স্কুল থোং হাংদবা অমসুং অতোপ্পা মতমশিংদা হোম-বেজ লর্নিংদা শরুক য়ারিবা মমা-মপা ওইরিবশিংগীদমক ঙসি মহৈ-মশিং মন্ত্রালয়গী স্কুল এজুকেসন অমসুং লিতরেসী দিপার্তমেন্তনা গাইদলাইনশিং রিলিস তৌখ্রে৷

লাইনা-লাইচৎ অসিগী ‘ন্যু নোর্মেল’গী মতম অসিদা, অঙাংশিংগী গ্রোথ অমসুং মহৈ-মশিং তম্বদা মমা-মপা ওইবশিংগী তঙাই ফদবা থৌদাং অদু পল্লদুনা, মসিগী গাইদলাইনশিং অসিনা লিতরেসী লেবেলশিং য়েংদনা স্কুল থোং লোনবা মতমদা অঙাংশিং অসিবু সপোর্ত তৌনবা হোৎনবদা মমা-মপা ওইবশিং ‘করিগীদমক’, ‘করিনো’ অমসুং ‘মতৌ কমদৌনা’ শরুক য়াহনগদগে অমসুং পুক্নিং চিংশিনগদগে হায়বা অসিগী মতাংদা ই-পাউ খঙহন্নবা পান্দম থম্লি হায়না কেন্দ্রগী মহৈ-মশিং মন্ত্রী শ্রী রামেশ পোখ্রিয়াল ‘নিশঙ্ক'না মহাক্কী ত্বিত্তা অসুম্না ফোংদোকখ্রে৷ য়ুম অসিনা অহানবা স্কুলনি অমসুং মমা-মপাশিং অসিনা অহানবা ওজাশিংনি হায়না মহাক্না ফোংদোকখ্রে৷

হোম বেজ লর্নিংগী মতাংদা ফোংলিবা গাইদলাইনশিং অসিনা মমা-মপা ওইবশিংনা অঙাংশিং অসিগীদমক অফবা, পুক্নিং চিংশিন্নিংঙাই ওইরবা এনবাইরোনমেন্ত অমা শেম্বগী, অঙাংশিং অসিগী হকচাং য়েংশিনবা, অফবা চিঞ্জাক পীজবা অমসুং অঙাংশিং অসিগা হরাউ-নুংঙাইনা লোইনমিন্নবগী তঙাই ফদবা লৈ হায়না পল্লি৷

হোম বেজ লর্নিং অসিদা অঙাংশিংনা য়াম্না লাইনা চুশিন্নহন্নবা মমা-মপা ওইবশিংগী অমসুং অতোপ্পা মীওইশিংগীমক অচম্বা তিপ কয়া অমা গাইদলাইনশিং অসিনা তাক্লি৷ হায়রিবা সজেস্তিব এক্তিবিতীশিং অসি এন.ই.পি. ২০২০গী মতুং ইন্না স্কুল এজুকেসনগী তোঙান তোঙানবা স্তেজশিং অসিগা মরী লৈননা শেম্লিবনি৷ এজ-এপ্রোপ্রিয়েত আর্ত এক্তিবিতীশিং অসি ৫+৩+৩+৪ সিস্তেম মমিং ওইনা পল্লবদা ফাউন্দেসন স্তেজ(চহি ৩-৮) ; প্রিপেরেতরী স্তেজ(চহি ৮-১১) ; মিদল স্তেজ(চহি ১১-১৪) ;  অমসুং সেকেন্দরী স্তেজ: এদোলেসেন্তদগী মপুং-মরৈ ফারবা চহি(চহি ১৪-১৮) ফাওবগী মতুং ইন্না খাইদোকখ্রে৷ এক্তিবিতীশিং অসি সিম্পল অমসুং সজেস্তিব ওই অমসুং লোকেল নীদস অমসুং কন্তেক্সশিংদা শিজিন্নবা য়াই৷

গাইদলাইনশিং অসিনা অঙাংশিংদা লৈরিবা লর্নিং গেপ অসি য়েংশিন্দুনা অমসুং মেনশিন্দুনা অঙাংশিংগী মহৈ-মশিং তম্বদা হেন্না ফরক্নবা তাক্লি৷ য়ুমদা লৈরিবা অঙাংশিং অসিনা হোমৱার্ক অমসুং অতোপ্পা কুরিকুলম এক্তিবিতীশিং তৌবদা, স্কুলশিংগী ৱারেপশিং লৌবা অমসুং প্লানিংশিং তৌবা মতমদা মতেং পাংননবা মমা-মপা ওইরিবশিংদা ইনফোর্মেসন অমসুং আইদিয়াশিং ফংহন্দুনা মমা-মপা ওইরিবশিং স্কুল ৱারেপশিং লৌবদা শরুক য়াহন্নবা গাইদলাইনশিং অসিনসু স্কুলশিং অসিদা খঙহনখ্রে৷ ইমেলশিং, মেমোশিং অমসুং ন্যুসলেত্তরশিং থাবগুম্বা রিসোর্চশিং মমা-মপা ওইরিবশিংদা ফংহল্লবা য়াই৷

মমা-মপা ওইরিবশিংনা এক্সপ্লোর তৌবা য়ারিবা অখন্নবা তঙাই ফদবশিংগা লোইননা অঙাংশিংগীদমক রিসোর্চশিং ফংহনখ্রে৷ মখোয়না হিরম অসিদা মতেং লৌননবগীদমক ওজাশিং তানবা য়াগনি৷ অসিগুম্বা এভিন্যুশিং অসিগী মতাংদা এস.এম.সি.শিং/গ্রা্ম পঞ্চায়ত, স্কুল এদমিনিস্ত্রেতরশিংদগী ফংহল্লিবা ই-পাউ অসি ফংহল্লিবা অতোপ্পা এজেন্সীশিং অমসুং ওর্গনাইজেসনশিং লৈ৷

লাইরিক নিংথিনা/শুংহৈ হৈহৌদ্রবা মমা-মপাশিং অসিদা মতেং পাংননবগীদমক গাইদলাইনশিং অসিদা তোখায়বা চেপ্তর অমা হাপখ্রে৷ লাইরিক নিংথিনা হৈহৌদ্রবা মমা-মপাশিং অসিদা মতেং পাংননবা খোঙথাংশিং স্কুলশিং,ওজাশিং অমসুং বোলুন্তিয়রশিংনা লৌখৎলবা য়াই৷

গাইদলাইনশিং অসি উবা ফংনবা মফম অসিদা নম্বিয়ু

*****