হ্যুমেন রিসোর্স চাউখৎ-থৌরাংগী মন্ত্রালয়

কেন্দ্রগী মহৈ-মশিং মন্ত্রীনা রাজ্যশিংগী অমসুং য়ুনিয়ন তেরিতোরীশিংগী পর্ফোমেন্স গ্রেদিং ইন্দেক্স(পি.জি.আই.) ২০১৯-২০ রিলিজ তৌননবা অয়াবা পীখ্রে

Posted On: 06 JUN 2021 12:20PM by PIB Imphal

ঙসি ভারতকী রাজ্যশিং অমসুং য়ুনিয়ন তেরিতোরীশিংগী ওইনা পর্ফোমেন্স গ্রেদিং ইন্দেক্স(পি.জি.আই.) ২০১৯-২০ রিলিজ তৌননবা কেন্দ্রগী মহৈ-মশিং মন্ত্রী, শ্রী রামেশ পোখ্রিয়াল ‘নিশঙ্ক’না অয়াবা পীখ্রে৷ স্কুল এজুকেসনগী ফিল্দদা অহোংবা য়াম্না থুনা লাকহন্নবা সরকার অসিনা পেরামীতর ৭০গী সেত অমগা লোইননা পর্ফোমেন্স গ্রেদিং ইন্দেক্স পুথোকখ্রে৷

২০১৭-১৮না রিফরেন্স চহি ওইদুনা রাজ্যশিং অমসুং য়ুনিয়ন তেরিতোরীশিংগী পি.জি.আই. ২০১৯ চহি অসিদা ইহান হান্না ফোংখি৷ ২০১৯-২০ চহিগী ওইনা রাজ্যশিং অমসুং য়ু.তি.শিংগী : পি.জি.আই. অসি সেরিস অসিদা অহুমশুবা পব্লিকেসন্নি৷ ইন্দেক্স অসিনা রাজ্যশিং অমসুং য়ু.তি.শিংনা মল্তি-প্রোঙ্গ ইন্তরবেন্সনশিং পাংথোকপা ঙমহন্দুনা ময়াম্না খ্বাইদগী পাম্নরবা ওপ্তিমেল এজুকেসন আউতকমশিং পুরক্লগনি হায়না পি.জি.আই. এক্সর্সাইসনা খল্লি৷ রাজ্যশিং/য়ু.তি.শিংনা গেপশিং অসি খন্দোকপা মতমদা পি.জি.আই. অসিনা মতেং পাংলগনি অমসুং মসিগী মতুং ইন্না স্কুল এজুকেসন সিস্তেম অসি লেবেল খুদিংমক্তা ফনা লৈহন্নবা ইন্তরবেন্সনগী এরিয়াশিং প্রাইয়োরিতী পীবা হৌরগনি৷

২০১৯-২০ চহিগী ওইনা পঞ্জাব, চান্দিগর্হ, তামিল নাদু, অন্দামন অমসুং নিকোবর ইথৎশিং অমসুং কেরলানা খ্বাইদগী ৱাংবা গ্রেদ(গ্রেদ এ++) ফংবা ঙম্মী৷

মমাংগী চহিশিং অসিগা য়েংনবা মতমদা পি.জি.আই. ২০১৯-২০ অসিদা রাজ্যশিং/য়ু.তি. অয়াম্বনা মখোয় মখোয়গী গ্রেদ হেন্না ৱাংনা ফংবা ঙমখ্রে৷

অন্দামন অমসুং নিকোবর ইথৎশিং, অরুনাচল প্রদেশ, মনিপুর, পুদুচেরী, প়ঞ্জাব অমসুং তামিল নাদুনা অপুনবা পি.জি.আই. স্কোর ১০% হায়বদি পোইন্ত ১০০ নত্রগা হেন্না ৱাংনা ফংবা ঙমখ্রে৷

অন্দামন অমসুং নিকোবর ইথৎশিং, লক্সদ্বীপ অমসুং পঞ্জাবনা পি.জি.আই. দোমেন : এসেস্তা ১০%(পোইন্ত ৮) নত্রগা হেন্না ফংবা ঙমখ্রে৷

পি.জি.আই. দোমেন : ইনফ্রাস্ত্রকচর অমসুং ফেসিলিতীশিংদা রাজ্য ১৩ অমসুং য়ু.তি.শিংনা ১০%(পোইন্ত ১৫) নত্রগা হেন্না ফংবা ঙমখ্রে৷ অন্দামন অমসুং নিকোবর ইথৎশিং অমসুং ওরিশানা ২০ % নত্রগা হেন্না ফংবা ঙমখ্রে৷

পি.জি.আই. দোমেন: ইক্বুইতীদা অরুনাচল প্রদেশ, মনিপুর অমসুং ওরিশানা ১০% হেন্না ফংবগী শক্তম উবা ফংখ্রে৷

পি.জি.আই. দোমেন: গভর্নেন্স প্রোসেসতা রাজ্য অমসুং য়ু.তি. ১৯না ১০%(পোইন্ত ৩৬) নত্রগা হেন্না ফংবা ঙমখ্রে৷ অন্দামন অমসুং নিকোবর ইথৎশিং, আন্ধ্র প্রদেশ, অরুনাচল প্রদেশ, মনিপুর, পঞ্জাব, রাজস্থান অমসুং ৱেস্ত বেঙ্গলনা য়ামদ্রবদা ২০% (পোইন্ত ৭২ নত্রগা হেন্না) ফংবা ঙমখ্রে৷

অকুপ্পা মরোলশিংগীদমক, মখাগী লিঙ্ক অসি য়েংবিয়ু৷

https://www.education.gov.in/hi/statistics-new?shs_term_node_tid_depth=391

*****



(Release ID: 1724996) Visitor Counter : 156