অৱাংবা থাক্কী এচিবমেন্ত অমা ওইনা, ভারত্তা কোবিদ-১৯ ভেক্সিন কাপখিবা মশিং অসি ঙরাং পুন্না কোতি ৩০ হেনখ্রে৷ ঙসি অয়ুক পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না, সেসন ৪০,৪৫,৫১৬তা ভেক্সিন দোজ পুন্না ৩০,১৬,২৬,০২৮ কাপখ্রে৷ হৌখিবা পুং ২৪ অসিদা ভেক্সিন দোজ ৬৪,৮৯,৫৯৯ কাপখ্রে৷

মসিগী মনুং চল্লিবশিং অদুদি:

মীয়াম পুম্নমক কোবিদ-১৯ ভেক্সিন কাপ্পগী অনৌবা ফেস ২০২১গী জুন ২১দগী হৌখ্রে৷ লৈবাক শিনবা থুংনা কোবিদ-১৯ ভেক্সিন কাপ্নবগী খোঙজেল অদু য়াংখৎনবা অমসুং চাওথোক্নবা কেন্দ্র সরকারনা য়াম্না কন্না হোৎনরি৷

হৌখিবা পুং ২৪ অসিদা ভারত্তা অনৌবা কেস ৫৪,০৬৯ লাকখি৷

হৌজিক্তি নোংমদা অনৌবা কেস লাখ ১গী মখাদা লাকখিবা নুমিৎ ১৭নি শুরে৷ মসিনা কেন্দ্র অমসুং রাজ্য/য়ু.তি.শিংনা য়াম্না কন্না হোৎনবগী মহৈনি৷

ভারত্তা এক্তিব কেসকী মশিং লেপ্পা-লৈতনা তারক্লি৷ লৈবাক অসিগী এক্তিব কেসলোদ অসি ঙসি ৬,২৭,০৫৭ ওইখ্রে৷

হৌখিবা পুং ২৪ অসিদা কেস ১৬,১৩৭ তারকখি অমসুং হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব ওইখিবা কেস মশিংগী ২.০৮% খক্তনি৷

কোবিদ-১৯ লাইনা-লাইচৎ অসিদগী মীওই কয়া অমা হেন্না-হেন্না ফগৎলকপনা, ঙসিদি ভারতকী ওইনা নোংমদা লাকপা অনৌবা কেস মশিংদগী নোংমদা লাইনা-লাইচৎ অসিদগী ফগৎলকখিবগী মশিংনা হেনখিবা নুমিৎ ৪২নি শুরে৷ হৌখিবা পুং ২৪ অসিদা মীওই ৬৮,৮৮৫ লাইনা-লাইচৎ অসিদগী ফগৎলকখ্রে৷

নোংমদা লাক্লিবা অনৌবা কেসশিং অসিগা য়েংনবা মতমদা হৌখিবা পুং ২৪ অসিদা মীওই ১৪,০০০ হেন্না(১৪,৮১৬) লাইনা-লাইচৎ অসিদগী ফগৎলকখি৷

লাইনা-লাইচৎ অসি হেক হৌরকপদগী নারকখিবা মীওইশিংগী মনুংদা, মীওই ২,৯০,৬৩,৭৪০দি কোবিদ-১৯ অসিদগী মাংজৌননা ফখ্রে অমসুং হৌখিবা পুং ২৪ অসিদা পেসেন্ত ৬৮,৮৮৫না লাইনা-লাইচৎ অসিদগী মপুং ফানা ফগৎপা ঙমখ্রে৷ মসিনা লৈবাক অসিগী রিকোভরী রেত অসি ৯৬.৬১% ওইহন্দুনা লেপ্পা-লৈতনা লাইচৎ অসিদগী ফগৎলকপগী শক্তম উৎলি৷

লৈবাক অসিদা তেস্ত তৌবগী চাং কা-হেন্না হেনগৎলক্তুনা, হৌখিবা পুং ২৪ অসিদা লৈবাক অসিদা পু্ন্না তেস্ত ১৮,৫৯,৪৬৯ তৌখ্রে৷ ঙসি ফাওবদা, ভারতনা পুন্না তেস্ত কোতি ৩৯.৭৮ হেন্না(৩৯,৭৮,৩২,৬৬৭) তৌখ্রে৷

লৈবাক অসিদা তেস্ত তৌবগী চাং হেনগৎলক্লিবা চৈরক অসিদা, চয়োলগী ওইনা পোজিতিব ওইবগী চাংসু লেপ্পা লৈতনা হন্থরক্লি৷ চয়োলগী ওইনা পোজিতিব ওইখিবগী চাং অসি হৌজিক হৌজিক ৩.০৪% ওই অদুগা নুংতি-নুমিৎ খুদিংগী ওইনা পোজিতিব ওইখিবগী চাং অসি ঙসি ২.৯১% ওইখ্রে৷ হৌজিক্তি ৫%গী মখাদা লৈখিবা নুমিৎ ১৭নি শুরে৷

******