గత 26 రోజులలో మొదటి సారిగా రోజువారీ కొత్త కోవిడ్ కేసులు 3 లక్షల దిగువకు పడిపోవటం ఆశాజనక పరిణామం. గత 24 గంటల్లో 2,81,386 కొత్త కోవిడ్ కేసులు నమోదయ్యాయి.ఈ నెల 9 వ తేదీ నూమ్చి కొత్త కెసులు తగ్గిముఖం పట్టటాన్ని ఈ దిగువ చిత్రపటం చూపుతుంది..

వారపు పాజిటివిటీ శాతం తగ్గటాన్ని ప్రతిబింబిస్తూ ఈరోజు 18.17% నమోదైనట్టు క్రింది చిత్రపటం చూపుతోంది. గత 24 గంటలలో జరిపిన కోవిడ్ నిర్థారణ పరీక్షలు 15,73,515 కాగా, ఇప్పటిదాకా దేశమంతటా జరిపిన మొత్తం పరీక్షలు 31,64,23,658

రాష్ట్రాలవారీగా అత్యధిక స్థాయిలో పాజిటివ్ కెసులు నమోదవుతున్న జిల్లాల వివరాలు ఈ క్రింది పట్టికలో ఉన్నాయి.  కర్నాటకలో అత్యధికంగా 27 జిల్లాల్లో 20% పైగా పాజిటివిటీతో కేసులు ఎక్కువగా వస్తుండగా  మధ్య ప్రదేశ్ లో అత్యధిక సంఖ్యలో 38 జిల్లాల్లో 10% మించి పాజిటివిటీ నమోదవుతోంది.

దేశవ్యాప్తంగా ఇప్పటిదాకా కోవిడ్ బారినుంచి కోలుకున్నవారి సంఖ్య  2,11,74,076కు చేరింది. అందువలన జాతీయ స్థాయి కోలుకున్నవారి శాతం  84.81% అయింది. గత 24 గంటలలో  3,78,741 మంది కోలుకున్నారు. అదే సమయంలో కొత్త కేసులకంటే కోలుకున్నవారు ఎక్కువగా ఉండటం గత 7 రోజుల్లో 6 సార్లు కాగా వరుసగా నాలుగురోజులుగా  ఈ పరిస్థితి కొనసాగుతోంది. 

కొత్తగా కోలుకున్నవారిలో 71.35% మంది పది రాష్ట్రాలకు చెందినవారు.

మరోవైపు దేశంలో చికిత్సపొందుతున్న కోవిడ్ బాధితుల సంఖ్య తగ్గి 35,16,997 కు చేరింది. ఇది మొత్తం పాజిటివ్ కేసులలో  14.09%. గత 24 గంటలలో చికిత్సపొందుతూ ఉన్నవారి సంఖ్య నికరంగా 1,01,461 కేసుల తగ్గుదల నమొదు చేసుకుంది.  ఇందులో పది రాష్ట్రాల వాటా 75.04% ఉంది.

దేశవ్యాప్తంగా మూడో విడత టీకాల కార్యక్రమం కూదా మొదలవటంతో  ఇప్పటిదాకా ఇచ్చిన మొత్తం కోవిడ్ డోసులు దాదాపు 18.30 కోట్లకు చేరాయి.

ఈ రోజు ఉదయం 7 గంటలవరకు అందిన తాత్కాలిక నివేదిక ప్రకారం మొత్తం 18,29,26,460  డోసులను 26,68,895 శిబిరాల ద్వారా పంపిణీచేశారు. అందులో ఆరోగ్య సిబ్బందికిచ్చిన 96,45,695 మొదటి డోసులు,  66,43,661 రెండో డోసులు, కోవిడ్ యోధులకిచ్చిన  1,44,44,096 మొదటి డోసులు, 81,96,053 రెండో డోసులు, 18-44 వయోవర్గం వారికిచ్చిన  52,64,073 మొదటి డోసులు, 45-60 వయోవర్గానికిచ్చిన  5,72,78,554 మొదటి డోసులు,  91,07,311 రెండో డోసులు, 60 పైబడ్డవారికిచ్చిన 5,45,15,352 మొదటి డోసులు,  1,78,01,891 రెండో డోసులు ఉన్నాయి.  

దేశంలో ఇప్పటివరకు ఇచ్చిన మొత్తం టీకా డోసులలో పది రాష్టాలవాటా 66.73% ఉంది.  

18-44 వయోవర్గానికి చెందిన 4,35,138 మంది లబ్ధిదారులు గత 24 గంటలలో మొదటి డోస్ అందుకున్నారు. దీంతో 33 రాష్ట్రాలు, కేంద్ర పాలిత ప్రాంతాలలో ఈ వయోవర్గంలో టీకాలు తీసుకున్నవారి మొత్తం సంఖ్య  52,64,073 కు చేరింది.  ఆ సమాచారం ఈ క్రింది పట్టికలో ఉంది.

గత 24 గంటలలో దాదాపు 7 లక్షల టీకా డోసుల పంపిణీ జరిగింది.  టీకాలు మొదలైన 121వ రోజైన మే 16 నాడు 6,91,211 టీకాలు 6,068 శిబిరాల ద్వారా ఇవ్వగా అందులో 6,14,286 మంది లబ్ధిదారులు మొదటి డోస్, 76,925 మంది రెండో డోస్ తీసుకున్నారు.

తేదీ: మే 16, 2021 (121వ రోజు)

తాజాగా నిర్థారణ అయిన కరోనా కేసుల్లో 75.95% పది రాష్ట్రాలకు చెందినవే కాగా మహారాష్ట్రలో అత్యధికంగా 34,389 కేసులు, ఆ తరువాత స్థానంలో ఉన్న తమిళనాడులో 33,181 కేసులు నమోదయ్యాయి.

జాతీయ స్థాయిలో మరణాల శాతం  1.10% గా నమోదంది. గత 24 గంటలలో 4,106 కోవిడ్ మరణాలు నమోదయ్యాయి. అందులో పది రాష్ట్రాల వాటా 75.38% ఉండగా మహారాష్ట్రలో అత్యధికంగా  ఒక్క రోజులో 974 మంది, కర్నాటకలో 403 మంది కోవిడ్ తో చనిపోయారు .

విదేశీ సాయానికి తోడుగా సహాయ సామగ్రిని అత్యంత వేగంగా రాష్టాలకు, కేంద్ర పాలిత ప్రాంతాలకు తరలిస్తున్నారు. ఇప్పటిదాకా దాకా మొత్తం 11,058 ఆక్సిజెన్ కాన్సంట్రేటర్లు; 13,496 ఆక్సిజెన్ సిలిండర్లు; 19 ఆక్సిజెన్ తయారీ ప్లాంట్లు; 7,365 వెంటిలేటర్లు; దాదాపు  5.3 లక్షల రెమిడిసెవిర్ ఇంజెక్షన్లు రాష్ట్రాలకు, కేంద్రపాలిత ప్రాంతాలకు పంపిణీ జరిగాయి. రోడ్డు, వాయు మార్గాల ద్వారా ఈ పంపిణీ కొనసాగుతోంది.

****