ଭାରତରେ କରୋନାର ଦୈନିକ ନୂଆ ସଂକ୍ରମଣ କ୍ରମାଗତ ଭାବେ ହ୍ରାସ ପାଉଥିବା ବେଳେ ଗତ ୨୪ ଘଣ୍ଟାରେ ୧,୩୨ ଲକ୍ଷ ନୂଆ ମାମଲା ଆସିଛି । ଗତ ୨୪ ଘଣ୍ଟା ମଧ୍ୟରେ ୧,୩୨,୭୮୮ ନୂଅ କରୋନା ମାମଲା ଆସିଛି ।

ଦେଶରେ କ୍ରମାଗତ ଷଷ୍ଠ ଦିନରେ ଦୈନିକ ନୂଆ କରୋନା ମାମଲା ୨ ଲକ୍ଷ ତଳେ ରହିଛି ।

ସକ୍ରିୟ କରୋନା ମାମଲା ମଧ୍ୟ ଦେଶରେ କ୍ରମାଗତ ଭାବେ ହ୍ରାସ ପାଇଚାଲିଛି । ଆଜି ସକ୍ରିୟ ମାମଲା ରହିଛି ୧୭,୯୩,୬୪୫ ।

ଗତ ୨୪ ଘଣ୍ଟାରେ ସକ୍ରିୟ ମାମଲାରେ ୧,୦୧,୮୭୫ ହ୍ରାସ ହୋଇଛି । ଦେଶର ମୋାଟ ପଜିଟିଭ୍ ମାମଲାର ୬.୩୪% ରହିଛି ସକ୍ରିୟ ମାମଲା ।

ଭାରତରେ କରୋନାରୁ ସୁସ୍ଥ ହେଉଥିବା ଲୋକଙ୍କ ସଂଖ୍ୟା ଦୈନିକ ସଂକ୍ରମଣ ଠାରୁ ଗତ ୨୦ ଦିନ ଧରି ଅଧିକ ରହିଆସୁଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୩୧,୪୫୬ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି ।

ଗତ ୨୪ ଘଣ୍ଟାରେ ଦୈ÷ନିକ ସଂକ୍ରମଣ ତୁଳନାରେ ୯୮,୬୬୮ ଜଣ ଅଧିକ ସୁସ୍ଥ ହୋଇଛନ୍ତି ।

ଦେଶରେ କରୋନା ମହାମାରୀ ଆରମ୍ଭ ହେବା ପରେ ଏ ପର୍ଯ୍ୟନ୍ତ ମୋଟ ୨,୬୧,୭୯,୦୮୫ ଜଣ ସୁସ୍ଥ ହୋଇଛନ୍ତି ଏବଂ ଗତ ୨୪ ଘଣ୍ଟା ମଧ୍ୟରେ ୨,୩୧,୪୫୬ ଜଣ ସୁସ୍ଥ ହୋଇଛନ୍ତି । କ୍ରମାଗତ ବୃଦ୍ଧି ପାଉଥିବା ଧାରାରେ ସୁସ୍ଥତା ହାର ଏବେ ରହିଛି ୯୨.୪୮% ।

ଦେଶରେ ଗତ ୨୪ ଘଣ୍ଟା ମଧ୍ୟରେ ୨୦,୧୯,୭୭୩ ଟେଷ୍ଟ କରାଯାଇଛି । ଭାରତରେ ଏ ପର୍ଯ୍ୟନ୍ତ ମୋଟ ୩୫ କୋଟି (୩୫,୦୦,୫୭,୩୩୦)ରୁ ଅଧିକ ଟେଷ୍ଟ କରାଯାଇଛି ।

ଦେଶରେ ଏ ପକ୍ଷରେ ଟେଷ୍ଟ କ୍ଷମତା ବୃଦ୍ଧି କରାଯାଇଥିବା ବେଳେ ସାପ୍ତାହିକ ପଜିଟିଭିଟି ହାର କ୍ରମେ ହ୍ରାସ ପାଉଥିବା ପରିଲକ୍ଷିତ ହୋଇଛି । ସାପ୍ତାହିକ ପଜିଟିଭିଟି ହାର ୮.୨୧% ଥିବା ବେଳେ ଏବେ ଦୈନିକ ପଜିଟିଭିଟି ହାର ହ୍ରାସ ପାଇ ୬.୫୭% ହୋଇଛି । କ୍ରମାଗତ ନବମ ଦିନରେ ଏହା ୧୦% ତଳେ ରହିଛି ।

ଦେଶବ୍ୟାପୀ ଚାଲିଥିବା କୋଭିଡ-୧୯ ଟିକାକରଣ ଅଭିଯାନରେ ଏ ପର୍ଯ୍ୟନ୍ତ ମୋଟ ୨୧.୮୫ କୋଟି ଡୋଜରୁ ଅଧିକ ଟିକା ଦିଆଯାଇଛି ।

ଆଜି ସକାଳ ୭ଟା ସୁଦ୍ଧା ମୋଟ ୩୦,୯୧,୫୪୩ ସେସନରେ ୨୧,୮୫,୪୬,୬୬୭ ଡୋଜ୍ ଟିକା ଦିଆଯାଇଛି ।

SR