ಈ ವರ್ಷದ ಜನವರಿ 16 ರಿಂದ “ಸಂಪೂರ್ಣ ಸರ್ಕಾರ” ವಿಧಾನದ ಅಡಿಯಲ್ಲಿ ಪರಿಣಾಮಕಾರಿ ಲಸಿಕೆ ಅಭಿಯಾನದ ಚಾಲನೆಗಾಗಿ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪ್ರಯತ್ನಗಳನ್ನು ಭಾರತ ಸರ್ಕಾರ ಬೆಂಬಲಿಸುತ್ತಿದೆ. ದೇಶಾದ್ಯಂತ ಕೋವಿಡ್ ಲಸಿಕೆಗಳ ಸಮಯೋಚಿತ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳಲು ಹಲವಾರು ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಶೇಖರಣೆ ಸೇರಿದಂತೆ ಅದರ ಪೂರೈಕೆ ಸರಪಳಿಯನ್ನು ಸುವ್ಯವಸ್ಥಿತಗೊಳಿಸುವುದಕ್ಕೂ ಅಷ್ಟೇ ಮುಖ್ಯವಾದ ಆದ್ಯತೆಯನ್ನು ನೀಡಲಾಗುತ್ತದೆ.

ಕೆಲವು ಮಾಧ್ಯಮ ವರದಿಗಳು ಇವಿನ್ ದಾಸ್ತಾನು ಮತ್ತು ತಾಪಮಾನದ ದತ್ತಾಂಶಗಳಿಗೆ ಸಂಬಂಧಿಸಿದಂತೆ ಕೇಂದ್ರ ಆರೋಗ್ಯ ಸಚಿವಾಲಯವು ರಾಜ್ಯಗಳಿಗೆ / ಕೇಂದ್ರಾಡಳಿತ ಪ್ರದೇಶಗಳಿಗೆ ಬರೆದ ಪತ್ರವನ್ನು ಎತ್ತಿ ತೋರಿಸಿವೆ.

ವಾಣಿಜ್ಯ ಉದ್ದೇಶಕ್ಕಾಗಿ ವಿವಿಧ ಏಜೆನ್ಸಿಗಳಿಂದಾಗಿ ಈ ದತ್ತಾಂಶದ  ಯಾವುದೇ ದುರುಪಯೋಗವನ್ನು ಕೇವಲ ತಡೆಯುವುದಕ್ಕಾಗಿ ಲಸಿಕೆಗಳ ದಾಸ್ತಾನು ಮತ್ತು ಅವು ಸಂಗ್ರಹವಾಗಿರುವ ತಾಪಮಾನಕ್ಕೆ ಸಂಬಂಧಿಸಿದ ಇ-ವಿನ್ ದತ್ತಾಂಶ ಮತ್ತು ವಿಶ್ಲೇಷಣೆಯನ್ನು ಹಂಚಿಕೊಳ್ಳುವ ಮೊದಲು ಕೇಂದ್ರ ಆರೋಗ್ಯ ಸಚಿವಾಲಯದ ಅನುಮತಿ ಪಡೆಯಲು ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ ಕೇಂದ್ರ ಸರ್ಕಾರ ಸಲಹೆ ನೀಡಿದೆ.

