌরিবা এসেত মোনিতাইজেসন দেসবোর্দকী খুত্থাঙদা রিএল তাইম মোনিতরিং তৌগনি।
থৌরাং অসিগী তশেংবা পান্দমদি পব্লিক অমসুং প্রাইভেত সেক্তর অনিমক খুৎশম্নদুনা কম্পিতেন্সকী মরুওইবা লমশিংদা নীংথিনা থবক পায়খত্তুনা ‘ইনফ্রাস্ত্রকচর ক্রিএসন থ্রু মোনিতাইজেসন’ য়াহন্দুনা লৈবাক মীয়ামদা খুন্নাই-শেন্মিৎলোন চাউখৎপা অমদি পুন্সি মশক থোক্না হিংনবা খুদোংচাবা পীবনি।
মপুং ফাবা রিপোর্ত মসিদগী পাবা য়াগনি: http://www.niti.gov.in/national-monetisation-pipeline
*****
(Release ID: 1748485)
Visitor Counter : 277