இந்தியாவில் கொரோனா தொற்றினால் கடந்த 24 மணி நேரத்தில் பாதிக்கப்பட்டோரின் எண்ணிக்கை 92,596 ஆகக் குறைந்துள்ளது. இதையடுத்து, 2-வது நாளாக அன்றாட புதிய பாதிப்புகள் 1 லட்சத்திற்கும் கீழ் பதிவாகியுள்ளது.

நம் நாட்டில் கொவிட் தொற்றுக்கு சிகிச்சைப் பெறுவோரின் எண்ணிக்கைத் தொடர்ந்து கணிசமாக சரிந்து, தற்போது 12,31,415 ஆக உள்ளது. இது, நாட்டில் ஏற்பட்ட மொத்த பாதிப்பில் வெறும் 4.23 சதவீதமாகும். இந்த எண்ணிக்கை 9-வது நாளாக 20 லட்சத்திற்கும் குறைவாக உள்ளது.

சிகிச்சைப் பெறுவோரின் எண்ணிக்கையில் கடந்த 24 மணி நேரத்தில் 72,287 சரிந்துள்ளது.

தொடர்ந்து 27-வது நாளாக, புதிய பாதிப்புகளை விட தினசரி குணமடைவோரின் எண்ணிக்கை அதிகரித்து வருகிறது. கடந்த 24 மணி நேரத்தில் 1,62,664 பேர் குணமடைந்து வீடு திரும்பியுள்ளார்கள்.

கடந்த 24 மணி நேரத்தில் புதிதாகத் தொற்றுக்கு ஆளானவர்களை விட கூடுதலாக 70,068 பேர் குணமடைந்தனர்.

இதுவரை மொத்தம் 2,75,04,126 பேர் கொவிட்-19 தொற்றிலிருந்து குணமடைந்துள்ளனர். இதன்படி குணமடைந்தவர்களின் விழுக்காடு 94.55 சதவீதமாக அதிகரித்துள்ளது.

கடந்த 24 மணி நேரத்தில் 19,85,967 பரிசோதனைகளும், இந்தியாவில் இதுவரை மொத்தம் 37,01,93,563 பரிசோதனைகளும் மேற்கொள்ளப்பட்டுள்ளன.

வாராந்திர தொற்று உறுதி விழுக்காடு 5.66 சதவீதமாகவும், தினசரி தொற்று உறுதி வீதம் 4.66 சதவீதமாகவும் பதிவாகியுள்ளது. தொடர்ந்து 16 நாட்களாக இந்த எண்ணிக்கை 10 சதவீதத்திற்கும் குறைவாக உள்ளது.

நாடு தழுவிய தடுப்பூசித் திட்டத்தின் கீழ் இதுவரை 23.90 கோடி தடுப்பூசிகளும், கடந்த 24 மணி நேரத்தில் 27,76,096 தடுப்பூசிகளும் செலுத்தப்பட்டுள்ளன.

இன்று காலை 7 மணிக்குக் கிடைத்த முதற்கட்ட தகவலின்படி, மொத்தம் 33,44,533 முகாம்களில் 23,90,58,360 தடுப்பூசிகள் போடப்பட்டுள்ளன.

மேலும் விவரங்களுக்கு இந்த ஆங்கில செய்திக் குறிப்பைக் காணவும்:

https://www.pib.gov.in/PressReleasePage.aspx?PRID=1725529

-----