হৌখিবা পুং ২৪ অসিদা ভারততা নোংমদা অনৌবা কেস ৯২,৫৯৬ লাকখি৷ হৌজিক্তি থংননা ২শুবা নুমিৎকী ওইনা লৈবাক অসিদা নোংমদা অনৌবা কেস লাখ ১গী মখাদা লাকখ্রে৷ লাইচৎ অসিদগী ফরক্লিবা অসি কেন্দ্র অমসুং রাজ্যশিং/য়ু.তি. সরকারশিংনা য়াম্না কন্না হোৎনবগী মহৈনি৷

ভারততা এক্তিব কেসলোদ লেপ্পা লৈতনা তারক্লি৷ লৈবাক অসিগী এক্তিব কেস মশিং ঙসি ১২,৩১,৪১৫দা লৈখ্রে৷ থংননা মাপলশুবা নুমিৎকী ওইনা কেসলোদ লাখ ২০গী মখাদা লৈখ্রে৷

হৌখিবা পুং ২৪ অসিদা কেস ৭২,২৮৭ তারকখি অমসুং হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিংগী ৪.২৩% খক্তনি৷

থংননা ২৭শুবা নুমিৎকী ওইনা ভারততা নোংমদা লাক্লিবা অনৌবা কেস মশিংদগী নোংমদা লাইচৎ অসিদগী ফরকখিবগী মশিংনা হেনখ্রে৷ হৌখিবা পুং ২৪ অসিদা লাইচৎ অসিদগী মীওই ১,৬২,৬৬৪ ফরকপা ঙমখ্রে৷

নৌংমদা লাকপা অনৌবা কেসশিং অসিগা য়েংনবা মতমদা হৌখিবা পুং ২৪ অসিদা অহোনবা মীওই ৭০,০৬৮ লাইচৎ অসিদগী ফরকপা ঙমখ্রে৷

লাইনা-লাইচৎ অসি হেক হৌরকপা মতমদগী নারক্লিবা মীওইশিংগী মনুংদা, মীওই ২,৭৫,০৪,১২৬তি লাইচৎ অসিদগী মপুং ফানা ফরকপা ঙমখ্রে অমসুং হৌখিবা পুং ২৪ অসিদা পেসেন্ত ১,৬২,৬৬৪ লাইচৎ অসিদগী ফরকখি৷ মসিনা লাইচৎ অসিগী রিকোভরী রেত অসি লেপ্পা লৈতনা হেনগৎলক্তুনা ৯৪.৫৫% ওইরে৷

লৈবাক অসিদা হৌখিবা পুং ২৪দা তেস্ত পুন্না ১৯,৮৫,৯৬৭ তৌখ্রে অমসুং হৌজিক ফাওবদা লৈবাক অসিনা তেস্ত পুন্না কোতি ৩৭ হেন্না(৩৭,০১,৯৩,৫৬৩) তৌখ্রে৷

নাকল অমরোমদা লৈবাক অসিদা তেস্ত তৌবগী চাং হেনগৎলক্লিবা অসিগা লোইননা চয়োলগী ওইনা পোজিতিব ওইখিবগী চাংসু লেপ্পা লৈতনা হন্থরকখ্রে৷ চয়োলগী ওইনা পোজিতিব ওইখিবগী চাং অসি হৌজিক হৌজিক ৫.৬৬% ওই অদুগা ঙসিগী ওইনা পোজিতিব ওইখিবগী চাং অসি ৪.৬৬%নি৷ হৌজিক্তি থংননা ১৬শুবা নুমিৎকী ওইনা পোজিতিব ওইবগী চাং অসি ১০%দগী হেন্না তানা লৈখ্রে৷

নেসনৱাইদ ভেক্সিনেসন দ্রাইদকী মখাদা লৈবাক অসিদা কাপখিবা কোবিদ-১৯ ভেক্সিনগী অপুনবা মশিং অসি ঙসি কোতি ২৩.৯০ হেনখ্রে৷ হৌখিবা পুং ২৪ অসিদা ভেক্সিন দোজ কোতি ২৭,৭৬,০৯৬ কাপখি৷

ঙসি অয়ুক ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না সেসন ৩৩,৪৪,৫৩৩গী খুৎথাংদা কাপখিবা ভেক্সিন দোজ অসি পুন্না ২৩,৯০,৫৮,৩৬০নি৷

মসিগী মনুং চল্লিবশিং অদুদি:

******