লৈবাক অসিদা কোরোনা লাইচৎকি অনিশুবা ৱেবনা পীরিবা চৈথেং অমসুং মেদিকেল ফেসিলিতীশিং অমসুং পেসেন্তশিং য়ুমদা লাইয়েং চত্থবা মতমদা ওক্সিজেন দরকার ওইবগী চাং হেনগৎলক্লিবা অসি য়েংলগা, স্তেত য়ুতিলিতীশিংনা ওক্সিজেন প্লান্তশিং অসিদা লেপ্পা লৈতনা পাৱর সপ্লাই পিননবা পাৱর মন্ত্রালয়না প্রো-এক্তিব প্রিবেন্তিব অমসুং রিমিদিয়েল মিজরশিং লৌখৎখ্রে৷ লৈবাক অসিগী খন্দোক্লবা অচৌবা ওক্সিজেন প্লান্ত ৭৩দা পাৱর সপ্লাই পীরিবা অদু পাৱর মন্ত্রালয়না য়েংশিল্লি, ওক্সিজেন প্লান্তশিং অসিগী মনুংদা ১৩দি এন.সি.আর. রিজনদা ওক্সিজেন সপ্লাই তৌরি৷ প্রোএক্তিব ওইনা লৌখৎখিবা খোংথাংশিং অদুদি :

1. পাৱর সেক্রেতরীনা নুংতি নুমিৎ খুদিংগী য়েংশিনবা : ওক্সিজেন প্লান্ত পুম্নমক্তা পাৱর সপ্লাই তৌবগী ফিভম অসি পাৱর মন্ত্রালয়গী সেক্রেতরীনা কেস বাই কেস বেসিস্তা রাজ্যশিং, সি.এম.দি., পি.ও.এস.ও.সি.ও.গী মরী লৈনবা ইনর্জী সেক্রেতরীশিংগা লোইননা নুংতি নুমিৎ খুদিংগী য়েংশিল্লি৷ নুংতি নুমিৎ খুদিংগী য়েংশিল্লিবা অদুদা ওক্সিজেন প্লান্তশিংদা ২৪x৭দা পীরিবা পাৱর সপ্লাই অসিগা মরী লৈনরিবা ইসু পুম্নমক খন্নখি অমসুং পি.ও.এস.ও.সি.ও. অমসুং সেন্ত্রেল ইলেক্ত্রিসিতী ওথোরিতীনা মতেং পাংদুনা স্তেত দিস্কোমগী খুৎথাংদা ইন্তরবেন্সনশিং প্লান তৌখ্রে অমসুং মতম চানা পাংথোকখ্রে৷

2. কন্ত্রোল রুমগী রাউন্দ দি ক্লোক(আর.তি.সি.) ওপরেসন: করেক্তিব এক্সন স্ত্রাতিজিগী শরুক অমা ওইনা, ওক্সিজেন সপ্লাই প্লান্তশিং অসিদা ২৪X৭ পাৱর সপ্লাই ফংহন্নবগীদমক ওক্সিজেন প্লান নোদেল ওফিসরশিং অসিগা পাউ ফাওদোক ফাওজিন তৌননবা;  অমসুং করিগুম্বা মতমদা অয়েৎ-অপন লাক্লিবা অদু দি.আই.এস.সি.ও.এম. মাইকৈদগী অমসুং প্লান্তগী ইলেক্ত্রিকেল ইন্সতোলেসনগী মাইকৈদগী থেংননবা আর.ই.সি. লিমিতেদতা পুং ২৪ মথৌ তৌবা ওক্সিজেন প্লান্ত কন্ত্রোল রুম(ও.পি.সি.আর.) অমসুং ইন্তরনেল কন্ত্রোল গ্রুপ(আই.সি.জি.) শেমগৎখ্রে৷ করিগুম্বা মতমদা পাৱর সপ্লাইদা অয়েৎ-অপন লাকপা মতমদা, লাক্লিবা অপনবা অদু পাৱর সিস্তেম ওপরেতিং কোর্পোরেসন(পি.ও.এস.ও.সি.ও.)না পাৱরগ্রিদ, এস.এল.দি.লি.শিং অমসুং রাজ্যশিংদা লৈরিবা তোঙান তোঙানবা য়ুতিলিতীশিংগা লোইননা পাৱর সিস্তেম ওপরেতিং কোর্পোরেসন(পি.ও.এস.ও.সি.ও.)না নৈনরগনি অমসুং অখন্নবা প্রিবেন্তিব এদভাইজরীশিং ফোংখ্রে৷
3. ২৪ x ৭ পাৱর সপ্লাই ফংহন্নবা প্রিবেন্তিব মিজরশিং :  প্রিবেন্তিব এক্সনগী শরুক অমা ওইনা, প্লান্তশিং অসিদা মৈ পিরিবা ইলেক্ত্রিসিতি লাইন পুম্নমক য়েংশিন্ননবা রাজ্যশিংদা খঙহনখ্রে৷ মসিগী মনুং চল্লিবশিং অদুদি চান্নবা রিদন্দেন্সিশিং শেমগৎপা, অমসুং ওক্সিজেন প্লান্তশিং অসিদা ইলেক্ত্রিসিতী সপ্লাই তৌরিবা ফীদরশিং আইসোলেত তৌবা অসিনি৷ করেক্তিব মিজরশিংগী মনুং চল্লিবশিং অদুদি বেরোতিৱালা প্লান্ত(হিমাচল প্রদেশ) অমসুং কেরলা মিনরেল অমসুং মেতেল প্লান্ত(কেরলা)দা লৈরিবা রিলেশিং শেমদোক শেমজিন তৌবা; অমসুং সেলিক্বুই(উত্তরখন্দ)দা লৈরিবা ওক্সিজেন প্লান্তগীদমক উচেক য়াম্না তোইনা পোখায়গনবা মফমদা কে.ভি. ১৩২ আন্দরগ্রাউন্দ কেবল অমা থম্বা অসিনি৷
4. পাৱর সপ্লাইগী তেক্নিকেল ওদিৎ অমসুং রিমিদিএল মিজরশিংগী প্রোএক্তিব ইমপ্লিমেন্তেসন:

