ভারতকী কোবিদ-১৯ ভেক্সিনেসন য়ৌশিনবগী চাং অসি করোর ৫৪.৫৮গী পন্দোল লানখ্রে‍। ঙসি অয়ুক পুং ৭ ফাওবদা থাগৎলকপা প্রোভিজনেল রিপোর্তকী মতুং ইন্না পুন্না সেসন ৬১,৫৪,২৩৫দা ভেক্সিন দোজ ৫৪,৫৮,৫৭,১০৮ কাপখ্রে‍। হৌখিবা পুং ২৪ অসিদা ভেক্সিন দোজ ১৭,৪৩,১১৪ কাপখি‍।

মসিদা য়াওরিবশিংদি:

কোবিদ-১৯ ভেক্সিনেসন মীপুম খুদিংদা ফংহনবগী অনৌবা ফেজ অসি জুন ২১, ২০২১দগী হৌদোকখি‍। কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল হেনগৎহন্নবা অমদি স্কোপ পাকথোক চাউথোকহন্নবা ফিরেপ লৌরি‍।

ভারতকী ফগৎলকপগী চাং ৯৭.৪৮%দা লৈরি‍।‍

লাইচৎ অসি হৌরকপদগী নাখ্রবা অপুনবা মীওইশিংগী মরক্তগী মীওই ৩,১৪,১১,৯২৫ হান্ননা কোবিদ-১৯দগী ফগৎলকখ্রবনি অমদি মীওই ৩৫,৯০৯না হৌখিবা পুং ২৪ অসিদা ফগৎলকখ‍্রে।

হৌখিবা পুং ২৪দা ভারত্তা নোংমগী ওইবা অনৌবা কেস ৩২,৯৩৭ থেংনখ্রে। 

থংন-থংননা হৌখিবা নুমিৎ নিফু-মাপলসিদা নোংমগী ওইবা অনৌবা কেস মশিং ৫০,০০০গী মখাদা ওইদুনা লাক্লি‍। মসি কেন্দ্র অমদি স্তেত/য়ু.তি. লৈঙাকশিংগী লেপ্পা নাইদনা অমদি পুন্না হোৎনমিন্নবগী মহৈ অমনি‍।

ঙসি ফাওবদা ভারতকী এক্তিব কেসলোদ ৩,৮১,৯৪৭দা লৈরে‍। এক্তিব কেস মশিং অসি লৈবাকসিগী অপুনবা পোজিতিব কেস মশিংগী শুপ্নতগী ১.১৮% খক্তা ওইরি‍।

লৈবাক শিনবা থুংনা তেস্তিং কেপাসিতী চাওনা হেনগৎহনখিবগা লোয়ননা হৌখিবা পুং ২৪ অসিদা লৈবাক অসিদা পুন্না তেস্ত মশিং ১১,৮১,২১২ তৌখি‍। হৌজিক ফাওবদা ভারতনা পুন্না তেস্ত মশিং করোর ৪৯.৩৬ (৪৯,৪৮,০৫,৬৫২) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেত ২.০১%দা লৈরে অমদি ঙসিগী ওইনা নোংমগী ওইবা পোজিতিভিতী রেত ২.৭৯%দা লৈরে‍। নোংমগী ওইবা পোজিতিবিতী রেত হৌখিবা নুমিৎ ২১নিদা ৩%গী মখাদা অদুগা হৌখিবা নুমিৎ ৭০ অসিদনা ৫%গী মখাদা লৈরি‍।

****