દેશમાં દૈનિક ધોરણે નવા કેસોની સંખ્યામાં એકધારા ઘટાડા સાથે, ભારતમાં છેલ્લા 50 દિવસમાં દૈનિક ધોરણે સૌથી ઓછા 1.52 લાખ નવા કેસ નોંધાયા છે.

દેશમાં હવે સતત 4 દિવસથી દૈનિક ધોરણે નવા કેસોની સંખ્યા 2 લાખથી નીચે જળવાઇ રહી છે.

છેલ્લા 24 કલાકમાં દૈનિક ધોરણે 1,52,734 દર્દીઓ નવા નોંધાયા છે.

ભારતમાં સક્રિય કેસોના ભારણમાં એકધારો ઘટાડો નોંધાઇ રહ્યો છે. સક્રિય કેસોનું ભારણ વધારે ઘટવાથી આજે કુલ સક્રિય કેસોનો આંકડો 20,26,092 થઇ ગયો છે.

છેલ્લા 24 કલાકમાં વધુ 88,416 દર્દીઓનો ચોખ્ખો ઘટાડો થયો છે અને દેશમાં આજદિન સુધીમાં નોંધાયેલા કુલ પોઝિટીવ કેસમાંથી સક્રિય કેસોની સંખ્યા 7.22% રહી છે.

દેશમાં સતત 18મા દિવસે પણ દૈનિક ધોરણે નવા નોંધાયેલા દર્દીઓ કરતાં સાજા થનારા દર્દીઓની સંખ્યા વધારે જળવાઇ રહી છે. છેલ્લા 24 કલાકમાં 2,38,022 દર્દીઓ સાજા થયા હોવાનું નોંધાયું છે.

છેલ્લા 24 કલાક દરમિયાન એક દિવસમાં નવા નોંધાયેલા કેસોની સરખામણીએ સાજા થયેલા દર્દીઓની સંખ્યા 85,288 વધારે નોંધાઇ છે.

મહામારીની શરૂઆતથી આજદિન સુધીમાં કોવિડ-19ના કુલ પોઝિટીવ થયેલા કેસોમાંથી 2,56,92,342 દર્દીઓ સાજા થઇ ગયા છે અને છેલ્લા 24 કલાકમાં વધુ 2,38,022 દર્દી સાજા થયા છે. આના કારણે એકંદરે સાજા થવાનો દર વધીને 91.60% થયો છે.

છેલ્લા 24 કલાકમાં દેશમાં 16,83,135 પરીક્ષણો કરવામાં આવ્યા છે અને આજદિન સુધીમાં થયેલા કુલ પરીક્ષણોની સંખ્યા 34.48 કરોડ થઇ ગઇ છે.

એક તરફ, દેશમાં થતા પરીક્ષણોની સંખ્યામાં વધારો કરવામાં આવ્યો છે અને બીજી તરફ સાપ્તાહિક ધોરણે કેસોની પોઝિટીવિટીમાં સતત ઘટાડો નોંધાઇ રહ્યો છે. સાપ્તાહિક પોઝિટીવિટી દર હાલમાં 9.04% છે જ્યારે દૈનિક પોઝિટીવિટી દર ઘટ્યો છે અને આજે 9.07% નોંધાયો છે. સળંગ 7 દિવસથી આ દર 10%થી નીચે જળવાઇ રહ્યો છે.

દેશભરમાં ચાલી રહેલા કોવિડ-19 રસીકરણ અભિયાનના ભાગરૂપે આજદિન સુધીમાં દેશમાં કોવિડ-19 વિરોધી રસીના કુલ 21.31 કરોડ ડોઝ આપવામાં આવ્યા છે.

આજે સવારે 7 વાગ્યા સુધીમાં પ્રાપ્ત થયેલા હંગામી અહેવાલો અનુસાર દેશમાં કુલ 30,28,295 સત્રોનું આયોજન કરીને રસીના કુલ 21,31,54,129 ડોઝ આપવામાં આવ્યા છે.

આમાં સામેલ છે:

SD/GP/JD