ന്യൂഡൽഹി , മെയ് 19, 2021

എല്ലാ തരത്തിലുമുള്ള കോവിഡ് -19 അവശ്യ മരുന്നുകളുടെയും വിതരണം കേന്ദ്ര സർക്കാർ നിരീക്ഷിക്കുന്നുണ്ടെന്ന് കേന്ദ്ര സഹമന്ത്രി ശ്രീ മൻസുഖ് മാണ്ഡവ്യ വ്യക്തമാക്കി. ഉത്പാദനവും ഇറക്കുമതിയും വർദ്ധിപ്പിച്ച് കോവിഡ് -19 ചികിത്സയ്ക്ക് ഉപയോഗിക്കുന്ന എല്ലാ മരുന്നുകളും ഇപ്പോൾ ഇന്ത്യയിൽ ലഭ്യമാക്കിയിട്ടുണ്ട്. വിതരണ ശൃംഖലയുടെ നിയന്ത്രണം, ആവശ്യകതയുടെ നിർവ്വഹണം, താങ്ങാനാവുന്ന വില  എന്നിവ ആധാരമാക്കിയുള്ള  ത്രിമുഖ തന്ത്രത്തിലൂടെയാണ് മരുന്നുകളുടെ ലഭ്യത നിരീക്ഷിക്കുന്നത്.


പ്രോട്ടോക്കോൾ മരുന്നുകൾ:


1. റെംഡെസിവിർ

2. എനോക്സാപരിൻ

3. മീഥൈൽ പ്രെഡ്നിസോലോൺ

4. ഡെക്സമെതസോൺ

5. ടോസിലിസുമാബ്

6. ഐവർമെക്റ്റിൻ

 
പ്രോട്ടോക്കോൾ ഇതര മരുന്നുകൾ:


7. ഫാവിപിരവിർ

8. ആംഫോട്ടെറിസിൻ

9. അപിക്സമാബ്


1. റെംഡെസിവിർ:

റെംഡെസിവിർ ഉത്പാദിപ്പിക്കുന്ന പ്ലാന്റുകളുടെ എണ്ണം 20 ൽ നിന്ന് 60 ആയി ഉയർന്നു. തത്ഫലമായി വെറും 25 ദിവസത്തിനുള്ളിൽ ലഭ്യത 3 ഇരട്ടിയായി. ഉത്പാദനം 10 മടങ്ങ് വർദ്ധിച്ചു. 2021 ഏപ്രിലിൽ പ്രതിമാസം 10 ലക്ഷം വൈലുകൾ  ആയിരുന്നത് 2021 മെയ് ആയപ്പോൾ പ്രതിമാസം 1 കോടി വൈലുകൾ വരെയായി ഉയർന്നു.

2. ടോസിലിസുമാബ് കുത്തിവയ്പ്പ്:

സാധാരണ സമയങ്ങളിൽ ഉള്ളതിനേക്കാൾ 20 മടങ്ങ് കൂടുതൽ ഇറക്കുമതി ചെയ്താണ് ഇത് രാജ്യത്ത് ലഭ്യമാക്കുന്നത്.

3. ഡെക്സമെതസോൺ 0.5 മില്ലിഗ്രാം ഗുളികകൾ:

ഒരു മാസത്തിനുള്ളിൽ 6-8 മടങ്ങ് ഉത്പാദനം വർദ്ധിപ്പിച്ചു

4. ഡെക്സമെതസോൺ കുത്തിവെയ്പ്പ്  ഉത്പാദനം ഏകദേശം 2 മടങ്ങ് വർദ്ധിച്ചു.
5. ഇനോക്സാപരിൻ കുത്തിവെയ്പ്പ്  ഉത്പാദനം കേവലം ഒരു മാസത്തിനുള്ളിൽ  4 മടങ്ങ് വർദ്ധിച്ചു.

6. മീഥൈൽ പ്രെഡ്നിസോലോൺ കുത്തുവെയ്പ്പ് :

ഒരു മാസത്തിനുള്ളിൽ ഉത്പാദനം 3 മടങ്ങ് വർദ്ധിച്ചു.

7. ഐവർമെക്റ്റിൻ 12 മില്ലിഗ്രാം ഗുളികയുടെ ഉത്പാദനം ഒരു മാസത്തിനുള്ളിൽ 5 മടങ്ങ് വർദ്ധിപ്പിച്ചു. 2021ഏപ്രിലിൽ 150 ലക്ഷമായിരുന്നത്  2021 മെയ് മാസത്തിൽ 770 ലക്ഷമായി.

8. ഫാവിപിരവിർ:

ഇതൊരു പ്രോട്ടോക്കോൾ ഇതര മരുന്ന് ആണ്. വൈറസ് വ്യാപനം  കുറയ്ക്കാൻ ഉപയോഗിക്കുന്നു.
ഒരു മാസത്തിനുള്ളിൽ ഉത്പാദനം 4 മടങ്ങ് വർദ്ധിച്ചു.
2021 ഏപ്രിലിൽ 326.5 ലക്ഷം ആയിരുന്നത് 2021 മെയ് മാസത്തിൽ 1644 ലക്ഷം ആയി.

9. ആംഫോട്ടെറെസിൻ ബി കുത്തിവെയ്പ്പ് :

ഉൽ‌പാദനം ഒരു മാസത്തിനുള്ളിൽ 3 മടങ്ങ് വർദ്ധിച്ചു.

3.80 ലക്ഷം വൈലുകൾ രാജ്യത്ത് ഉത്പാദിപ്പിക്കുന്നു. 3 ലക്ഷം വൈലുകൾ  ഇറക്കുമതി ചെയ്യുന്നു

ആകെ 6.80 ലക്ഷം വൈലുകൾ രാജ്യത്ത് ലഭ്യമാണ്.

മരുന്നുകളുടെ വിഹിതം സംബന്ധിച്ച പിപിറ്റിക്കായി ലിങ്ക് ക്ലിക്ക്  ചെയ്യുക

https://static.pib.gov.in/WriteReadData/specificdocs/documents/2021/may/doc202151921.pdf