মন্ত্রীমন্দল
মন্ত্রী-মন্দলনা মালদ্বীপকী অদ্দু সিতীদা অনৌবা কন্সুলেৎ জেনরেল ওফ ইন্দিয়া অমা হাংদোকপদা অয়াবা পীখ্রে
Posted On:
25 MAY 2021 1:13PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাঙথোকখিবা কেন্দ্রগী মন্ত্রী মন্দলনা ২০২১দা মালদ্বীপকী অদ্দু সিতীদা অনৌবা কন্সুলেৎ জেনরেল ওফ ইন্দিয়া অমা হাংদোকপদা অয়াবা পীখ্রে।
ভারত অমসুং মালদ্বীপ অসি য়েংহৌঙৈদগী কাংলুপ, লোল, চৎনবী, লাইনিং অমসুং ললোন-ইতিক্কী মরী লৈনরি। ভারত সরকারগী ‘নেবরহুদ ফার্স্ত পোলিসী’ অমসুং ‘সগর’ (সেক্যুরিতী এন্দ গ্রোথ ফোর ওল ইন দি রিজন)গী বিজন অসিদা মালদ্বীপনা মরু ওইবা মফম অমা কনখি।
অদ্দু সিতীদা কন্সুলেৎ জেনরেল অমা হাংদোকপনা মালদ্বীপতা ভারতকী দিপ্লোমেতিক্কী শক্তি হেনগৎহনবদা মতেং ওইগনি অমসুং মসিনা হৌজিক লৈরিবা অমসুং তুংদা তৌরক্কদবা থবক্কী থাক অদুবু মানহনবা ঙমগনি।
প্রধান মন্ত্রী মোদী অমসুং রাস্ত্রপতি সোলিগী লিচিং মখাদা বাইলেতরেলগী মরীগী খোঙজেল অমসুং পাঙ্গল অসি অমুক্তা ওইখিদ্রিবা থাকশিং য়ৌবা ঙমখ্রে।
মসি ঐখোয়গী লৈবাক্কী চাউখৎ-থৌরাং নত্ত্রগা ‘সবকা সাথ সবকা বিকাস’ অসিদা মীৎয়েং থম্নবা হোৎনরিবা অসিগী মাইকৈদা চাংশিল্লিবা খোঙথাং অমসু ওইরি। ভারতকী দিপ্লোমেতিক শক্তি হেনগৎহনবনা ভারতকী কম্পনীশিংগী মার্কেৎ এক্সেস ফংহনগনি অমসুং ভারতকী গুদস অমসুং সর্ভিসেস এক্সপোর্ত তৌবা হেনগৎহনগনি। মসিনা ঐখোয়গী মরোমদোম লেপচবা ভারত নত্ত্রগা ‘আত্মনির্ভর ভারত’কী পান্দম অসিগী মখাদা দোমেস্তিক প্রদক্সন অমসুং ইম্পোইমেন্তদা হকথেংননা শাফু অমা পীরগনি।
****
(Release ID: 1721544)
Visitor Counter : 203
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam