মরুওইবা ৱাফমশিং

• অপুনবা ওইনা এন.ৱাই.এ. ২০১৭-১৮গী মনা ১৪ অমসুং এন.ৱাই.এ. ২০১৮-১৯গী মনা নিপান লান্থোকখি
• মনা অদুদা লনাই মীওইগী ওইনা মেদল অমা, শকখঙচে অমা অমসুং লুপা ১,০০,০০০গী শেন্ফম অদুগা লূপকীনা লুপা ৩,০০,০০০গী শেন্ফম য়াওরি

নহারোল থৌরম অমসুং শান্ন-খোৎনবগী কেন্দ্র মন্ত্রী শ্রী অনুরাগ থাকুরনা ঙসি নই দিল্লীগী বিজ্ঞান ভবনদা নেসনেল য়ুথ এৱার্দ ২০১৭-১৮ অমসুং ২০১৮-১৯ লান্থোকখ্রে‍। ইন্তরনেসনেল য়ুথ দে ২০২১গী থৌরম পাঙথোক্লদুনা শ্রী অনুরাগ থাকুরনা এগ্রি-এন্তরপ্রাইজ চেলেঞ্জ এস.ও.এল.ভি.ই.দি. ২০২১ (সোসিএল ওবজেক্তিব-লেদ ভোলুন্তিয়র্স এন্তরপ্রাইজ দেভেলপমেন্ত)কী অথোইবা নহা ওইরিবা ওন্ত্রপ্রিন্যুর তীম তরাবুসু ওকখি‍। সেক্রেতরী, দিপার্তমেন্ত ওফ য়ুথ এফ্যার্স, এম./ও. য়াস শ্রীমতি উশা শর্ম; য়ু.এন. রেসিদেন্ত কোর্দিনেতর, মিস দিয়র্দে বোইদ অমসুং জোইন্ত সেক্রেতরী, য়ুথ এফ্যার্স শ্রী অসিত সিংহসু থৌরমদুদা শরুক য়াখি‍।

মনা মথুম য়েন্থোকপগী থৌরমদুদা ৱা ঙাঙলদুনা শ্রী অনুরাগ থাকুরনা ফোঙদোকখিবদা, “ঙসি অসি য়ুনাইতেদ নেসন্স (য়ু.এন.)না লেপখিবা ইন্তরনেসনেল য়ুথ দেগী চহিগী ওইনা পাঙথোকপা থৌরম্ন‍ি‍। ইন্তরনেসনেল য়ুথ দে অসি কেলেন্দরদা য়াওবা ইচম চমবা নুমিৎ অমা নত্তে‍। ভারতকী নহাশিং অসি “ভারতকী তুংগী য়ুম্বী” ওইবতা নত্তনা “ভারতকী হৌজিক্কী য়ুম্বী”সু ওইরিবনি‍। মখোয় ঙসিগী এ.আই. – “আত্মনিরভর ইনোভেসন”গী মতমগী অনৌবা ৱাখল্লোন কয়াবু থৌদুনা পুরিবা মীওইশিংনি‍।

“চহি অসিগী ইন্তরনেসনেল য়ুথ দেগী নুংগী ওইবা ৱাফমসিনা চীঞ্জাক্কী সিস্তেমদা অহোংবা পুরকপা অমদি অহোংবা পুরকপদা নহাশিং শরুক য়াহনবা হায়বসিদা মীৎয়েং থম্লি‍। লম অসিদা নহাশিংনা লুচিংবা এগ্রি-তেক ইনোভেসনশিংনা নৌনা মচিন তুমখৎলক্লিবা পরিং অসিবু থৌদুনা চৎলি‍। মালেমগী ওইবা থৌশিলশিংদা মায় পাকপা পুরকপা হায়বসি নহাশিং ৱাহন্থোক লৈনা শরুক য়াবা য়াওদনা ওইথোকপা য়ারোই‍। লৈঙাক অসিনা শ্রী নরেন্দ্র মোদীগী লুচিং মখাদা ঐখোয়গী নহাশিংদা প্রোফেসনেল এজুকেসন, স্কিলিং, স্তার্তঅপ ফন্দিং পীননবা মখল মখা কয়াগী থৌরাংশিং মরুওইনা লৌখৎলি‍। ঐখোনা ভারতকী নহাশিংগী মালেমগী খ্বাইদগী চাউরবা স্কিল ওইহন্নবা পান্দম থম্লি‍। ঐনা নেসনেল য়ুথ এৱার্দ ফংলিবা পুম্নমক্কী মফমদা নুংঙাইবা ফোঙদোকচরি‍। মনাশিং অসি লান্থোকপগী ঐখোয়গী পান্দমদি নহাশিংবু মায় পাকপা পুরক্নবগীদমক পুক্নিং থৌগৎপনি,” হায়না শ্রী অনুরাগ থাকুরনা হায়খি‍।

থৌরমদুদা ৱা ঙাঙলদুনা মিস দিয়রদে বোইদনা হায়খিবদা ভারতনা মালেমদা পীবা ঙমবা কয়া অমা লৈ, লমদমসিদা নহা ওইরিবা মীশিং য়াম্না লৈরি‍। নহাশিংদা অহোংবা পুরক্নবগী মতিক লৈ, মখোয়দা লৈবাক্কী খোঙজেল হেনগৎহন্নবা তগৎ তগৎ তেক্লিবা অমদি অনৌবা ৱাখল্লোন কয়া লৈ‍। তুং কোইগদবা চাউখৎপগী ফীভম পুরকপদা নহাশিংনা মালেম পুম্বগী ওইনা মরুওইবা থৌদাং লৌরি‍।

দিপার্তমেন্ত ওফ য়ুথ এফ্যার্স সেক্রেতরী শ্রীমতি উশা শর্মনা ভারতকী নহাশিংনা অহোংবা পুরকপগী, অনৌবা পুথোকপগী, নহা ওইরিবা ওন্ত্রপ্রিন্যুরগী অমদি অপুনবগী ৱাখল্লোন ঙাক্তুনা মশাগী ওইজবা থিদনা থৌদাং য়াবগী মায়কৈ কয়াগী ওইবা থৌদাং য়ারি হায়না ফোঙদোকখি‍।

লনাই মীওই অমদি লূপকী কাঙলুপশিংদা পুন্না নেসনেল য়ুথ এৱার্দ ২২ লান্থোকখি‍। লনাই মীওই কাঙলুপ্তা ১০ অমদি লূপকী কাঙলুপ্তা মনা মরি য়াওরগা পুন্না এন.ৱাই.এ. ২০১৭-১৮গী মনা ১৪ লান্থোকখি‍। লনাই মীওই কাঙলুপ্তা মনা ৭ অমদি লূপকী কাঙলুপ্তা মনা ১ য়াওরগা পুন্না এন.ৱাই.এ. ২০১৮-১৯গী মনা ৮ লান্থোকখি‍। মনা অসিদা মেদল অমা, শকখঙচে অমা অমদি লনাই মীওইগীনা লুপা ১,০০,০০০গী শেন্ফম অদুগা লুপকীনা লুপা ৩,০০,০০০গী শেন্ফম য়াওরি‍।

মনা ফংখিবশিংগী মচা খায়বা ৱাফমশিং

এন.ৱাই.এ. ২০১৭-১৮

এন.ৱাই.এ. ২০১৮-১৯

নেসনেল য়ুথ এৱার্দীশিংগী মচা খায়বা ৱাফমশিংগীদমক মসিদা নম্বিয়ু

নহারোল থৌরম অমসুং শান্ন-খোৎনবগী মন্ত্রালয়গী দিপার্তমেন্ত ওফ য়ুথ এফ্যার্সনা নেসনেল য়ুথ এৱার্দ (এন.ৱাই.এ.) অসি লনাই মীওইশিং (চহি ১৫-২৯ ফাওবদা লৈবা) অমসুং লূপশিংদা হকশেল, মীওইবগী হক য়োকখৎপা, সিতিজন অমা ওইবগী থৌদাং, খুন্নাইগী থৌগলনচিংবা চাউখৎপগী অমদি খুন্নাই থৌগলগী তোঙান তোঙানবা হীরমশিংদা মশক থোক্না থবক তৌবগীদমক পীবনি‍।

মনা অসি লান্থোকপগী পান্দমদি নহাশিংবু লৈবাক্কী চাউখৎপা অমদি খুন্নাই থৌগলগী লমদা মাঙজিল থানা শরুক য়াননবা, নহাশিংবু খুন্নাইগী থৌদাং খঙনা হিংনবা অমদি সিতিজন অমা ওইবগী মশাগী মতিং শেমগৎনবা অমসুং লৈবাক চাউখৎনবা অমদি খুন্নাই থৌগলগী লমদা নহাশিংগা পুন্না চৎমিন্নদুনা মশক থোকপা থবক তৌরিবা ভোলুন্তরী ওর্গনাইজেসনশিংবু শকখঙনবনি‍।

এস.ও.এল.ভি.ই.দি. চেলেঞ্জকী মনা ফংলবশিংগী মমীং মথা মখাদা পীরি:

নহারোল থৌরম অমসুং শান্ন-খোৎনবগী মন্ত্রালয়না য়ুনাইতেদ নেসন্স ভোলুন্তিয়র্স অমসুং য়ুনাইতেদ নেসন্স দেবেলপমেন্ত প্রোগ্রামগা খুৎশম্নরগা দিসেম্বর ২০২০দা খুঙ্গঙ, সব-অর্বান অমসুং ময়োল্লম ভারতকী নহারোলশিংগীদমক এগ্রি-ফুদ ভেল্যু চেনগী লমদা অনৌবা মওংগী ওইবা নহাশিংনা লুচিংবা ওন্ত্রপ্রিন্যুরগী পাম্বৈ খঙদোক্তুনা মখোঙ শোম্বিনবগীদমক এস.ও.এল.ভি.ই.দি. চেলেঞ্জ হৌদোকখিবনি‍। ভারত পুম্বদগী নহা ৮৫০ হেনবনা মসিগীদমক চে থারকখি অদুগা চাংদম্নবা অমদি ত্রেনিং রাউন্দ কয়ামরুম পাঙথোক্লবা মতুংদা জম্মু অমসুং কাস্মির, বিহার, কেরলা, মধ্য প্রদেশ, মহারাস্ত্র, ছত্তিসগর, কর্নাতকা, গুজরাত্তগী অথোইবা ১০ থোরকখি‍।

এস.ও.এল.ভি.ই.দি. চেলেঞ্জ মনা ফংলবশিংগী মচা খায়বা ৱাফমশিংগীদমক নম্বিয়ু

*******