য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী শ্রী অমিৎ শাহনা লৈবাক অসিদা ঈশিং ঈচাও থোরকপদা থেংননবা শেম-শারিবা য়েংশিন্নবা অৱাংবা থাক্কী মীফম অমা পাঙথোকখ্রে। মীফম অসিদা আই.এম.দি., জল শক্তি মন্ত্রালয়, সি.দবল্যু.সি. অমসুং এন.আর.দি.এফ.কী মরক্তা মতেং পীনদুনা পুন্না থবক পাইখৎমিন্ননবা অনৌবা সিস্তেম অমা থম্নবা ৱারেপ কয়া লৌখ্রে
শ্রী অমিৎ শাহনা লৈবাক শিনবা থুংবদা চহি খুদিংগী থোক্লিবা ঈচাওগী অৱাবা অসি থেংননবা মতম শাংনা চৎকদবা কম্প্রিহেন্সিব ওইবা পোলিসী অমা শেম্নবা য়েংশিনখ্রে
কেন্দ্রগী গৃহ মন্ত্রীনা লৈবাক অসিগী মরুওইবা কেৎচমেন্ত জোনশিং অমসুং রিজনশিংদা ঈশিং ঈচাও অমসুং ঈশিংগী লেবেল ৱাংখৎলকপগী ফোর্কাস্ত তৌনবা পর্মিনেন্ত সিস্তেম অমা শেম্নবা কেন্দ্র অমসুং রাজ্যগী এজেন্সীশিংগী মরক্তা সীনর্জী হেন্না লৈহন্নবা ওফিসিএলশিংদা খঙহনখ্রে
শ্রী অমিৎ শাহনা জল শক্তি মন্ত্রালয়দা অচৌবা দামশিংদগী লৈবাক কোৎথোক্নবা মেকানিজম অমা পুথোক্নবা ৱাখল্লোন ফোঙদোকখ্রে, হায়রিবা অসিনা দামশিংগী কেপাসিতী হেনগৎহনবদা অমসুং ঈচাও লাকশিনবদা মতেং ওইগনি
কেন্দ্রগী গৃহ মন্ত্রীনা ইন্দিয়ন মেতিওরোলোজিকেল দিপার্তমেন্ত অমসুং সেন্ত্রেল ৱাতর কম্মিসনগুম্বা অখন্নবা ইন্সতিত্যুসনশিংদা মরিক চুম্বা নোংজু-নুংশাগী অমসুং ঈচাওগী ফীভম মাংজৌননা খঙদোকপা ঙম্নবা খ্বাইদগী অনৌবা তেক্নোলোজী অমসুং সেতলাইৎ দেতা শিজিন্ননবসু খঙহনখ্রে
কেন্দ্রগী গৃহ মন্ত্রীনা তোঙান তোঙানবা মীদিয়মশিংগী খুত্থংদা ব্রজা তাবগী মতাংদা আই.এম.দি.গী চেকশিনৱাশিং ঙন্না মীয়ামদা শন্দোক্নবা খুদক্তা এস.ও.পি
Posted On:
15 JUN 2021 8:14PM by PIB Imphal
কেন্দ্রগী গৃহ মন্ত্রী শ্রী অমিৎ শাহনা লৈবাক অসিদা ঈশিং ঈচাও থোরকপদা থেংননবা শেম-শারিবা য়েংশিন্নবা অৱাংবা থাক্কী মীফম অমা পাঙথোকখ্রে। মীফম অসিদা আই.এম.দি., জল শক্তি মন্ত্রালয়, সি.দবল্যু.সি. অমসুং এন.আর.দি.গী মরক্তা মতেং পীনদুনা পুন্না থবক পাইখৎমিন্ননবা অনৌবা সিস্তেম অমা থম্নবা ৱারেপ কয়া লৌখ্রে। মহাক্না লৈয়াক অসিদা লেপ্তনা থেংনরিবা ঈচাওগী অৱাবশিং অসি কোকহন্নবা মতম শাংনা চৎকদবা কম্প্রিহেন্সিব ওইবা অমসুং পুম্নমক য়াওরবা পোলিসী অমা শেম্নবা য়েংশিনখ্রে।