▪ পাৱর সিস্তেম ওপরেতিং কোর্পোরেসন(পি.ও.এস.ও.সি.ও.)না ওক্সিজেন প্লান্ত খুদিংমক্তা মরু ওইনা এন.সি.আর.দা ওক্সিজেন সপ্লাই তৌরিবা প্লান্তদা পাৱর সপ্লাই পীরিবা অদু তেক্নিকেল ওদিৎ তৌদুনা য়েংশিল্লি৷ ওদিৎ অদুগী মনুং চল্লিবশিং অদুদি পাৱর সপ্লাইগী নেচর য়েংশিনবা, পাৱর সপ্লাইগী সোর্চ য়েংশিনবা , অল্তর্নেতিব এরেঞ্জমেন্তশিং থিবা, রিলে সেত্তিংশিং অসিনি৷ ওদিৎ রিপোর্তশিং অসিদা পাৱর সপ্লাই অসি হেন্না নিংথিনা পিবা ঙম্নবা লো়ঙ্গ তর্ম মিজরশিংগা লোইননা সোর্ত তর্ম মিজরশিংসু মখাতানা পল্লি৷ হৌজিক ফাওবদা, দিল্লি অমসুং এন.সি.আর.দা ওক্সিজেন সপ্লাই তৌরিবা প্লান্ত ১৩ য়েংশিনখ্রে৷

▪ তেক্নিকেল ওদিৎ রিপোর্তশিংগী মতুং ইন্না , পাৱর লেপ্পা-লৈতনা মরাং কাইনা ফংহন্নবা রাজ্য মশা-মশাগী লৈরিবা স্তেত য়ুতিলিতীশিংনা তঙাই ফদনা লৌখৎপা দরকার ওইরিবা রেমিদিয়েল মিজরশিং অদু পল্লদুনা পাৱর মন্ত্রালয়না হিমাচল প্রদেশ, উত্তরখন্দ, কেরলা, হরিয়ানা, ঝর্খন্দ অমসুং উত্তরপ্রচদেশকী রাজ্য সরকারশিংদা ইদুনা খঙহনখ্রে৷ ওক্সিজেন প্লান্তশিং অসিদা সবস্তেসনশিংদগী পাৱর সপ্লাই তৌরিবা অসি যেংশিন্ননবগীদমক দি.ভি.সি.দসু অইবা চেরোল অমদা খঙহনখ্রে৷

▪ মখাতানা, অহেনবা প্লান্ত ২০ যেংশিনখ্রে অমসুং ফংলিবা তেক্নিকেল ওদিৎ রিজল্তশিং অদু অথুবা মতমদা তঙাই ফদবা এক্সন লৌখৎননবগীদমক মরী লৈনবা রাজ্য সরকারশিংগা তানরি৷ লেমহৌরিবা প্লান্তশিংগী তেক্নিকেল ওদিৎ অদু লাক্লিবা নুমিৎ ৭নি অসিদা মপুং ফানা লোইশিল্লবা য়াই৷

পাৱর মন্ত্রালয়না ফংহল্লিবা ইনপ্যুতশিং অসিগী মতুং ইন্না মথক্তা পল্লিবা প্রোএক্তিব অমসুং হোলিস্তিক এপ্রোচ অসিগা রাজ্য সরকারশিংনা লৌখৎলক্লিবা এক্সনশিং অসিগা লোইননা মখোয় মখোয়গী ওইবা লেবেলদা এক্সন লৌখৎলকপা অসিনা পাৱর সপ্লাই তৎপগী চাং হন্থহনবা খক্তা নক্তনা মখোয় মখোয়গী পর্মিজেস্তা অয়েৎ-অপন অমতা লৈতনবগীদমক লৌখৎকদৌরিবা প্রোএক্তিব ওইরিবা খোংথাংশিং অদুগী মতাংদা ওক্সিজেন মেনুফেকচররশিং অসিদা খঙহল্লি৷ মসিগী স্ত্রাতিজিশিং অসিনা ওক্সিজেন প্লান্তশিংনা মতম য়াম্না চংহন্দনা মখোয় মখোয়গী হেক ঙমজবি থাক্তা ওক্সিজেন পুথোকহনবদা মতেং পাংলগনি৷

*****