প্ৰধানমন্ত্ৰীৰ কাৰ্যালয়
আন্তঃৰাষ্ট্ৰীয় ব্যাঘ্ৰ দিৱসত বন্যপ্ৰাণী প্ৰেমীসকলক শুভেচ্ছা প্ৰধানমন্ত্ৰীৰ
Posted On:
29 JUL 2021 10:32AM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে বন্যপ্ৰাণীপ্ৰেমীসকলক বিশেষকৈ যিসকল বাঘ সংৰক্ষণৰ প্ৰতি আগ্ৰহী তেওঁলোকক আন্তঃৰাষ্ট্ৰীয় ব্যাঘ্ৰ দিৱসত শুভেচ্ছা জ্ঞাপন কৰে।
একাধিক টুইটযোগে প্ৰধানমন্ত্ৰীয়ে কয়;
‘আন্তঃৰাষ্ট্ৰীয় ব্যাঘ্ৰ দিৱসত বন্যপ্ৰাণীপ্ৰেমীসকলক, বিশেষকৈ সংৰক্ষণৰ প্ৰতি আগ্ৰহী লোকসকলক শুভেচ্ছা জনাইছোঁ। বিশ্বব্যাপী যিমান বাঘ আছে তাৰ ৭০শতাংশৰো অধিকৰ বাসস্থান ভাৰত। আমি আমাৰ বাঘৰ বাবে নিৰাপদ বাসস্থান সুনিশ্চিত কৰিবলৈ আৰু বাঘ-অনুকূল পৰিৱেশ-প্ৰণালী ৰক্ষা কৰাৰ বাবে দৃঢ় প্ৰতিশ্ৰুতিবদ্ধ।
ভাৰতৰ ১৮ খন ৰাজ্যত ৫১ টা ব্যাঘ্ৰ সংৰক্ষিত কেন্দ্ৰ আছে। ২০১৮ চনত বাঘৰ অন্তিম গণনা হৈছিল আৰু উক্ত গণনাত বাঘৰ সংখ্যা বৃদ্ধি হোৱা দেখা গৈছিল। বাঘ সংৰক্ষণৰ ক্ষেত্ৰত ছেইণ্ট পিটাৰ্ছবাৰ্গ ঘোষণাপত্ৰৰ নিৰ্ধাৰিত সময়ৰ ৪ বছৰ পূৰ্বেই ভাৰতে বাঘৰ সংখ্যা দুগুণ কৰাৰ লক্ষ্য অৰ্জন কৰিছে।
স্থানীয় সম্প্ৰদায়ক জড়িত কৰি বাঘ সংৰক্ষণৰ কৌশলৰ ওপৰত ভাৰতে সৰ্বাধিক গুৰুত্ব আৰোপ কৰিছে। আমি আমাৰ শতাব্দী প্ৰাচীন ঐতিহ্যক অনুসৰণ কৰিছোঁ, যিয়ে আমাক শিকাইছে যে উদ্ভিদ আৰু প্ৰাণীকূলৰ সৈতে সামঞ্জস্য ৰাখি জীৱন যাপন কৰা উচিত, কাৰণ এই সকলোবোৰেই আমাৰ সৈতে এই পৃথিৱীত বাস কৰে।’
****
DS/SH/KG
(Release ID: 1741219)
Visitor Counter : 199
Read this release in:
Telugu
,
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Odia
,
Tamil
,
Kannada
,
Malayalam