কেন্দ্রগী গৃহ মন্ত্রীনা লৈবাক অসিগী মরুওইবা কেৎচমেন্ত জোনশিং অমসুং রিজনশিংদা ঈশিং ঈচাও অমসুং ঈশিংগী লেবেল ৱাংখৎলকপগী ফোর্কাস্ত তৌনবা পর্মিনেন্ত সিস্তেম অমা শেম্নবা কেন্দ্র অমসুং রাজ্যগী এজেন্সীশিংগী মরক্তা সীনর্জী হেন্না লৈনবা ওফিসিএলশিংদা খঙহনখ্রে।
শ্রী অমিৎ শাহনা জল শক্তি মন্ত্রালয়দা অচৌবা দামশিংদগী লৈবাক লৌথোক্নবা মেকানিজম অমা পুথোক্নবা ৱাখল্লোন ফোঙদোকখ্রে, হায়রিবা অসিনা দামশিংগী কেপাসিতী হেনগৎহনবদা অমসুং ঈচাও লাকশিনবদা মতেং ওইগনি।
কেন্দ্রগী গৃহ মন্ত্রীনা ইন্দিয়ন মেতিওরোলোজিকেল দিপার্তমেন্ত(আই.এম.দি.) অমসুং সেন্ত্রেল ৱাতরকম্মিসনগুম্বা অখন্নবা ইন্সতিত্যুসনশিংদা মরিক চুম্বা নোংজু-নুংশাগী অমসুং ঈচাওগী ফীভম মাংজৌননা খঙদোকপা ঙম্নবা খ্বাইদগী অনৌবা তেক্নোলোজী অমসুং সেতলাইৎ দেতা শিজিন্ননবসু খঙহনখ্রে। কেন্দ্রগী গৃহ মন্ত্রীনা তি.ভি., এফ.এম. রেদিও, এস.এম.এস. অমসুং অতৈ মীদিয়মশিংগী খুত্থংদা ব্রজা তাবগী মতাংদা আই.এম.দি.গী চেকশিনৱাশিং ঙন্না মীয়ামদা শন্দোক্নবা খুদক্তা এস.ও.পি. অমা শেম্নবা খঙহনখ্রে। আই.এম.দি.না দিবেলপ তৌবা ‘উমং’, ‘রেন এলর্ম’ অমসুং ‘দামিনি’ এপ অসিগুম্বা নোংজু-নুংশা ফোর্কাস্ত তৌবগা মরী লৈনবা তোঙান তোঙানবা মোবাইল এপশিং অসিনা য়ৌহন্নীংলিবা মীওই কাংলুপ অদুদা য়ৌহনদুনা মদুগী কান্নবশিং ফংহন্নবা য়ারিবা মখৈ পব্লিসিতী তৌগদবনি হায়নসু মহাক্না খঙহনখ্রে। দামিনি এপনা পুং অহুমগী মমাংদা ব্রজা তাবগী মতাংদা চেকশিনৱা পীদুউনা পুন্সি অমদি লন-থুম মাং-তাকপা হন্থহনবদা মতেং ওইবা য়াগনি।
শ্রী অমিৎ শাহনা ঐখোয়গী তিভর সিস্তেমশিংদা অপনপশিং হেনগৎলক্লিবা অসি সেতলাইৎ এপ্লিকেসনগী খুত্থাংদা স্তদীজ তৌনবসু পাউতাক পীখ্রে। মহাক্না তুরেলশিংগী খনবগা লোইননা ঐখোয়না তুরেলশিংগী ঈশিং ঈচেল অসি য়েংশিনবসু মথৌ তাই হায়নসু ফোঙদোকখ্রে। গৃহ মন্ত্রীনা সেন্ত্রেল ৱাতর কম্মিসন, ইন্দিয়ন মেতিওরোলোজিকেল দিপার্তমেন্ত অমসুং নেস্নেল দিজাস্তর ফোর্সতা তুরেলশিংগী ঈশিংগী লেবেল অমসুং ঈচাওগী ফীভম লেপ্পা লৈতনা মোনিতর তৌনবা অমসুং চাং নাইনা গৃহ মন্ত্রালয়দা রিপোর্তশিং থারক্নবা য়াথং পীখ্রে। মহাক্না দি.জি. এন.দি.আর.এফ.তা ঈচাও থোক্কনবা রাজ্যশিংগী এস.দি.আর.এফ.কী মকোকশিংগা খুদক্তা মীফমশিং পাঙথোক্নবা য়াথংসু পীখ্রে।
