কোবিদ লাইচৎকী তমথিরবা অনিশুবা ৱেবনা ভারতকী খুঙ্গংদা চৈথেং পীরবসু রুরেল দিবেলপমেন্ত মন্ত্রালয়না লৈবাক অসিদা চত্থরিবা চাউখৎ-থৌরাংগী থবকশিংদা অকাইবা থোক্তনবা হোৎনখি। মতম অসিগী মনুংদা মন্ত্রালয় অসিগী মখাদা লৈরিবা স্কীম কয়াদা খোঙজেল য়াংশিনবা অমসুং থবক খুমাং চাউশিনবা লৈবাক অসিদা উবা ফংখি। চাউখৎ-থৌরাংগী থবকশিংগী মথক্তা মন্ত্রালয় অসিনা খুঙ্গংগী মফমশিংদা কোবিদ-১৯গী ওইরিবা ফীভম অসি লাকশিন্নবা রাজ্য, জিলা অমসুং ব্লোক্কী থাক্তা নোদেল পর্সনশিং ত্রেনসু তৌখি।

কোবিদ লাইচৎ লৈজরবসু, মহাত্মা গান্ধী নেস্নেল রুরেল ইমপ্লোইমেন্ত গরেন্তী এক্ত (এম.জি.এন.আর.ই.জি.এ.)গী মখাদা মে, ২০২১দা মীওই করোর ১.৮৫তা থবক পীখি। ২০১৯গী মে থাগী চপ মান্নবা মতম অসিগী মনুংদা পীখিবা থবক অদুদগী চাদা ৫২ হেনখি, মসি নোংমদা মীওই করোর ১.২২ ওইরি। মে ১৩, ২০২১ ফাওবদা এসসেৎ লাখ ৫.৯৮ লোইশিনদুনা অমসুং নোংমগী থবক মীওই করোর ৩৪.৫৬তা পীদুনা এফ.ৱাই. ২০২১-২২দা মীওই করোর ২.৯৫দা থবক পীখি। ফ্রন্ত লাইন্দা লৈবশিং য়াওনা থাক পুম্নমক্তা মথৌ তৌরিবা স্তাফকী মরক্তা শীখিবা নত্ত্রগা নাবনা মরম ওইরগা অশী-অনা নংখ্রবজসু পান্দম অদুদি ফংবা ঙমখি।

খুঙ্গংগী মফমশিংদা কোবিদ-১৯ লান্থেংননবা ত্রেনশিংদা কোবিদ-১৯গা চুনবা চৎনা লোনচৎশিং, বেক্সিনেসন অমসুং বেক্সিন কাপ্পদা চিংনবা পোকপা অমসং হকচাং ফানা থম্নবা অফবা চৎনা লোনচৎশিং অমসুং ইম্ম্যুনিতী ফগৎহন্নবা খোঙথাংশিংগী মতাংদা দীনদয়াল অন্যোদয়া য়োজনা – নেস্নেল রুরেল লাইবলিহুদস মিসন (দি.এ.ৱাই.-এন.আর.এল.এম.)গী মখাদা এপ্রিল ৮-১২, ২০২১ ফাওবা ত্রেনিং পীখি। থৌরাং অসিগী মখাদা এস.আর.এল.এম. ৩৪দা মাস্তর ত্রেনরশিং ওইনা রাজ্য, জিলা অমসুং ব্লোক লেবেলদা নোদেল পর্সন ১৩,৯৫৮ ত্রেন তৌখি, মাস্তর ত্রেনরশিংনা কম্ম্যুনিতী রিসোর্স পর্সন (সি.আর.পি.) ১,১৪,৫০০ ত্রেন তৌখি অমসুং সি.আর.পি.শিংনা নুপীশিংগী এস.ঐচ.জি. মেম্বর করোর ২.৫ ত্রেন তৌখি।  দি.এ.ৱাই.-এন.আর.এল.এম.গী মখাদা কোবিদ মেনেজমেন্তগী কেপাসিতী বিল্দিং অমসুং সোদিএল দিবেলপমেন্তগী মতাংদসু রাজ্য অমসুং জিলাগী নোদেল পর্সনশিংবু ত্রেন তৌখি।

তেংবাং অমসুং থবক পীনবগী পান্দমদা রিভোলবিং ফন্দ অমসুং কম্ম্যুনিতী ইনভেস্তমেন্ত ফন্দদগী  নুপীশিংগী সেল্ফ হেল্প গ্রুপশিংদা থাদখিবা শেনফম অসি এফ.ৱাই. ২০২০দা থাদখিবা শেনফম চাওরাক্না লুপা করোর ৩২গা চাংদম্নবদা এফ.ৱাই. ২০২১দা চাওরাক্না লুপা করোর ৫৬ ওইখি। স্তাফ অমসুং কম্ম্যুনিতী কেদরশিংদা ফার্ম অমসুং নন-ফার্মদা য়ুম্ফম ওইবা হিংনবগী পাম্বৈশিংদা ওনলাইন্দা ত্রেন্নিংশিং মখাতানা পীরি অমসুং হায়রিবা মতম অসিদা এস.ঐচ.জি. য়ুমথোংশিংগী এগ্রি-ন্যুত্রি গার্দেনশিং মখা তানা প্রমোসন তৌরি।

রাজ্য/য়ু.তি. ২০দা লোকদাউন থমখিবা অমসুং মী ফংদবা অমসুং চৎথোক চৎশিন তৌবা, মেচিন অমসুং মেতরিএলশিং পুথোক পুশিন তৌবদা অপনবা লৈরবসু হৌখিবা চহি ৩গা চাংদম্নবদা হন্দক্কী চহিদা লম্বী খ্বাইদগী শাংনা শেম্বা লোইশিনবা ঙমখি। প্রধান মন্ত্রী গ্রাম সরক য়োজনা (পি.এম.জি.এস.ৱাই.)গী মখাদা এপ্রিল ১দগী মে ১২ ফাওবগী মতমদা শেমখিবা অপুনবা লম্বী অমসুং অপুনবা চাদিং অসি মথংশিৎনা কি.মি. ১৭৯৫.৯ অমসুং লুপা করোর ১৬৯৩.৮নি অমসুং হায়রিবা মতম অসিদা মমাং শেনবা চহিদা শেমখিবা লম্বী অমসুং চাদিংদগী এফ.ৱাই. ২০২১না য়াম্না হেনখি।        

প্রধান মন্ত্রী অৱাজ য়োজনা – গ্রামিন আসি অতোপ্পা রুরেল দিবেলপমেন্ত স্কিমশিংগুম্না কোবিদ-১৯না শাথীনা চৈথেং পীরি, অদুম ওইনমক লেপ্পে লৈতনা পাইখৎপা থবকশিংনা মরম ওইরগা মন্ত্রালয় অসিনা ২০২০-২১গী লুপা করোর ২৫১২ অমসুং ২০১৯-২০গী লুপা করোর ১৪১১গা চাংদম্নবদা ২০২১-২২গী চাদিংগী মথংশিৎনা ৪৩% অমসুং ২৪% ওইদুনা চৎলিবা শেনবা চহি অসিদা লুপা করোর ৫৮৫৪ চাদিং তৌবা ঙমখ্রে।

*****