ಮಾರುಕಟ್ಟೆಯನ್ನು ನಿರ್ವಹಿಸಲು ಯುನಿವರ್ಸಲ್ ಇಮ್ಯುನೈಸೇಶನ್ ಪ್ರೋಗ್ರಾಂ(ಯುಐಪಿ)ನಲ್ಲಿ ಬಳಸಲಾಗುವ ಅನೇಕ ಲಸಿಕೆಗಳಿಗೆ ನಿರ್ದಿಷ್ಟವಾದ ಲಸಿಕೆ ಬಳಕೆಯ ಪ್ರವೃತ್ತಿಗಳಿಗೆ ಸಂಬಂಧಿಸಿದ ನಿರ್ಣಾಯಕ ಮಾಹಿತಿ, ಮತ್ತು ಅಂತಹ ಪ್ರತಿಯೊಂದು ಲಸಿಕೆಗಳಿಗೆ ಸಂಬಂಧಿಸಿದಂತೆ ತಾಪಮಾನಕ್ಕೆ ಸಂಬಂಧಿಸಿದ ದತ್ತಾಂಶವನ್ನು ಮತ್ತು ವಿವಿಧ ಲಸಿಕೆಗಳಿಗೆ ಸಂಬಂಧಿಸಿದಂತೆ ಸಂಬಂಧಿತ ಸಂಶೋಧನೆಗಳಿಗೆ ಮತ್ತು ಕೋಲ್ಡ್ ಚೈನ್ ಉಪಕರಣಗಳಿಗೆ ಬಳಸಬಹುದು. ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಯುಐಪಿ ಅಡಿಯಲ್ಲಿ ಬಳಸಲಾಗುವ ಎಲ್ಲಾ ಲಸಿಕೆಗಳಿಗೆ ಇ-ವಿನ್ ಎಲೆಕ್ಟ್ರಾನಿಕ್ ಪ್ಲಾಟ್ಫಾರ್ಮ್ ಅನ್ನು ಈಗ ಆರು ವರ್ಷಗಳಿಗಿಂತ ಹೆಚ್ಚು ಕಾಲ ಬಳಸುತ್ತಿದೆ ಎನ್ನುವುದನ್ನು  ಗಮನಿಸಬೇಕು. ದಾಸ್ತಾನುಗಳು ಮತ್ತು ಸಂಗ್ರಹಣೆ, ತಾಪಮಾನದಲ್ಲಿ ಸೂಕ್ಷ್ಮ ಇ-ವಿನ್ ದತ್ತಾಂಶವನ್ನು ಹಂಚಿಕೊಳ್ಳಲು ತಾಪಮಾನಕ್ಕೆ ಆರೋಗ್ಯ ಸಚಿವಾಲಯದ ಪೂರ್ವ ಅನುಮತಿಯ ಅಗತ್ಯವಿದೆ.

ಕೋವಿಡ್ -19 ಲಸಿಕೆ ದಾಸ್ತಾನು, ಬಳಕೆ ಮತ್ತು ಸಮತೋಲನದ ದತ್ತಾಂಶವು ಕೋ-ವಿನ್ ಪ್ಲಾಟ್ಫಾರ್ಮ್ನಲ್ಲಿ ತೋರಿಸುತ್ತದೆ ಮತ್ತು ಕೇಂದ್ರ ಆರೋಗ್ಯ ಸಚಿವಾಲಯವು, ಮಾಧ್ಯಮದವರು ಮತ್ತು ಸಾರ್ವಜನಿಕರೊಂದಿಗೆ ವಾರಕ್ಕೊಮ್ಮೆ ಪತ್ರಿಕಾಗೋಷ್ಠಿಗಳು ಮತ್ತು ದೈನಂದಿನ ಪತ್ರಿಕಾ ಪ್ರಕಟಣೆಗಳ ಮೂಲಕ ಪಾರದರ್ಶಕ ರೀತಿಯಲ್ಲಿ ಹಂಚಿಕೊಳ್ಳುತ್ತಿದೆ. ಆರೋಗ್ಯ ಸಚಿವಾಲಯವು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸಂಬಂಧಪಟ್ಟ ಪತ್ರವು ಅನಧಿಕೃತ ವಾಣಿಜ್ಯ ಉದ್ದೇಶಗಳಿಗಾಗಿ ಅಂತಹ ಸೂಕ್ಷ್ಮ ದತ್ತಾಂಶವನ್ನು ಬಳಸುವುದನ್ನು ತಡೆಯುವ ಉದ್ದೇಶವನ್ನು ಹೊಂದಿತ್ತು.

ಕೋವಿಡ್ -19 ಲಸಿಕಾಕರಣ ಕಾರ್ಯಕ್ರಮದಲ್ಲಿ ಪಾರದರ್ಶಕತೆಗೆ ಭಾರತ ಸರ್ಕಾರವು ಬದ್ಧವಾಗಿದೆ ಮತ್ತು ಕೋ-ವಿನ್ ಮೂಲಕ ಫಲಾನುಭವಿಗಳಿಗೆ ಲಸಿಕೆ ಸರಬರಾಜು ವ್ಯವಸ್ಥೆಯನ್ನು ನೈಜ ಸಮಯದಲ್ಲಿ  ಮಾಹಿತಿ ತಂತ್ರಜ್ಞಾನ ಆಧಾರಿತವಾಗಿ  ಟ್ರ್ಯಾಕಿಂಗ್ ಮಾಡಲು ಇದು ಕಾರಣವಾಗಿದೆ. ಮಾಹಿತಿಯನ್ನು ಸಾಮಾನ್ಯ ಜನರೊಂದಿಗೆ ನಿಯಮಿತವಾಗಿ ಹಂಚಿಕೊಳ್ಳುವುದು ಇದರ ಉದ್ದೇಶವಾಗಿದೆ.

***