হৌখিবা চহিগী জুলাই ৩, ২০২০দা ঈচাওগী ফীভম য়েংশিনবগী পাঙথোকখিবা মীফমদা শ্রী অমিৎ শাহনা পীখিবা য়াথংশিং অদু ঙাক্লদুনা সেন্ত্রেল ৱাতর কম্মিসন (সি.দবল্যু.সি)না লৈবাক অসিদা লৈরিবা রিজর্বর পুম্নমক্তা মাংজৌননা নুমিৎ ৫নিগী ইনফ্লো ফোর্কাস্ত পীবা হৌখি। শ্রী অমিৎ শাহনা জল শক্তি মন্ত্রালয় অমসুং সি.দবল্যু.সি.দা দাম ওথোরিতীশিংনা ঈশিং থাদোক্নবা মতম চানা অমসুং মাংজৌননা থবক পাইখৎনবগী মতাংদা প্রেক্তিকেল গাইদেন্স পীনবা অমসুং মখা তানা ঈচাও হন্থহন্নবা অমসুং লন-থুম অমসুং পুন্সিশিং মাংবা হন্থহন্নবা এক্সপর্তশিংগী এম্পাৱর্দ গ্রুপ অমা মখা তানা শেম্নবা খঙহনখ্রে।
ইন্দিয়ন মেতিওরোলোজিকেল দিপার্তমেন্ত (আই.এম.দি.)গী দিরেক্তর জেনরেল অমসুং সেন্ত্রেল ৱাতর কম্মিসন (সি.দবল্যু.সি.)গী চিয়রমেন্না হৌখিবা চহিগী ঈচাওগী ফীভম য়েংশিন্নবা পাঙথোকখিবা মীফমদা কেন্দ্রগী গৃহ মন্ত্রীনা পীখিবা য়াথংশিং অদু থবক ওইনা ওন্থোকখিবা অদুগী মতাংদা প্রজেন্তেসনশিং উৎতুনা খঙহনখ্রে। নোংজু-নুংশা অমসুং ঈচাওগী ফোর্কাস্তিং পীবগী তেক্নিকশিং ফগৎলকপা অমসুং ভারত্তা লৈরিবা দামশিংগী রুল কর্বশিং অপদেৎ তৌনবা থৌরাংগী মতাংদা মখোয়না পাউদমখ্রে।
ভারতকী অয়াম্বা শরুক্তা ঈচাও থোক্কল্লি মসিদা গঙ্গা অমসুং ব্রহ্মপুত্রা অসি মরু ওইবা ফ্লদ বেসিনশিংনি অসাম, বিহার, উত্তর প্রদেশ অমসুং নোংচুপ বেঙ্গল অসি ঈচাও খ্বাইদগী থোক্কনবা রাজ্যশিংনি।
মীফম অসিদা লৌখিবা ৱারেপশিং অসিনা ঈচাওশিংনা মরম ওইদুনা মহৈ-মরোংশিং, লম-থুমশিং, হিংনবগী পাম্বৈ অমসুং মমল য়াম্লবা পুন্সিশিং হায়রিবা অসিগী অমাং-অতা থোকপগী অৱাবা মায়োক্নরিবা লৈবাক অসিগী মীওই লাখ কয়াগী অৱাবশিং হন্থহনবদা চাউনা কান্নবা অমা ওইরগনি।
মীফম অসিদা কেন্দ্রগী জল শক্তি মন্ত্রী, শ্রী গজেন্দ্র সিংহ শেখৱাৎ, গৃহ মন্ত্রালয়গী রাজ্য মন্ত্রী, শ্রী নুত্যানন্দ রাই, গৃহ মন্ত্রালয়, ৱাতর রিসোর্সেস, আর্থ সাইন্সেসকী মন্ত্রালয়শিং/বিভাগশিংগী সেক্রেতরীশিং, এন.দি.এম.এ.গী মেম্বর সেক্রেতরী, আই.এম.দি. অমসুং এন.দি.আর.এ.কী দিরেক্তর জেনরেলশিং, সি.দবল্যু.সি.গী চিয়রমেন অমসুং মরী লৈনবা মন্ত্রালয়শিংগী অতৈ মকোক থোংবা ওফিসরশিংনা শরুক য়াখি।
***
(Release ID: 1727407)
Visitor Counter : 163