কোবিদকা মরী লৈনবা ফিভমশিং খন্ন-নৈননবা প্রধান মন্ত্রী শ্রী নরেন্দ্র মোদীনা তামিল নাদু, আন্ধ্র প্রধেশ, কর্নতাকা, ওরিশা, মহারাস্ত্র অমসুং কেরলাগী সি.এম.শিংগা ৱারি শানখ্রে৷ মীফম অদুদা কেন্দ্রগী গৃহ মন্ত্রী, হকশেল মন্ত্রীসু শরুক য়াখি৷ কোবিদ-১৯ অসি লান্থেংনবা মতমদা প্রধান মন্ত্রীনা পাংবা য়াবা মতেং পুম্নমক পাংখিবা অমসুং সপোর্ত তৌরকখিবা অসিগীদমক প্রধান মন্ত্রীবু মুখ্য মন্ত্রীশিংনা থাগৎখ্রে৷ মখোয় মখোয়গী রাজ্যশিং অসিদা লাইচৎ শন্দোক্লিবা অদু লাকশিনবা ঙম্নবা লৌখৎলিবা খোঙথাংশিং অমসুং ভেক্সিনেগী প্রোগ্রেস অদুগী মতাংদা মখোয়না প্রধান মন্ত্রীদা তেল্লপনা ফোংদোকখ্রে৷ মখোয়নসু ভেক্সিনেসন স্ত্রাতিজীগী মতাংদা ফীদবেক্ত পীরকখি৷

মেদিকেল ইনফ্রাস্ত্রকচর ফগৎনবা লৌখৎখিবা খোঙথাংশিং অদুগী মতাংদা মুখ্য মন্ত্রীশিংনা ৱারি শান্নখি অমসুং মতুং তারকপদা কেসকী মশিং অসি হেনগৎলকপা মতমদা মাই পাক্না থেংনবা ঙম্নবা সজেসনশিং পীখ্রে৷ পেসেন্তশিংনা থেংনরিবা পোস্ত-কোবিদ ইসুশিং অমসুং অসিগুম্বা কেসশিংদা মতেং পাংননবা লৌখৎলিবা খোঙথাংশিংগী মতাংদা মখোয়নসু খন্ন-নৈনখি৷ লাইচৎ শন্দোরক্লিবা অসি মাই পাক্না লাকশিনবা ঙম্নবা মখোয়না হেক ঙমজবা থাক্তা হোৎনরি হায়না থাজবা পীরকখ্রে৷

হায়রিবা রাজ্য তরুক অসিদা জুলাই থাদা লাক্লিবা কোরোনাগী কেস মশিং অসি অপুনবা কেস মশিংগী চাদা ৮০দগী হেল্লি অদুগা রাজ্যশিং অসিগী মনুংদা রাজ্য খরদা তেস্ত পোজিতিব ওইবগী চাং অসি অসুক্কী মতিক ৱাংই হায়না কেন্দ্রগী গৃহ মন্ত্রীনা ফোংদোকখি৷ লৈবাক অসিদা লৈরিবা কোবিদকী কেসশিং অসি কেন্দ্রগী হকশেল সেক্রেতরীনা খন্ন-নৈনখি অমসুং কেস লোদ য়াম্না ৱাংনা লৈরিবা জিলাশিংদা কোবিদ এপ্রোপ্রিয়েত বিহেবিয়র অমসুং কন্তেনমেন্ত স্ত্রাতিজীশিং লৌখৎপগী তঙাই ফদবা লৈরিবা অদুগী মতাংদা ৱারি শান্নখি৷ য়াম্না চেকশিন্না মথং-মনাউ নাইনা হায়রিবা জিলাশিং অসি কোমথোরক্কদবনি হায়নসু মহাক্না ফোংদোকখি৷

