সরকারনা নুপী, অঙাং, অহল অমসুং সেদ্যুল কাস্ত/সেদ্যুল ত্রাইব য়াওবা খুদোংথীবা নঙবা য়াবা কাংলুপশিংদা থোকহন্নীংদবা থৌদোক থোকহন্দনবা অমসুং মাইয়োক্নবদা তেংবাংবদা খ্বাইদগী মরু ওইবা পীবগা লোয়ননা হ্যুমেন ত্রাফিক্কিং তৌহন্দনবা অমসুং মসিগী মাইয়োক্তা থেংনবা ঙম্নবা ইন্সতিত্যুসনগী ওইবা মেকানিজম কয়া থম্বীরি।

কোবিদ-১৯গী অনিশুবা ৱেভ অসিনা খুদোংথীবা নঙবা য়াবা কাংলুপশিংদা মরু ওইনা পীরিবা চৈথেং কয়া খন্নরদুনা, এম.ঐচ.এ.না রাজ্য/য়ুনিয়ন তেরিতরীশিংদা হায়রিবা কাংলুপকী মীওইশিং, মরু ওইনা কোবিদ-১৯না মরম ওইদুনা মপা-মপা কায়নখ্রবা অঙাংশিংদা অহেনবা মিৎয়েং চঙনবা খঙহনখ্রে। এম.ঐচ.এ.না রাজ্য/য়ুনিয়ন তেরিতরীশিংদা মমা-মপা কায়নরবা অঙাংশিং, মতম চাবা তেংবাংগী মথৌ তাবা অহলশিং অমসুং সরকারগী খুদোংচাবশিং ফংনবা পাউতাক পীবগী তঙাই ফদবা লৈবা সেদ্যুল ত্রাইব/কাস্তকী মীওইশিংগুম্বা খুদোংথীবা নঙবা য়াবা মীওইশিংগীদমক্তা হৌজিক লৈরিবা ফেসিলিতীশিং খুদক্তা য়েংশিন্নবা খঙহনখ্রে।

এম.ঐচ.এ.না রাজ্য/য়ু.তি.শিংদা পুলিস স্তেসনশিংদা নুপীগী হেল্প দেস্ক অমসুং জিলাশিংদা এন্তি-হ্যুমেন ত্রাফিক্কিং য়ুনিৎ লৈহন্দুনা মথৌ পাংথোকহন্নবগীদমক্তা পুলিসকী মীওই সেন্সিতাইজ তৌনবা অমসুং মরী লৈনবা বিভাগ/এজেন্সীশিংদা খুৎশম্নদুনা চৎমিন্ননবা হায়খ্রে। এন.সি.আর.বি.না থৌওং অসি পাংথোক্নবগীদমক্তা রাজ্য/য়ু.তি.শিংদা তোঙান-তোঙানবা  তেংবাংবগী খুৎলাইশিং পীখ্রে অমসুং মসিগী মনুং চনবশিংদি- পুলিসনা রাজ্য মনুংগী পাউ ফাওননবা পুলিস্কী ক্রাইম মলতি সেন্তর এজেন্সী (ক্রি-মেক); ক্রাইম অমসুং ক্রিমিনেল ত্রেক্কিং নেৎৱর্ক অমসুং সীস্তেম (সি.সি.তি.এন.এস.) শিজিন্নদুনা মী মাঙখিবা থিননবা পুলিসনা শিজিন্ননগদবা নেস্নেল এলর্ত সর্ভিস অমসুং মাঙখ্রবা মীওই, মশক খঙদবা অশীবা হকচাংনচিংবগী ফোতোবু সি.সি.তি.এন.এস.তা য়াওরিবা লৈবাক্কী ফোতো ময়ামগা চাংদম্নদুনা পুলিসশিংনা থিবা ঙমহন্নবা মেছিন লর্নিং মোদেল শিজিন্নবা ওতোমেতেদ ফোতো মেৎচিংগী ৱেবতা য়ুম্ফম ওইবা য়ু.এন.আই.এফ.ৱাই. অসিনি। এম.ঐচ.এ.না রাজ্য/য়ু.তি.শিংদা ওনলাইন্দা ফংলিবা মাঙখ্রবা মীওইশিংগী সেন্ত্রেল সিতিজন সর্ভিসকী মতাংদা মীয়ামদা হেন্না খঙহন্নবা হোৎননবা হায়খ্রে। এম.ঐচ.এ.না কোবিদ-১৯গী মনুংদা ত্রান্সজেন্দরশিংগী তেক্ত-কায়দনবগীদমক্তা হন্দক্তা থোকখিবা এস.ও.পি.গী মতাংদসু পনখি।

রাজ্য/য়ু.তি.শিংনা হায়রিবা ফেসিলিতীশিং অসি মীয়ামগী কান্ননবগীদমক্তা শিজিন্নদুনা লাক্লিবনি।

*****