থাগৎখিবা:
21 JUN 2021 1:04PM by PIB Imphal
ঙসি তরেৎশুবা মালেমগী য়োগ নুমিৎকী পাংথোকপা থৌরমদা য়োগ এক্সপর্তশিং, য়োগ পামজবশিং, কলচর অমসুং তুরিজম মন্ত্রালয়গী ওফিসরশিংগা লোইননা কলচর অমসুং তুরিজমগী রাজ্যগী মন্ত্রী(আই/সি), শ্রী প্রহলাদ সিংহ পতেলনা য়ৌগ উৎখ্রে৷ “অজাদি কা আমরিত মাহোতসব”কী শরুক অমা ওইনা কেন্দ্রগী মন্ত্রী অসিনা “য়োগ, ভারতকী হেরিতেজ অমা” হায়রিবা দ্রাইব অসি লমজিংলম্মী৷ লৈবাক অসিনা মনিং-মখা তম্লকপা চহি ৭৫ মপুং ফারকপা অসি নিংশিংনবা মন্ত্রালয়গী ইন্সতিত্যুসন/বোদী পুম্নমক শরুক য়াদুনা কলচরেল হেরিতেজকী মফম ৭৫দা প্রোগ্রাম অসি শিনখি৷ হৌজিক লৈরিবা লাইনা-লাইচৎ অসিগী ফিভম অসি যেংলগনা, য়োগগীদমক শরুক য়ারিবা মীশিং অসি মফম অমমমদা মীওই ২০দগী হেনবা য়াহনখিদে৷ য়োগ উৎত্রিঙৈগী মমাংদা, প্রোগ্রাম অদুবু শরুক য়াখিবা মীওইশিং অমসুং কেন্দ্রগী মন্ত্রীনা মালেমগী য়োগ নুমিৎকী পাংথোকপা থৌরম অসিদা প্রধান মন্ত্রী শ্রী নরেন্দ্র মোদীনা পীখিবা ৱারোল অদুগী লাইব তেলিকাস্ত য়েংখি৷
ঙসি তোঙান তোঙানবা মফমশিংদা পাংথোকখিবা কলচর মন্ত্রালয়গী য়োগ প্রোগ্রামশিং অসিদা কেন্দ্রগী মন্ত্রী শ্রী নিতিন গদকরি; গোৱাগী সি.এম. শ্রী প্রহলোদ সভান্ত;লদাখকী এম.পি. শ্রী জময়াঙ্গ সেরিঙ্গ নমগ্যাল অমসুং মশক নাইরবা মীওই কয়া অমনা শরুক য়াখি৷

রেদ ফোর্দতা পাংথোকখিবা য়োগগী থৌরম অসিগী মতুংদা মেদিয়াগী মীওইশিংদা য়োগ অসি ঐখোয়গী খ্বাইদগী মমল লৈরবা হেরিতেজনি হায়না শ্রী প্রহলাদ সিংহ পতেলনা ফোংদোকখ্রে৷ মসিগী রেল্নেস মন্ত্রা অসি মালেম অসিগী মফম শিনবা থুংনা শন্দোক্তুনা মমিং চৎহল্লিবা অসি প্রধান মন্ত্রী শ্রী নরেন্দ্র মোদীগী ক্রেদিৎনি৷ অমসুং মসিনা মরম ওইদুনা, ঙসিদি মালেম পুম্নমক্না মালেমগী য়োগ নুমিৎ পাংথোক্লি অমসুং মসিবু মীয়ামশিংনা মখোয়গী পুন্সিগী য়াম্না মরু ওইবা শরুক অমা ওইহনখ্রে৷ লৈবাক অসিনা মনিং-মখা তমখিবা চহি ৭৫ শুরকপা অসি নিংশিংনবা পাংথোক্লিবা আমরিত মাহোতসবকী শরুক অমা ওইনা আই.দি.ৱাই. ২০২১ অসি পাংথোক্লি হায়না মহাক্না মখাতানা ফোংদোকখি৷ মসিগী মতুং ইন্না, কলচর মন্ত্রালয়না লৈবাক অসিগী হেরিতেজকী মফম ৭৫দা য়োগ প্রোগ্রামশিং শিনখ্রে৷ হকচাং ফবা অমসুং য়াইফবা তুং অমগীদমক য়োগ শান্ননবা নহাশিংদা মহাক্না হায়খ্রে৷

ঙসি মালেম অসিনা এময়োগ এপ ফংলগনি হায়না প্রধান মন্ত্রীনা লাওথোকখ্রে হায়না শ্রী পতেলনা মখাতানা ফোংদোকখি৷ মসিনা কম্মন য়োগ প্রোতোকোলগী মতুং ইন্না তোঙান তোঙানবা লোনশিংদা য়োগ ত্রেনিং তৌবগী ভিদিও কয়া অমা ফংহল্লগনি৷ এময়োগ এপ অসিনা মালেম অসিদা লৈরিবা মীয়ামশিংনা হকচাং ফনা অমসুং পুন্সি নুংশাংনা হিংননবা মীওই পুম্নমক্তা মতেং পাংলগনি হায়না মহাক্না ফোংদোকখি৷

রেদ ফোর্ততা উৎখিবা য়োগ প্রোতোকল অদু অচারিয়া প্রতিশথাগী লুচিং মখাদা উৎখিবনি৷ মসিগী য়োগ দ্রাইব অসিদা জি.ও.আই.গী সেক্রেতরী(কলচর) শ্রী রঘভেন্দ্র সিংহ, জি.ও.আই.গী সেক্রেতরী (তুরিজম)শ্রী আর্বিন্দ সিংহ অমসুং মন্ত্রালয় অসিগী অতোপ্পা সেনিয়র ওফিসিয়েলশিংসু শরুক য়াখি৷

কলচর মন্ত্রালয়না হেরিতেজকী মফমশিং খুদম ওইনা ইল্লোরা শুরুং(ঔরঙ্গবাদ), নালন্দা(বিহার), সবর্মতি আশ্রম(গুজরাত), হমপি(কর্নতাকা), লদাখ শান্তি স্তুপা(লেহ), সাঞ্চি স্তুপা(ভিদিশা), শীশ মহল(পতিয়লা), রজিব লোচন লাইশঙ(ছত্তিশগর), বোমদিলা(অরুনাচল প্রদেশ)শিংদসু য়োগ অমসুং কলচরেল প্রোগ্রামশিং শিনখি৷

শীশ মহল, পতিয়লা

ৱারঙ্গল ফোর্ত, ৱারঙ্গল

ইল্লোরা শুরুং, ইল্লোরা, ঔরঙ্গবাদ

গঙ্গাইকোনদা চোলাপুরম

বোমদিলা(অরুনাচল প্রদেশ)

রজিব লোচন শুরুং, ছত্তিশগর


হমপি সর্কল
*****