بھارت نےمجموعی طور پر 40 کروڑ لوگوں کی کووڈ-19 ٹیکا کاری کرکے ایک امتیازی مقام حاصل کرلیا ہے۔ آج صبح 7 بجے تک موصولہ عبوری رپورٹ کے مطابق 50,46,387سیشنز منعقد کئے گئے جس میں مجموعی طور پر40,49,31,715 ٹیکے لگائے گئے۔ گذشتہ 24 گھنٹوں میں51,01,567ٹیکے لگائے گئے ہیں۔

اس میں مندرجہ ذیل اعداد و شمار شامل ہیں:

کووڈ 19 ٹیکہ کاری کے ہمہ گیر نئےمرحلے یعنی سب کو ویکسین کا آغاز21 جون 2021 کو کیا گیاتھا۔مرکزی حکومت پورے ملک میں کووڈ-19 ٹیکہ کاری کی رفتار کو بڑھانے اور اس کے دائرہ کار میں وسعت لانے کے لئے پابند عہد ہے۔

وبائی مرض کے آغاز سے  متاثرہ افراد میں سے3,02,69,796ا فراد کووڈ-19 سے پہلے ہی  شفایاب ہوچکے ہیں اور گذشتہ 24 گھنٹوں میں42,004مریض شفایاب ہوئے ہیں۔ شفایابی کی مجموعی شرح فی الحال 97.31  فیصد ہے،  جس میں مسلسل اضافہ کا رجحان نظر آرہا ہے۔

گذشتہ 24 گھنٹوں میں بھارت میں41,157نئے معاملے درج ہوئے ہیں۔

 مسلسل21 دنوں سے روزانہ50 ہزار سے بھی  کم نئے معاملے درج ہورہے ہیں۔ ایسا مرکز اور ریاستوں/ مرکز کے زیر انتظام علاقوں کی پائیدار اور مشترکہ کوششوں کے نتیجے میں ممکن ہوا ہے۔

بھارت میں زیر علاج مریضوں کی تعداد4,22,660  ہے اور زیر علاج معاملےمثبت مجموعی معاملوں کا اب صرف1.36 فیصد ہیں۔

ملک بھر میں جانچ میں خاطر خواہ اضافہ ہوا ہے، گذشتہ 24 گھنٹوں میں ملک بھر میں مجموعی طور پر19,36,709جانچ کی گئیں۔مجموعی طور پر بھارت میں اب تک 44.49 کروڑ سے زیادہ (44,39,58,663) جانچ کی جاچکی ہیں۔

اب جبکہ ایک طرف ملک بھر میں جانچ کی صلاحیت میں اضافہ درج ہورہا ہے،تومتاثرہ افراد کی ہفتہ واری  تعداد میں بھی کمی مسلسل سامنے آرہی ہے۔ متاثرہ افراد کی ہفتہ واری شرح فی الحال2.08 فیصد ہےجبکہ  متاثرین کی یومیہ شرح آج2.13 فیصدہوگئی۔ متاثرہ افراد کی یومیہ شرح لگاتار 27دنوں سے3 فیصد سے بھی کم ہے،  اور 41 دنوں سے لگاتار یہ شرح 5 فیصد سے  بھی نیچے ہے۔

*****

ش ح۔ ن ر (18.07.2021)

U NO: 6663