প্রধানমন্ত্রীগী লোইশঙ
পি.এম.না সোমনাথতা তোঙান-তোঙানবা প্রোজেক্তশিং শঙ্গাখ্রে অমসুং উরেপ-উয়ুং তমখ্রে
ভারতকী মমাংঙৈগী ফজবা অদু হিংগৎহন্নবগী লম্বা লৈত্রবা অখাং কনবগী শক্তি অদু তাকপীরম্বা সরদার পতেলদা মকো নোন্না খুরুমখ্রে
বিশ্বানাথতগী সোমনাথ ফাওবা লাইশঙ কয়া নৌনা শেমগৎখিবা লোকমাতা অহিল্যাবাই হোল্করবু নীংশিংখ্রে
চহিচা খুদিংমক্না ধর্মগা মরী লৈনবা তুরিজমদা অনৌবা ওইথোকপা য়াবশিং থিদোক্নবা অমসুং লাইফম অমসুং মফম অদুগী শেন্মীৎলোনগী মরক্তা মরী ফগৎহন্নবা দিমান্দ তৌই: পি.এম.
অকাই- অতোই থোকহনবগী শক্তি, অকি-অখাং পোকহনদুনা নীংথৌরেল অমা শেমগৎন্নবা হোৎনবগী ৱাখল্লোন অসি মতম খরা চৎনরম্বা য়াই অদুবু মসি মতম চুপ্পগী ওইবদি য়াদে, মসিনা মীওইবা খুন্নাইবু মতম শাংনা নমথদুনা থম্বা য়ারোই। মসি সোমনাথবু এতেকর খরনা থুগাইখিবা মতম অদুদসু চুমখি, মসি ঙসি মালেম অসিনা অসিগুম্বা ৱাখল্লোনশিংদা চীংনবা পোক্লিবা মতম অসিদসু চুম্লি: পি.এম.
লৈবাক অসিনা অরুবা সমস্যাশিংদা পুম্নমক্না য়ারবা ৱারোইশিনশিং পুরক্নবা মাইকৈ তম্না চংশিল্লি। রাম মন্দিরগী শক্লোন্দা অনৌবা ভারতকী ফজরবা মঙাল লৈরবা য়ুম্বী অমা ওইনা শেমগৎলি: পি.এম.
ঐখোয়গী ওইনা পুৱারী অমসুং থাজবগী ৱাখল্লোন অসি সবকা সাথ, সবকা বিকাস, সবকা বিশ্বাস অমসুং সবলা প্রয়াসনা ওইরি:
Posted On:
20 AUG 2021 1:26PM by PIB Imphal
প্রধান মন্ত্রী, শ্রী নরেন্দ্র মোদী ঙসি ভিদিও কনফরেন্সিংগী থোংদা গুজরাতকী সোমনাথতা তোঙান-তোঙানবা প্রোজেক্তশিং শঙ্গাখ্রে অমসুং উরেপ-উয়ুং তমখ্রে। শঙ্গাখিবা প্রোজেক্তশিং অদুদা সোমনাথ প্রোমেনেদ, সোমনাথ এগজিবিসন সেন্তর অমসুং অরিবা (জুনা) সোমনাথকী নৌনা শেমগৎপা লাইশঙগী মফম য়াওখি। প্রধান মন্ত্রীনা থৌরম অদুদা শ্রী পার্বতি তেম্পলগী উরেপ-উয়ুংসু তমখি। থৌরম অদুদা শ্রী লাল কষ্ণন অদভানি, কেন্দ্রগী গৃহ মন্ত্রী লোইননা গুজরাতকী সি.এম. অমসুং উপ সি.এম.সু শরুক য়াখি।
মালেমদা লৈরিবা ভক্তাশিংদা নুংঙাইবা ফোঙদোক্লদুনা প্রধান মন্ত্রীনা ভারতকী মমাংঙৈগী ফজবা অদু নৌহৌনা হিংগৎহন্নবগী লম্বা লৈত্রবা অখাং কনবগী শক্তি অদু উৎখিবা সরদার পতেলদা ইকাই খুম্নবা উৎখি। সরদার পতেলনা নীংতম্বা ভারতকী নীংতম্বগী ৱাখল্লোন অদুগা সোমনাথ মন্দির অসি মরী লৈনহনখি। শ্রী মোদীনা হায়খি মদুদি ‘নীংতম্বা চহি ৭৫শুরকপদা