భారత దేశంలో టీకాల పంపిణీ కార్యక్రమంలో భాగంగా ఇప్పటిదాకా ఇచ్చిన టీకా డోసుల సంఖ్య 58.89  కోట్లు దాటి 58,89,97,805కి చేరినట్టు ఈ  ఉదయం 8 గంటలకు అందిన సమాచారం తెలియజేస్తోంది. ఇది సాధించటానికి ఇప్పటిదాకా మొత్తం 65,03,493 శిబిరాలు నిర్వహించారు. ఆ వివరాలు ఇలా ఉన్నాయి.  

టీకాల పరిధిని విస్తరించి దేశవ్యాప్తంగా  వేగంగా అమలు   చేయాలన్న లక్ష్యంతో కేంద్ర ప్రభుత్వం ముందుకు వెళుతోంది. గత 24 గంటలలో 39,486 మంది బాధితులు కోలుకోగా ఇప్పటిదాకా  3,17,20,112 మంది కోలుకున్నారు. దేశ వ్యాప్తంగా కోలుకున్నవారి శాతం గత 24 గంటల్లో 97.68 % కు చేరుకోవటం విశేషం. 2020 మార్చి నుంచి కోలుకున్నవారి శాతం ఇదే అత్యధికం

గత 24 గంటలలో దేశవ్యాప్తంగా  25,467 కొత్త కేసులు నమోదయ్యాయి. 58  రోజులుగా కొత్త కేసులు 50 వేల లోపే ఉంటున్నాయి. కేంద్ర, రాష్ట ప్రభుత్వాల ఉమ్మడి కృషి ఫలితంగానే ఈ ధోరణి నమోదవుతోంది..

పెద్ద సంఖ్యలో కోలుకున్నవారు నమోదవటం, కొత్త కేసులు తక్కువగా ఉండటం వలన చికిత్సలో ఉన్నవారి సంఖ్య తగ్గుతూ 3,19,551 కి చేరింది. ఇది   156   రోజుల అత్యల్పం. మొత్తం కేసుల్లో చికిత్సలో ఉన్నవి  ప్రస్తుతం  1% లోపు మాత్రమే. ఇది మార్చి 2020 తరువాత  అత్యల్పం.

కోవిడ్ నిర్థారణ పరీక్షల సామర్థ్యం దేశవ్యాప్తంగా పెంచటంతో గత 24 గంటల్లో 16,47,526 పరీక్షలు జరపగా ఇప్పటిదాకా చేసిన మొత్తం పరీక్షలు 50.93  కోట్లకు పైగా (50,93,91,792) అయ్యాయి. ఒక వైపు పరీక్షలు పెరుగుతూ ఉండగా మరోవైపు పాజిటివిటీ  తగ్గుతూ వస్తోంది. వారపు పాజిటివిటీ ప్రస్తుతం  1.90 % కాగా ఇది 60   రోజులుగా 3% లోపు ఉంటోంది.  రోజువారీ పాజిటివిటీ  1.55 % కు చేరగా వరుసగా 29     రోజులుగా 3% లోపు,  78  రోజులుగా 5% లోపే ఉంటోంది

***