ভারত সরকারগী প্রিন্সিপাল সাইন্তিফিক এদভাইজর ওফিসনা “লাইনা শন্দোকপা থিংসি, লাইচৎ অসিবু মুত্থৎসি – মাস্ক, অরাপ্পা থম্বা, সেনিতেসন অমসুং ভেন্তিলেসন তৌদুনা এস.এ.আর.এস.-কোভ-২ ভাইরস শন্দোকপা থিংবা” হায়বা ইনবদা লাইগদবা এদভাইজরী অমা পুথোকখ্রে। ভারত্তা লাইচৎ অসিনা কনশিনলকপগা লোয়ননা, ঐখোয়না অরায়বা খুৎলাই অমসুং থবকশিংনা এস.এ.আর.এস.-কোভ-২ ভাইরস শন্দোকপা থিংবা ঙম্মি হায়বা অমুক্কা হন্না নীংশিংবগী মথৌ তারে।
এদভাইজরী অসিনা নুংশিৎ মরাং কায়না চঙবা কানা নুংশিৎ মরাং কায়না চঙদবা কা, ওফিসনচিংবদা মহিক য়াওরবা নুংশিত্তা য়াওবা ভাইরস লোদ হন্থহনবা ঙম্বগী মরু ওইবদা মিৎয়েং চঙলি। নুংশিৎ মরাং কায়না চঙহনবনা লাইনা নাবা মীওইদগী অতোপ্পদা লাইনা শন্দোকপগী চাং হন্থহনবা ঙম্মি।

থোঙ-থোঙনাও হাংদোকপা অমসুং এগজোস্ত শিজিন্নদুনা নুংশিৎ-নুংশা চঙবনা মনম্বু তান্থোকপা ঙম্বগুম্না কাশিংদা নুংশিৎকৈ মাইকৈ শেন্নদুনা নুংশিৎ নীংথিনা চঙহনবনা নুংশিত্তা য়াওবা ভাইরসশিংবু লৈমায়দা তাহনবা ঙমহন্দনা লাইনা শন্দোকপগী চাং য়াম্না হন্থহনবা ঙম্মি।

নুংশিৎ চঙহনবগী পথাপ অসি ঐখোয় খুদিংবু য়ুমদা নত্ত্রগা ওফিসশিংদা ঙাকথোকপা খুন্নাইগী ওইবা ঙাক-শেনবগী পাম্বৈ অমনি। ওফিস, য়ুম অমসুং মীয়ামগী অচৌবা মফমশিংদগী নুংশিৎপু মপান্দা থাদোকপা অসি য়াম্না কান্নৈ। হায়রিবা মফমশিং অসিদা নুংশিৎ চঙবগী ফীভম ফগৎহন্নবা থবকশিং অসি খুঙ্গং অমসুং শহরগী মফমদা চপ মান্নবা মরু ওইবা পীদুনা খুদক্তা পাংথোক্কদবনি অমসুং খাঙপোকশঙ, য়ুম, ওফিস অমসুং অচৌবা সেন্ত্রেলাইজ বিলদিংদা পথাপ অসি করম্না পাংথোক্কদগে হায়বা পাউতাকশিংসু পীরি। ইচম চম্বা মওংদা ফেনগী থম্ফম শেম্বা, থোঙ-থোঙনাও হাংদোকপা অমসুং খজিক্তং হাংদোকপা থোঙনাও অমনসু মপান্দগী নুংশিৎ চঙহনবা ঙমদুনা কা মনুংদা লৈবা নুংশিৎকী মগুনবু হেন্না ফগৎহনবা ঙমগনি। ক্রোস ভেন্তিলেসন অমসুং এগজোস্ত ফেন শিজিন্নবা হৌদোকপনা লাইনা অসিনা শন্দোকপগী ফীভম্বু থিংবা ঙমগনি। মপান্দা নুংশিৎ থাদোকপগী পাম্বৈ ফজনা লৈতবা মতমদা সেন্ত্রেল এয়র ফিলত্রেসন ফগৎহনবা/ফিলত্রেসনবু নীংথিনা ফগৎহনবা অসিনা য়াম্না মরু ওইনা তেংবাংই। রুফ ভেন্তিলেতর অমসুং গেবল ফেন সীস্তেম অসি ওফিস, ওদিতোরিয়ম, শোপ্পিং মোলনচিংবা মফমশিংদা শিজিন্নগদবনি। মসিগী ফিলতরশিং অসি য়াম্না মরু ওইনা শেংদোক্কদবনি অমসুং শিন্দোক্কদবনি। লাইনা নারবা মীওইনা নিংশা হোন্দোকপা, ৱা ঙাংবা, ঈশৈ শকপা, নোকপা, লোক খুবা অমসুং হাকথী খনবনচিংবদগী থোক্লকপা লোক-তিন নত্ত্রগা নিংশা হোনবদগী থোক্লকপা পোৎলমশিং অসি দ্রোপলেৎ অমসুং এরোসোলগী মওংদা থাদোরকই অমসুং মসিনা লাইনা শন্দোকপগী খ্বাইদগী মরু ওইবা পাম্বৈনি। সিম্পতম উত্তনা লাইনা নাবা মীওইদগীসু ভাইরস অসি শন্দোকই। সিম্পতম উত্তবা মীওইনসু ভাইরস অসি শন্দোকই। মীয়াম্না মাস্ক, মরোল অনিগী মাস্ক নত্ত্রগা এন.৯৫ মাস্ক অসি লেপ্তনা অমসুং মতম পুম্বদা উপকদবনি।

এস.এ.আর.এস.-কোভ-২ ভাইরসনা মীওইবদা (হোস্ত) চঙই অমসুং মচা পোকশিল্লি। হোস্ত য়াওদনা মসিনা হিংবা ঙমদে অমসুং মীওই অমদগী অমদা ভাইরস শন্দোকপা থিংবা অসিনা লাইনা অসিবু শন্দোকপগী চাং হন্থহনবা ঙমহন্দুনা ভাইরস অসিনা মশা মথন্তা শিরকপা য়াবগী ফীভমদা য়ৌহল্লকপা য়াগনি। মসিগী পান্দম অসি মীওই, খুন্নাই, লোকেল বোদী অমসুং ওথোরিতীশিংনা তেংবাংদুনা অমত্তা ওইনা হোৎনমিন্নবা মতমদা ফংবা ঙমগনি। মাস্ক উপ্পা, ভেন্তিলেসন তৌবা, অরাপ্পা থম্বা অমসুং সেনিতেসন তৌবনা ভাইরস অসিগী মাইয়োক্তা থেংনরিবা লান অসিদা মায়-পাকপা ঙমগনি।

এদভাইজরীগীদমক্তা মফম অসিদা ক্লিক তৌবীয়ু

এদভাইজরী অসি হিন্দিদা পানবগীদমক্তা মফম অসিদা ক্লিক তৌবীয়ু

*****