প্রধানমন্ত্রীগী লোইশঙ
পি.এম.না ইন্তর্নেস্নেল তাইগর দেদা লম্লককি শা-উচেক নুংশিজবশিংদা য়াইফ-পাউজেল পীখ্রে
Posted On:
29 JUL 2021 10:32AM by PIB Imphal
প্রধান মন্ত্রী, শ্রী নরেন্দ্র মোদীনা ইন্তর্নেস্নেল তাইগর দেনা লাকপদা লম্লককি শা-উচেক নুংশিজবশিং মরু ওইনা কৈবু ঙাকশেনবা পামজবা মীওইশিংদা য়াইফ-পাউজেল পীখ্রে।
ত্বিৎ মথং-মথং তৌরদুনা প্রধান মন্ত্রীনা হায়খ্রে;
"#InternationalTigerDayনা লাকপদা লম্লককি শা-উচেক নুংশিজবশিং মরু ওইনা কৈবু ঙাকশেনবা পামজবা মীওইশিংদা য়াইফ-পাউজেল পীজরি। মালেমগী ওইনা কৈগী মশীং চাদা ৭০ হেন্না লৈরিবা মফম ওইরিবা অসিদা ঐখোয়গী কৈশিংগী লৈফম অসি ঙাকশেন্নবা অমসুং তাইগর-ফ্রেন্দলী ইকো-সিস্তেমশিং থম্নবা অমুক হন্না ঐখোয়না ৱাশক্লসি।
ভারতকী রাজ্য ১৮দা তাইগর রিজর্ব ৫১ লৈ। ২০১৮গী ইকোন-কোনবা তাইগর সেন্সসনা কৈগী মশীং হেনগৎলে হায়না উৎখ্রে। সেন্ত পিতর্সবর্গ দিক্লেরেসন ওফ তাইগর কঞ্জর্বেসনগী লেপখিবা মতমদগী চহি ৪ মাংওইননা ভারতনা কৈগী মশীং অসি শরুক অনি হেনগৎহন্নবা থমখিবা পান্দম ফংবা ঙমখি।
ভারতকী কৈ য়োকখৎনবা লালোং অসিদা লোকেল কম্ম্যুনিতীশিং য়াওশিনবা হায়বা অসিনা খ্বাইদগী মরু ওইহল্লি। ঐখোয়গী অচৌবা গ্রহ অসিদা পুন্না লৈমিন্নরিবা ফ্লোরা অমসুং ফৌনা পুম্নমক্কা ইং-চিক্না লৈমিন্নরকপগী ঐখোয়গী চহি কয়া লীরবা চৎনবী অসিনসু ঐখোয়দা ইথিল পীখি।"
***
(Release ID: 1740220)
Visitor Counter : 222
Read this release in:
Telugu
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam