ভারতনা মহাক্কী নেসনৱাইদ ভেক্সিনেসন দ্রাইবকী মখাদা হৌখিবা পুং ২৪ অসিদা ভেক্সিন দোজ লাখ ৮৮.১৩ হেন্না কাপখ্রে৷ ভেক্সিনেসন দ্রাইব অসি হেক হৌরকপদগী মসিগী মশিং অসিনা ঙসি ফাওবদা নোংমদা কাপখিবা খ্বাইদগী য়াম্বা ভেক্সিন দোজ মশিংনি৷ মসিগা লোইননা, ভারতকী কোবিদ-১৯ ভেক্সিনেসন কোভরেজ ঙরাং কোতি ৫৫ য়ৌখ্রে৷ ঙসি অয়ুক ফংখিবা প্রোভিজনেল রিপোর্তকী মতুং ইন্না, সেসন ৬২,১২,১০৮দা ভেক্সিন দোজ পুন্না ৫৫,৪৭,৩০,৬০৯ কাপখ্রে৷

মসিগী মনুং চল্লিবশিং অদুদি:

কোবিদ-১৯ ভেক্সিনেসন য়ুনিভর্সেলাইজেসন তৌবগী অনৌবা ফেস অদু ২০২১গী জুন ২১দগী হৌখ্রে৷ লৈবাক অসি শিনবা থুংনা কোবিদ-১৯ ভেক্সিনেসনগী স্কোপ অসি চাওথোকহন্নবা অমসুং খোঙজেল য়াংখৎহন্নবা কেন্দ্র সরকারনা লেপ্প-লৈতনা হোৎনরি৷

ভারতী রিকোভরী রেত ৯৭.৫১% য়ৌখ্রে, ২০২০গী মার্চ থাদগী য়েংবা মতমদা মসিনা খ্বাইদগী নেম্বনি৷

লাইচৎ অসি শন্দোরকপা হৌরকখিবা মতম অদুদগী হৌদুনা লাইচৎ অসিনা মরম ওইদুনা নাহনখিবা মীওইশিং অদুগী মনুংদা, মীওই ৩,১৪,৪৮,৭৫৪দি কোবিদ-১৯দগী মাংজৌননা ফবা ঙমখ্রে অমসুং হৌখিবা পুং ২৪ অসিদা পেসেন্ত ৩৬,৮৩০ লাইচৎ অসিদগী ফরকখ্রে৷

নুমিৎ ১৫৪নিগী মনুংদা খ্বাইদগী নেম্বা ওইনা ভারত্তা নোংমদা অনৌবা কেস (২৫,১৬৬) লাকখি৷ 

নোংমদা অনৌবা কেস ৫০,০০০গী মখাদা লাকখিবা নুমিৎ ৫১নি শুরে৷ মসি কেন্দ্র অমসুং রাজ্যশিং/য়ু.তি.শিংনা য়াম্না কন্নবা খুৎশম্নদুনা হোৎনবগী মহৈনি৷

ভারতকী এক্তিব কেসলোদ ৩,৬৯,৮৪৬ লৈরিবা অসি নুমিৎ ১৪৬নিগী মনুংদা মসিনা খ্বাইদগী নেম্বনি৷ হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ১.১৫% খক্তনি, মশিং অসি ২০২০গী মার্চ থাদগী হৌদুনা য়েংবা মতমদা মসিনা খ্বাইদগী নেম্বনি৷

লৈবাক অসিদা তেস্ত তৌবগী চাং হেনগৎলক্তুনা, হৌখিবা পুং ২৪দা লৈবাক অসিদা তেস্ত পুন্না ১৫,৬৩,৯৮৫ তৌখি৷ হৌজিক ফাওবদা, ভারতনা অপুনবা তেস্ত কোতি ৪৯.৬৬ (৪৯,৬৬,২৯,৫২৪) হেন্না  তৌখ্রে৷

অদুগা নাকল অমরোমদা লৈবাক অসিদা তেস্তিং কেপাসিতী হেনগৎখিবা অসিদা, চয়োলগী ওইনা পোজিতিব ওইখিবগী চাংসু ১.৯৮% ওইদুনা ৩%দগী তানা লৈখিবা নুমিৎ হৌজিক্তি নুমিৎ ৫৩নি শুরে৷ হৌজিক ফাওবদা নোংমদা পোজিতিব ওইখিবগী চাং ৩%গী মখাদা লৈখিবা নুমিৎ ২২নি শুরে অমসুং ৫%গী মখাদা লৈখিবা নুমিৎ ৭১নি শুরে৷

*****