লাইচৎ অসি থেংনবা মতমদা রাজ্য সরকারশিংনা কোওপরেসন পীরকখিবা অসিগীদমকসু রাজ্য সরকারশিংবু প্রধান মন্ত্রীনা থাগৎখ্রে৷ অহুমশুবা ৱেব লাক্লগনি হায়না লেপ্পা-লৈতনা ফোংদোক্নরক্তুনা ঐখোয় পুম্নমক অকিবা পোকপগী তাঙ্কক অমদা লৈরে হায়না প্রধান মন্ত্রীনা ফোংদোকখি৷ দাউনৱার্দ ত্রেন্দশিংনা মরম ওইদুনা এক্সপর্তশিংনা পোজিতিব সিগনেলশিং পীরবসু, রাজ্য খরদা কেস মশিং হেনগৎলকপা অসি ৱানিংঙাই ওই৷ হৌখিবা চয়োল অসিদা লাকখিবা কেসকী চাদা ৮০ অমসুং শিখিবা মশিংগী চাদা ৮৪দি মীফম অসিদা শরুক য়ারিবা রাজ্যশিং অসিদগী ওইখি হায়না প্রধান মন্ত্রীনা পনখি৷ অহানবদদি, অনিশুবা ৱেব শন্দোরক্লিবা রাজ্যশিং অসি হান্না হান্নগী ফিভমদা হঞ্জিল্লক্কনি হায়না এক্সপর্তশিংনা থাজনরম্মী৷ অদুমওইনমক, কেরলা অমসুং মহারাস্ত্রদা কেস মশিং হেনগৎলকপা অসি হেন্না পুক্নিং ৱানিংঙাইনি হায়না প্রদান মন্ত্রীনা ফোংদোকখি৷

शुरुआत में विशेषज्ञ ये मान रहे थे कि जहां से सेकंड वेव की शुरुआत हुई थी, वहाँ स्थिति पहले नियंत्रण में होगी।

लेकिन महाराष्ट्र और केरल में केसेस में इजाफा देखने को मिल रहा है।

ये वाकई हम सबके लिए, देश के लिए एक गंभीर चिंता का विषय है: PM

— PMO India (@PMOIndia) July 16, 2021

অনিশুবা ৱেব লাক্ত্রিঙৈগী মমাংদা জানুৱারী-ফেব্রুৱারী থাদা অসিগুম্বা ত্রেন্দশিং অসি উবা ফংখি হায়না প্রধান মন্ত্রীনা হায়খ্রে৷ মসিনা মরম ওইদুনা, কেস মশিং হেনগৎলক্লিবা রাজ্যশিংদা, অহুমশুবা ৱেব লাকপা য়াবগী ওইথোকপা লৈরিবা অসি লাকহন্দনবা ঐখোয়না অফবা খোঙথাংশিং লৌখৎকদবনি হায়না প্রধান মন্ত্রীনা ফোংদোকখি৷

बहुत जरूरी है कि जिन राज्यों में केसेस बढ़ रहे हैं, उन्हें proactive measures लेते हुए तीसरी लहर की किसी भी आशंका को रोकना होगा: PM @narendramodi

— PMO India (@PMOIndia) July 16, 2021

কেসশিংগী মশিং অসি মতম শাংনা হেনগৎতুনা লৈরবদি, কোরোনা ভাইরসকী ম্যুতেসন থোকপগী চাঞ্চশিং অসিসু হেনগৎলক্কনি অমসুং অনৌবা ভেরিয়েন্তশিংগী খুদোংথিবশিং অদুসু হেনগৎলক্লগনি হায়না এক্সপর্তশিংনা হায়রি হায়না প্রধান মন্ত্রীনা পনখ্রে৷ মরম অদুনা, ঐখোয়না মাইক্রো-কন্তেনমেন্ত জোনশিংদা অখন্নবা মীৎয়েং থমদুনা তেস্ত, ত্রেক, ত্রিত অমসুং তীকা(ভেক্সিনেসন)গী স্ত্রাতিজী অসি মখাতানা ইনবা দরকার ওই হায়না প্রধান মন্ত্রীনা ফোংদোকখি৷ কেস মশিং য়াম্না লৈরিবা জিলাশিং অসি হেন্না মীৎয়েং চংগদবনি৷ রাজ্য পুম্নমক্তা তেস্ত তৌবগী চাং হেনগৎননবা শ্রী মোদীনা ফোংদোকখি৷ চাং ৱাংনা শন্দোরক্লিবা মফমশিংদা ভেক্সিন অসি স্ত্রাতিজিক তুল অমা ওইনা শিজিন্নদুনা, ভেক্সিনেসন অসি মাই পাক্না পাংথোক্ননবা প্রধান মন্ত্রীনা ফোংদোকখি৷ মতম অসিদা আর.তি.-পি.সি.আর. তেস্তিং কেপাসিতী হেনগৎননবা হোৎনরিবা রাজ্যশিংবু প্রধান মন্ত্রীনা থাগৎখ্রে৷

তেস্ত কেপাসিতী অমসুং আই.সি.য়ু.ফমুংগুম্বা মেদিকেল ইনফ্রাস্ত্রকচর হেনগৎননবগী ফংহল্লিবা ফাইনান্সিয়েলগী ওইবা মতেং অদুগী মতাংদসু প্রধান মন্ত্রীনা পনখি৷ হন্দক্তা লুপা ২৩০০০ ইমর্জেন্সী কোবিদ রেস্পোন্স ওইনা এপ্রুব তৌখিবা অদু পল্লদুনা, ফন্দশিং অদু মেদিকেল ইনফ্রাস্ত্রকচর শেমগৎপদা থাদনবা রাজ্যশিংদা প্রধান মন্ত্রীনা হায়খি৷

देश के सभी राज्यों को नए आईसीयू बेड्स बनाने, टेस्टिंग क्षमता बढ़ाने और दूसरी सभी जरूरतों के लिए फंड उपलब्ध करवाया जा रहा है।

केंद्र सरकार ने हाल ही में, 23 हजार करोड़ रुपए से ज्यादा का एमर्जन्सी कोविड रेस्पोंस पैकेज भी जारी किया है: PM @narendramodi

— PMO India (@PMOIndia) July 16, 2021

মরু ওইনা খুঙ্গংগী মফমশিংদা লৈরিবা ইনফ্রাস্ত্রকচর গেপশিং অদু মেনশিন্নবা রাজ্যশিংদা প্রধান মন্ত্রীনা হায়খ্রে৷ প্রজাশিংনা ক্রান্সপরেন্ত ওইবা মওং অমদা রিসোর্চশিং অমসুং দাতা অদু ফংবা ঙম্নবা আই.তি. সিস্তেমশিং, কন্ত্রোল রুমশিং অমসুং কোল সেন্তরশিং ফগৎহন্নবা মহাক্নসু হায়খ্রে৷ মীফম অসিদা শরুক য়াখিবা রাজ্যশিংদা য়েন্থোকখিবা পি.এস.এ. প্লান্ত ৩৩২গী মনুংদা, প্লান্ত ৫৩দি শিজিন্নবা হৌখ্রে হায়না শ্রী মোদীনা ফোংদোকখি৷ প্লান্তশিং অদু অথুবা মতমদা মপুং ফানা শাবা লোইশিন্নবা মুখ্য মন্ত্রীশিংদা মহাক্না হায়খ্রে৷ লাইচৎ অসিদগী অঙাংশিং অসি ঙাকথোক্নবা প্রধান মন্ত্রীনা অখন্নবা মীৎয়েং চংখ্রে অমসুং হিরম অসিদা তৌবা য়াবা এরেঞ্জমেন্ত পুম্নমক শেমখ্রে৷

য়ুরোপ, অমেরিকা অমসুং বঙ্গলাদেশ, ইন্দোনেসিয়া, থাইলেন্দ অমসুং অতোপ্পা লৈবাক কয়া অমদা কেস মশিং হেনগৎলক্লিবা অসি চেকশিন্নিংঙাই ওই হায়না প্রধান মন্ত্রীনা পনখি৷ মসিনা ঐখোয়বু অমসুং মালেম অসিবু চেকশিনহল্লগনি হায়না প্রধান মন্ত্রীনা ফোংদোকখি৷

কোরোনা লাইচৎ অসি লোইদ্রি হায়না প্রধান মন্ত্রীনা হঞ্জিন-হঞ্জিন হায়খ্রে অমসুং লোকদাউনগী মতুংদা থোক্লক্লিবা পিকচরশিং অসি য়াম্না চেকশিন্না য়েংশিন্নিংঙাই হায়না ফোংদোকখি৷ মীফম অসিদা শরুক য়ারিবা রাজ্য কয়া অমদা মী কুংনা তাবা মেত্রোপোলিতান শহরশিং লৈরিবনা রাজ্যশিং অসিদা প্রোতোকোল ইন্নবা অমসুং মী পুনবা মফমদা চংদনবা মহাক্না হায়খ্রে৷ পোলিতিকেল পার্তীশিং, সোসিএল ওর্গনাইজেসনশিং, অমসুং এন.জি.ও.শিংনা মীয়ামশিংগী মরক্তা এৱার্নেস শন্দোক্নবসু মহাক্না হায়খ্রে৷

Reviewing the COVID-19 situation with Chief Ministers. https://t.co/NKHL3Mz0yk

— Narendra Modi (@narendramodi) July 16, 2021

*****