ଏହି ବର୍ଷ  ଜାନୁୟାରୀ 16 ଠାରୁ “ସମ୍ପୂର୍ଣ୍ଣ ସରକାର” ଆଭିମୁଖ୍ୟରେ ଏକ ପ୍ରଭାବଶାଳୀ ଟିକାକରଣ ଅଭିଯାନ ପାଇଁ ଭାରତ ସରକାର ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳମାନଙ୍କ ଉଦ୍ୟମକୁ ସମର୍ଥନ କରିଆସୁଛନ୍ତି । ସମଗ୍ର ଦେଶରେ କୋଭିଡ ଟିକାର ଉପଲବ୍ଧତାକୁ ସୁନିଶ୍ଚିତ କରିବା ପାଇଁ ଅନେକ ପଦକ୍ଷେପ ନିଆଯାଉଛି । ଭଣ୍ଡାରଣ ସହିତ ଏହାର ଯୋଗାଣ ଶୃଙ୍ଖଳାକୁ ଶୃଙ୍ଖଳିତ କରିବା ପାଇଁ ମଧ୍ୟ ସମାନଭାବେ ଗୁରୁତ୍ୱପୂର୍ଣ୍ଣ ପ୍ରାଥମିକତା ଦିଆଯାଉଛି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ତରଫରୁ ରାଜ୍ୟ / କେନ୍ଦ୍ରଶାସିତ ଅଞ୍ଚଳଗୁଡିକୁ ଲେଖାଯାଇଥିବା ଇ-ଭିନ ଭଣ୍ଡାର ଏବଂ ତାପମାତ୍ରା ତଥ୍ୟ ସମ୍ବନ୍ଧରେ ଚିଠିକୁ କେତେକ ଗଣମାଧ୍ୟମ ସେମାନଙ୍କ ରିପୋର୍ଟରେ ଦର୍ଶାଇଛନ୍ତି ।

କେନ୍ଦ୍ର ସରକାର ରାଜ୍ୟ / କେନ୍ଦ୍ରଶାସିତ ଅଞ୍ଚଳମାନଙ୍କୁ ପରାମର୍ଶ ଦେଇଛନ୍ତି ଯେ, ସେମାନେ ଟିକାର ଭଣ୍ଡାର ଓ ଭଣ୍ଡାର ସ୍ଥାନର ତାପମାତ୍ରାର ପୁରା ତଥ୍ୟ ଏବଂ ବିଶ୍ଳେଷଣକୁ ଇ-ଭିନ ମାଧ୍ୟମରେ ବାଣ୍ଟିବା ପୂର୍ବରୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଅନୁମତି ନେବା ଜରୁରୀ । ଏହା କରିବାର ଉଦ୍ଦେଶ୍ୟ ଏହିକି ଯେ, କୌଣସି ବାଣିଜ୍ୟିକ ସଂସ୍ଥା ନିଜ ବ୍ୟବସାୟିକ ଲାଭ ପାଇଁ ଯେପରି ଏହି ତଥ୍ୟର ଅପବ୍ୟବହାର କରିନପାରିବେ ।    