সরদার সাহেবনা হোৎনরম্বশিং অদু ঐখোয়না মাংদা পুখৎপা ফংজবা অসি ঐখোয়গী লাইবক ফবনি। প্রধান মন্ত্রী বিশ্বানাথতগী সোমনাথ ফাওবা মন্ত্রী কয়া নৌহৌনা শেমগৎখিবা লোকমাতা অহিল্যাবাই হোল্করবুসু নীংশিংখ্রে। লৈবাক অসিনা মহাক্কী পুন্সিদা মোদর্নিতী অমসুং ত্রেদিসনগী পুনশিন্নবা অসিদগী ইথিল লৌদুনা মাংদা চংশিল্লি হায়না প্রধান মন্ত্রীনা ফোঙদোকখ্রে।
প্রধান মন্ত্রীনা হায় স্তেচ্যু ওফ য়ুনিতী অমসুং কচ্ছতা অওনবা পুরকখিবা অসিগুম্বা থৌরাংশিং অসি গুজরাতনা মোদর্নিতীগা তুরিজমগা লিঙ্ক তৌবগী ফলশিং অসি য়াম্না কুপ্না য়েংশিনখি। প্রধান মন্ত্রীনা হায়খি, “চহিচা খুদিংমক্না ধর্মগা মরী লৈনবা তুরিজমদা অনৌবা ওইথোকপা য়াবশিং থিদোক্নবা অমসুং লাইফম অমসুং মফম অদুগী শেন্মীৎলোনগী মরক্তা মরী ফগৎহন্নবা দিমান্দ তৌই”
প্রধান মন্ত্রীনা হায়খি মবুঙো শিবনা অকাই-অতোই অমসুং অপনবা থোক্লিঙৈ চৈরক্তা চাউখৎ-থৌরাং অমসুং ক্রিএতিবিতী হেনগৎহনখি। শিব অসি লোইনাইদে, মসি ফোঙদোকপা ঙমদে অমসুং হোংবা নাইদে। প্রধান মন্ত্রীনা হায়খি, ‘শিবদা ঐখোয়না থাজবা থম্বনা ঐখোয়দা হিংলিঙৈ মতমগী মতুংদসু ঐখোয় লেংদনা লৈ হায়বা খঙহল্লি, খুদোংথিবা মতম মায়োক্নবা ঙম্নবা থৌনা ঐখোয়দা পীরি’।
ইকাই খুমন্নীংঙাই ওইরবা লাইশঙ অসিগী পুৱারী অদু পল্লদুনা প্রধান মন্ত্রী লাইশঙ অসি হঞ্জিন-হঞ্জিন থুগাইখিবা অমসুং লাইশঙ অসিনা অকাইবা পীখিবা খুদিংমক্কী মতুংদা অমুক হন্না করম্না হান্নগুম লৈখিবা অদু নীংশিংখ্রে। ‘মসি অচুম্ববু অরানবনা মাইথিবা পীবা ঙমদে অমসুং থাজবা অসি অকি-অখং পীবনা মাংহনবা ঙমদে হায়বগী থাজবা অদুগী খুদম অমনি’। “অকাই-অতোই থোকহনবগী শক্তি, অকি-অখাং পোকহনদুনা নীংথৌরেল অমা শেমগৎন্নবা হোৎনবগী ৱাখল্লোন অসি মতম খরা চৎনরম্বা য়াই অদুবু মসি মতম চুপ্পগী ওইবদি য়াদে, মসিনা মীওইবা খুন্নাইবু মতম শাংনা নমথদুনা থম্বা য়ারোই। মসি সোমনাথবু এতেকর খরনা থুগাইখিবা মতম অদুদসু চুমখি, মসি ঙসি মালেম অসিনা অসিগুম্বা ৱাখল্লোনশিংদা চীংনবা পোক্লিবা মতমসিদসু চুম্লি।”, হায়না প্রধান মন্ত্রীনা ফোঙদোকখ্রে।
