ঙসি অয়ুক ফংখিবা প্রোভিজনেল রিপোর্তকী মতুং ইন্না ভারতকী অপুনবা কোবিদ-১৯ ভেক্সিনেসন কোভরেজ কোতি ৫৮.৮৯(৫৮,৮৯,৯৭,৮০৫) হেনখ্রে৷ মসি সেসন ৬৫,০৩,৪৯৩দা কাপখিবনি৷

ঙসি অয়ুক পুং ৮ ফাওবগী মনুংদা ফংখিবা প্রোভিজনেল রিপোর্তকী মতুং ইন্না ভেক্সিন কাপখিবা অপুনবা ফিগরগী শরুকশিং অদুদি:

লৈবাক অসিদা কোবিদ-১৯ ভেক্সিন কাপ্পগী স্কোপ অসি চাওথোকহন্নবা অমসুং খোঙজেল য়াংখৎহন্নবা কেন্দ্র সরকারনা য়াম্না কন্না হোৎনৈ৷

হৌখিবা পুং ২৪দা পোসেন্ত ৩৯,৪৮৬ রিকোভর তৌরকখিবা অসিনা রিকোভর তৌখ্রবা অপুনবা পেসেন্ত মশিং(লাইনা-লাইচৎ অসি হেক হৌরকপদগী) অসি ৩,১৭,২০,১১২দা হেনগৎহনখ্রে৷

লোইনা-লোইননা, ভারতকী রিকোভরী রেতসু ৯৭.৬৮% ওইখ্রে, ২০২০ মার্চ থাদগী হৌদুনা য়েংবদা মসিনা খ্বাইদগী ৱাংবনি৷

কেন্দ্র অমসুং রাজ্যশিং/য়ু.তি.শিংনা য়াম্না কন্না খুৎশম্নদুনা হোৎনখিবা অসিনা নোংমদা অনৌবা কেস ৫০,০০০গী মখাদা তানা লাকখিবা হৌজিক্তি নুমিৎ ৫৮নি শুরে৷

হৌখিবা পুং ২৪দা অনৌবা কেস ২৫,৪৬৭ লাকখি৷

লাইচৎ অসিদগী ফরকপগী চাং হেনগৎলকপা অমসুং অনৌবা কেস মশিং য়াম্না লাক্তবা অসিনা নুমিৎ ১৫৬নিদা খ্বাইদগী নেম্বা ওইনা এক্তিব কেসলোদ অসি ৩,১৯,৫৫১দা হন্থখ্রে৷ হৌজিক হৌজিক লৈরিবা এক্তিব কেস মশিং অসি অপুনবা পোজিতিব কেস মশিংগী ১%দগী তানা লৈখ্রে, মশিং অসি ২০২০গী মার্চ থাদগী য়েংবা মতমদা খ্বাইদগী নেম্বনি৷

লৈবাক অসিদা তেস্তিং কেপাসিতী লেপ্প-লৈতনা হেনগৎলক্লি৷ হৌখিবা পুং ২৪দা তেস্ত পুন্না ১৬,৪৭,৫২৬ তৌখি৷ হৌজিক ফাওবদা ভারতনা তেস্ত পুন্না কোতি ৫০.৯৩ হেন্না (৫০,৯৩,৯১,৭৯২) তৌখ্রে৷

লৈবাক অসিদা তেস্ত তৌবগী চাং হেনগৎলকখিবা অসিদা, হৌজিক্তি চয়োলগী ওইনা পোজিতিব ওইখিবগী চাং ১.৯০% ওইদুনা ৩%গী মখাদা লৈখিবা নুমিৎ ৬০নি শুরে৷ নোংমদা পোজিতিব ওইবগী চাং ১.৫৫% ওই৷ নোংমদা পোজিতিব ওইখিবগী চাং ৩%গী মখাদা লৈখিবা নুমিৎ ২৯নি শুরে অমসুং ৫%গী মখাদা লৈখিবা নুমিৎ হৌজিক্তি নুমিৎ ৭৮নি শুরে৷

*****