ସୂଚନାଯୋଗ୍ୟ ଯେ, ସାର୍ବଜନୀନ ଇମ୍ୟୁନାଇଜେସନ କାର୍ଯ୍ୟକ୍ରମ (ୟୁଆଇପି)ରେ ଏକାଧିକ ଟିକା ବ୍ୟବହାର କରାଯାଉଛି ଏବଂ ସେହି ଟିକାଗୁଡ଼ିକର ତାପମାତ୍ରା ବିଷୟରେ ମଧ୍ୟ ତଥ୍ୟ ଉପଲବ୍ଧ ଅଛି । ଏକ ନିର୍ଦ୍ଦିଷ୍ଟ ଟିକା ବ୍ୟବହାରର ଧାରା ବିଷୟରେ ଅନେକ ଗୁରୁତ୍ୱପୂର୍ଣ୍ଣ ସୂଚନା ରହିଛି । ନିର୍ଦ୍ଦିଷ୍ଟ ଟିକାର ଅନୁସନ୍ଧାନ ତଥା ଅନ୍ୟ ଟିକା ପ୍ରସଙ୍ଗରେ ବଜାର ହସ୍ତକ୍ଷେପ ପାଇଁ ତଥ୍ୟର ଅପବ୍ୟବହାର କରାଯାଇପାରେ । ଏହା ଗୁରୁତ୍ୱପୂର୍ଣ୍ଣ ଯେ କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଦ୍ଵାରା ଇ-ଭିନ ଇଲେକ୍ଟ୍ରୋନିକ ପ୍ଲାଟଫର୍ମ ବ୍ୟବହାର କରାଯାଉଛି, ଯେଉଁଥିରେ ୟୁଆଇପି ଅଧୀନରେ 6 ବର୍ଷରୁ ଅଧିକ ସମୟ ବ୍ୟବହୃତ ଟିକା ଅନ୍ତର୍ଭୁକ୍ତ । ସ୍ୱାସ୍ଥ୍ୟ ମନ୍ତ୍ରଣାଳୟର ପୂର୍ବ ଅନୁମୋଦନ ବିନା ମହଜୁଦ, ଭଣ୍ଡାର ଏବଂ ତାପମାତ୍ରା ଭଳି ସମ୍ବେଦନଶୀଳ ତଥ୍ୟ ବଣ୍ଟା ଯାଇପାରିବ ନାହିଁ ।

କୋଭିଡ-19 ଟିକାର ମହଜୁଦ, ବ୍ୟବହାର ଏବଂ ଅବଶିଷ୍ଟ ତଥ୍ୟ କୋ-ୱିନ ପ୍ଲାଟଫର୍ମରେ ପ୍ରତିଫଳିତ ହୋଇଛି ଏବଂ ସାପ୍ତାହିକ ସାମ୍ବାଦିକ ସମ୍ମିଳନୀ ତଥା ଦୈନିକ ପ୍ରେସ ବିଜ୍ଞପ୍ତି ମାଧ୍ୟମରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଗଣମାଧ୍ୟମ ଏବଂ ଜନସାଧାରଣଙ୍କୁ ନିୟମିତ ଓ ସ୍ୱଚ୍ଛ ଭାବେ ଅବଗତ କରାଯାଉଛି । ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଚିଠିର ଉଦ୍ଦେଶ୍ୟ ଥିଲା ଯେ, ଏହି ସମ୍ବେଦନଶୀଳ ତଥ୍ୟକୁ ଅନଧିକୃତ ବ୍ୟବସାୟିକ ଉଦ୍ଦେଶ୍ୟରେ ବ୍ୟବହାରକୁ ରୋକିବା ।

କୋଭିଡ-19 ଟିକାକରଣ କାର୍ଯ୍ୟକ୍ରମରେ ସ୍ୱଚ୍ଛତା ପାଇଁ ଭାରତ ସରକାର ପ୍ରତିଶ୍ରୁତିବଦ୍ଧ ଏବଂ ସେହି କାରଣରୁ ଏହା କୋ-ୱିନ ମାଧ୍ୟମରେ ହିତାଧିକାରୀଙ୍କ ପର୍ଯ୍ୟନ୍ତ ଟିକା ଲଜିଷ୍ଟିକ୍ସର ପ୍ରକୃତ ସମୟ ଆଇଟି ଆଧାରିତ ଟ୍ରାକିଂ ସହିତ ଆସିଛି । ଏହାର ଉଦ୍ଦେଶ୍ୟ ହେଉଛି ନିୟମିତ ଭାବରେ ସମସ୍ତ ସୂଚନାକୁ ସାଧାରଣ ଲୋକଙ୍କ ନିକଟରେ ପହଞ୍ଚାଇବା ।

**********

TRP/