প্রধান মন্ত্রীনা হায়খি সোমনাথ তেম্পল শেমগৎপা অসি চাউনা শেমগৎ শাগৎখিবা ঙমখিবগী মরম অসি মাগী চহিচা কয়া অখাং কনদুনা লাকখিবা অমসুং হোংবা নাইদ্রবা ৱাখল্লোন অসিনা ওইরি। ‘নীংতম্লবা মতুংদসি রাজেন্দ্র প্রসাদজী, সরদার পতেল অমসুং কে.এম. মুন্সিগুম্বা মীওইশিংনা কেম্পেন অসিগীদমক খুদোংথিবশিং মায়োক্নখি। ঙসি, অরোইবদা সোমনাথ মান্দির অসি ১৯৫০গী মোদর্ন ইন্দিয়াগী ইশ্বরগুম্না মতিক-ময়াই চেনবা য়ুম্বী অমা ওইনা শেমগৎপা ঙমখি। লৈবাক অসিনা অরুবা সমস্যাশিংগী পুম্নমক্না য়ারবা ৱারোইশিনশিং পুরক্নবা মাইকৈ তম্না চংশিল্লি। রাম মন্দিরগী শক্লোন্দা অনৌবা ভারতকী ফজরবা মঙাল লৈরবা য়ুম্বী অমা ওইনা শেমগৎলি’ হায়না মহাক্না ফোঙদোকখ্রে।
মহাক্না হায়খি ঐখোয়গী ৱাখল্লোন অসি হৌজিক অসি ফগৎহন্নবা অমসুং অনৌবা তুংলমচৎ অমা শেমগৎনবা পুৱারীদগী তমশিনবা অসি ওইগদবনি। ‘ভারত জোরো অন্দোলন’গী মহাক্কী লাইৱা অদু পল্লদুনা শ্রী মোদীনা হায়খি মদুদি মসি জিওগ্রাফিকেল কনেক্তিবিতী খক্তা নত্তে মসি ৱাখলদসু কনেক্ত তৌবা তাই। মসি ঐখোয়গী হৌখিবা অদুগা ভারতকী তুংলমচৎকা কনেক্ত তৌনবা ৱাশক অমসু ওইরি’, হায়না প্রধান মন্ত্রীনা ফোঙদোকখ্রে। প্রধান মন্ত্রীনা হায়খি “ঐখোয়গী ওইনা পুৱারী অমসুং থাজবগী ৱাখল্লোন অসি সবকা সাথ, সবকা বিকাস, সবকা বিশ্বাস অমসুং সবলা প্রয়াসনি”। প্রধান মন্ত্রীনা ভারত্তা অপুনবগী মশক অমা পুরক্নবা হোৎনবদা থাজবা অমসুং থাজবগী সিস্তেমগী থৌদাং লৈ হায়না ফোঙদোকখ্রে। মহাক্না হায়খি ‘নোংচুপ্তা সোমনাথ অমসুং নগেশ্বরদগী নোংপোক্তা বাইদ্যনাথ, নোংপোক্তা বাবা কেদর্নাথতগী ভারতকী খা থংবদা লৈরিবা শ্রী রামেশ্বর ফাওবা জ্যোতিলিঙ্গা ১২ অসিনা ভারতপু পুন্না শম্নহল্লি। মসিগা মান্ননা, ঐখোয়গী ধাম মরিগী শিল-লাংলিবা, ঐখোয়গী শক্তিপীথশিংগী ৱাখল্লোন, ঐখোয়গী লৈবাক্কী তোঙান-তোঙানবা মফমশিংদা তোঙান-তোঙানবা লাইফমশিং শেমগৎপা, ঐখোয়গী থাজবা লৈরিবা মওং অসিন তশেংনা ‘এক ভারত, এক শ্রেস্থা ভারত’কী ৱাখল্লোন অদু ফোঙদোক্লি।’
লৈবাক অসি অমত্তা ওইবগী ৱাখল্লোন অসি চেৎশিনহনবদা স্পিরিচ্যুএলিতীনা লৌরিবা থৌদাংগী মতাংদা মখা তারদুনা প্রধান মন্ত্রীনা তুরিজমগী নেস্নেল অমসুং ইন্তর্নেস্নেল পোতেন্সিএল অমসুং স্পিরিচ্যুএল তুরিজমগী মতাংদা পনখি। মহাক্না হায়খি লৈবাক অসিনা অনৌবা ইনফ্রাস্ত্রকচর শেমগৎতুনা অরিবগী ফজবা অদু নৌহৌননা হিংগৎহল্লি। মমহাক্না মবুঙো রামগা মী লৈনবা অনৌবা মফমশিংগী মরমদা রাম ভক্তাশিংদা খঙহল্লিবা অমসুং মখোয়দা মবুঙো রাম অসি ভারত পুম্বগী রাম ওইবগে হায়বা ফাওহল্লিবা রামায়ন সর্কিৎ অসি খুদম ওইনা পীখি। মসিগা মান্ননা বুদ্ধ সর্কিৎনা মালেম পুম্বদগী ভক্তাশিংদা খুদোংচাবশিং পীরি। প্রধান মন্ত্রীনা তুরিজম মন্ত্রালয়না স্বাদেশ দর্শন স্কীমগী মখাদা থিম ১৫দা তুরিস্ত সর্কিৎ ১৫ শেমগৎলি, খুদোংচাবা ফংদ্রবা মশিংদা তুরিজমগী খুদোংচাবশিং পীরি হায়না খঙহনখ্রে। কেদর্নাথগুম্বা চীংগী মফমদা চাউৎ-থৌরাংশিং পাইখৎপা, চার ধামশিংগী তনেল অমসুং হায়ৱেশিং শেমগৎপা, বৈশ্নব দেবিদা চত্থরিবা চাউখৎ-থৌরাংগী থবক, অৱাং নোংপোক্তা হায়-তেক ইনফ্রাস্ত্রকচর শেমগৎপা অসিনা অরাপ্পা লৈরম্বা অদু কোকহল্লি। মসিগা মান্না ২০১৪দা লাউথোকখিবা প্রশাদ স্কীমগী মখাদা মরু ওইবা লাইফম ৪০ শেমগৎলি, মসিগী মনুংদা ১৫দি লোইশিনখ্রে। গুজরাত্তা লুপা করোর ১০০রোমগী প্রোজেক্ত অহুমগী থবক পাইখৎলি। লাইফমশিং কনেক্ত তৌনবা মীৎয়েং চংলি। প্রধান মন্ত্রীনা হায়খি মদুদি লৈবাক অসিনা তুরিজমগী খুত্থাংদা মীচম প্রজা খক্তা কনেক্ত তৌবদা নত্তনা খুমাং চাউশিল্লি। লৈবাক অসি ত্রাবেল এন্দ তুরিজম কম্পিতিতিবনেস ইন্দেক্সতা ২০১৩দা ৬৫শুবা মফমদা লৈরম্বা অদু ২০১৯দা ৩৪শুবা মফমদা কাখৎখি।
সোমনাথ প্রোমনেদ অসি প্রশাদ (পিলগ্রিমেজ রিজুবেনেসন এন্দ স্পিরিচ্যুল হেরিতেজ ওকমেন্তেসন দ্রাইব) স্কীমগী মখাদা পুন্না লুপা করোর ৪৭কী মথক্তা চংদুনা শেমগৎপনি। ‘তুরিস্ত ফেসিলেতেসন সেন্তর’গী মনুংদা শেমগৎলিবা সোমনাথ একজিবিসন সেন্তর অসিদা অরিবা সোমনাথ লাইশঙ শিদোকখিবগী ফংবা পোৎলমশিং উৎলি অমসুং মসিগী স্কল্পচরশিং অসিদা অরিবা সোমনাথকী নগর স্তাইল লাইশঙগী আর্কিতেকচর ওই।
অরিবা (জুনা) সোমনাথতা নৌহৌনা শেমগৎলিবা লাইশঙ অসি শ্রী সোমনাথ ত্রস্তনা পুন্না লুপা করোর ৩.৫ চংদুনা লোইশিনখি। মসিগী অরিবা লাইশঙ কাইথরক্তুনা লৈরম্বা ইন্দোরগী মহারানি অহিল্যবাইনা থেংনবদগী মহাক্কী মমিং লৌদুনা লাইশঙ অসি অহিল্যবাই লাইশঙ হায়নসু খংনৈ। অরিবা লাইশঙ অসিগী কমপ্লেক্স পুম্বা লাইনিংবশিংগী শাফনবা অমসুং কেপাসিতী হেনগৎহন্নবা হোলিস্তিক ওইনা অমুক হন্না শেমগৎখ্রে।
শ্রী পার্বতী লাইশঙ পুন্না লুপা করোর ৩০ চংনা শেমগৎনবা প্রপোজ তৌখ্রে। মসিগী মনুংদা লাইশঙ অসি সোমপুরা সেলেত স্তাইলদা শাবা, গর্ভা গ্রিহ অমসুং ন্রিত্যা মান্দপ শেমগৎপা য়াওরি।
***
(Release ID: 1747702)
Visitor Counter : 283
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam