প্রধানমন্ত্রীগী লোইশঙ

সরকারনা হারগী সবসিদী হেনগৎহন্নবা ইতিহাসিক ওইরবা প্রো-ফার্মর ওইবা ৱারেপ লৌখ্রে

দি.এ.পি. ফর্তিলাইজরদা সবসিদী চাদা ১৪০ হেনগৎহনখ্রে

লৌমীশিংনা দি.এ.পি.গী বেগ অমদা লুপা ৫০০গী মহুৎ লুপা ১২০০গী সবসিদী ফংলগনি
লৌমীশিংনা দি.এ.পি. বেগ অমদা লুপা ২৪০০দা ফংলম্বা অদুগী মহুৎ লুপা ১২০০দা ফংলগনি

সরকারনা সবসিদী অসিগীদমক অহেনবা লুপা করোর ১৪,৭৭৫ চাদিং তৌরগনি

লৌমীশিংদা মালেমগী ওইনা মমল হেনগৎলবসু হান্নগী মমলশিংদা হারশিং ফংহনগদবনি: পি.এম.

লৌমীশিংগী য়াইফবা হায়বা অসি সরকারনা মরু ওইনা লৌরি: পি.এম.

Posted On: 19 MAY 2021 7:45PM by PIB Imphal

পি.এম. নরেন্দ্র মোদীনা হারগী মমলশিংগী থেংনরিবা সমস্যা অসিগী মতাংদা অৱাংবা থাক্কী মীফম অমা ময়াই তাংবল লৌদুনা পাঙথোকখ্রে। হারগী মমলশিংগী থেংনরিবা সমস্যা অসিগী মতাংদা মঙোন্দা অকুপ্পা ৱারোল য়াওবা প্রজেন্তেসন অমা উৎখ্রে।

হারশিংগী মমল অসি ফোস্ফোরিক এসিদ, এম্মোনিয়া অসিনচিংবগী মমলশিং অসি মালেমগী থাক্তা হেনগৎলক্লিবা অসিনা মরম ওইরগা হেনগৎলক্লি হায়না খন্নখ্রে। পি.এম.না লৌমীশিংদা মালেমগী ওইনা মমল হেনগৎলবসু হান্নগী মমলশিংদা হারশিং ফংহনগদবনি হায়না অকনবা ৱাফম থমখ্রে।

দি.এ.পি. ফর্তিলাইজরগী সবসিদী অসি বেগ অমদা লুপা ৫০০ ওইরম্বদগী বেগ অমদা লুপা ১২০০দা হেনগৎহন্দুনা ইতিহাসিক ওইবা ৱারেপ অমা লৌখ্রে হায়রিবা অসিদা চাদা ১৪০ হেনগৎহল্লি। অসুম্না মালেমগী কৈথেলদা দি.এ.পি.গী মমলশিং হেনগৎলবসু মসি হান্নগী মমল লুপা ১২০০দা মখা তানা য়োন্নবা ৱারেপ লৌখ্রে অমসুং কেন্দ্র সরকারনা মমল হেনগৎলকপগী পোৎলুম পুম্নমক পুনবা ৱারেপ লৌখ্রে। বেগ অমদা সবসিদীগী শেনফম অসি মমাংদা অসুম্না অমুক্তা হেনগৎখিদ্রি।

হৌখিবা চহিদা দি.এ.পি.গী তশেংবা মমল অসি বেগ অমদা লুপা ১,৭০০ ওইরমখি। মসিদা কেন্দ্র সরকারনা বেগ অমদা সবসিদী লুপা ৫০০ পীরম্মী। অদুনা কম্পনীশিংনা লৌমীশিংদা হারশিং অসি বেগ অমদা লুপা ১২০০দা য়োল্লি।

হন্দক্তা দি.এ.পি.দা শিজিন্নবা ফোস্ফোরিক এসিদ, এম্মোনিয়া অসিনচিংবগী মালেমগী ওইবা মমলশিং অসি চাদা ৬০দগী চাদা ৭০ ফাওবা হেনগৎখি। অদুনা দি.এ.পি. বেগ অমগী তশেংবা মমল অসি হৌজিক লুপা ২৪০০ ওইরে হায়রিবা অসি ফর্তিলাইজর কম্পনীশিংনা লুপা ৫০০গী সবসিদী অসি য়েংলবা মতুংদা লুপা ১৯০০দা য়োনবা য়াগনি। ঙসিগী ৱারেপ অসিগা লোইননা লৌমীশিংনা দি.এ.পি. বেগ অমদা লুপা ১২০০দা মখা তানা ফংলগনি।

পি.এম.না হায় মহাক্কী সরকারনা লৌমীশিংগী য়াইফনবা হোৎনখি অমসুং মমল হেনগৎপগী মৈশা লৌমীশিংনা ফংদনবা অঙম্বা পুম্নমক হোৎনগনি।

কেন্দ্র সরকারনা চহি খুদিংগী কেমিকেল ফর্তিলাইজরশিংগী সবসিদীদা লুপা করোর ৮০,০০০ চাদিং তৌরি। দি.এ.পি.দা সবসিদী হেনগৎলকপগা লোইননা ভারত সরকারনা খারিফ সিজন্দা অহেনবা লুপা করোর ১৪,৭৭৫ সবসিদী ওইনা চাদিং তৌরগনি।

অক্ষে ত্রিতিয়াগী নুমিৎতা পি.এম.-কিসানগী মখাদা লৌমীশিংগী একাউন্তদা লুপা করোর ২০,৬৬৭ হকথেংননা ত্রান্সফর তৌখ্রবা মতুংদা লৌমীশিংগী য়াইফনবা লৌবা মসিনা অনিশুবা ৱারেপনি।

*****



(Release ID: 1720051) Visitor Counter : 106