প্রধানমন্ত্রীগী লোইশঙ
শ্রী কল্যান সিংহনা লৈখিদবদা মীদিয়াদা পি.এম.না থমখিবা ৱারোল
পি.এম. মোদীনা শ্রী কল্যান সিংহদা মহাক্কী অরোইবা ইকাই খুম্নবা উৎখ্রে
কল্যান সিংহজী অসি জন কল্যানগীদমক মতম চুপ্পদা থবক তৌরমখিবা লুচিংবা অমনি অমসুং ভারত পুম্বদা মহাকপু মতম চুপ্পদা শোন্নদুনা লৈহৌরগনি: পি.এম.
Posted On:
22 AUG 2021 4:27PM by PIB Imphal
মসি ঐখোয় পুম্নমক্কী ওইনা নুংঙাইতবা পুংফম অমনি। কল্যান সিংহজীগী মমা-মপানা মহাকপু কল্যান সিংহ হায়না মমিং থোনখি। মহাক্কী মমা-মপানা মঙোন্দা থোনবীরম্বা মমিং অদুগা চানবা মওং অমদা মহাক্না হিংখি। মহাক্কী পুন্সি চুপ্পা মীয়ামগী য়াইফনবগী থবক তৌদুনা মহাক্না হিংলমখি, মহাক্না মীয়ামগী য়াইফবা হায়বা অসি মহাক্কী পুন্সিগী মন্ত্র ওইহনখি। অমসুং মহাক্না ভারতীয় জনতা পার্তী, ভারতীয় জনসংঘ, অপুনবা ইমুং অসিবু ৱাখল্লোন অমগীদমক, লৈবাক অসিদা অফবা তুংলমচৎকীদমক কত্থোকখি।
কল্যান সিংহজী অসি লৈবাক অসিগী কাচিন-কোয়া খুদিংমক্তা থাজবগী মমিং অমা ওইখি। মহাক অসি প্রতিব্রতগী ৱারেপ লৌবা মীওই অমগী মমিং ওইখি অমসুং মহাক্কী পুন্সিগী অয়াম্বা শরুক মীয়ামগী য়াইফনবা থবক তৌরমখি। মঙোন্দা থৌদাং অমা হেক্তা পীবদা, লেজিস্লেচর ওইরবসু, সরকারগী ফম অমা পাইবা ওইরবসু, গভর্নরগী থৌদাং ওইরবসু, মতম চুপ্পদা মীয়াম্না মতৌ তমজনীংঙাই ওইবা মীশক অমা ওইখি। মীচম প্রজানা থাজবা থম্বগী খুদম অমা ওইখি।
লৈবাক অসিনা মমল য়াম্লবা মীশক, মতিক-ময়াই চেনবা লুচিংবা অমা মাংজরে। মখোয়না তৌরম্বা অদু মহুৎ শিঞ্জনবা ঙম্নবা মখোয়গী ৱাখল্লোনশিং, মখোয়গী শঙ্গা অদু মতৌ তমসি অমসুং মখোয়গী মঙলানশিং থুংহনবদা নীংহন্নবা তৌগুমসি। ঐহাক্না মবুঙো শ্রী রামগী খুয়া খাদা কল্যান সিংহজীবু চংজফম পীবীনবা থৌনিজরি অমসুং মবুঙো রামনা মহাক্কী ইমুং-মনুংবু অৱাবা তানফম অসিদা থৌনা পীনবীবা ওইরসনু। অমসুং লৈবাক অসিগী ওইনসু মফম অসিগী ভেল্যুশিং, ৱাখল্লোনশিং, নাৎ, চৎনবীদা থাজবা থম্লিবা নুংঙাইতবা পোক্লিবা মীওই খুদিংমক থেমজিনবীনবা থৌনিজরি।
***
(Release ID: 1748098)
Visitor Counter : 181
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam