ফাইনান্স মন্ত্রালয়গী এক্সপেন্দিচর দিপার্তমেন্তনা রুরেল লোকেল বোদীশিংদা(আর.এল.বি.শিং) গ্রান্তশিং ফংহন্ননবগীদমক রাজ্য ২৫দা ঙরাং লুপা কোতি ৮,৯২৩.৮গী শেনফম রিলিস তৌখ্রে৷ গ্রান্ত অসি পঞ্চায়তি রাজ ইন্সতিত্যুসনশিংগী তাইয়র অহুমমক্তা-ভিলেজ, ব্লোক অমসুং জিলাদা ফংহল্লগনি৷

থাংজা নুমিৎতা রিলিস তৌখিবা শেনফম অসি ২০২১-২২ চহিগী ওইনা লৈরিবা ‘অন্তাইদ গ্রান্তশিং’গী অহানবা ইন্সতোলমেন্তনি৷ হায়রিবা গ্রান্ত অসি কোবিদ-১৯ লাইনা-লাইচৎ লান্থেংনবা মতমদা দরকার ওইরিবা খোংথাংশিং লৌখৎপদা অমসুং তোঙান তোঙানবা প্রিবেন্সনগী হিরমশিংদা আর.এল.বি.শিংনা শিজিন্নরবা য়াই৷ অসুম্না, মসিনা লৌনগনবা লাইচৎ অসি লান্থেংননবগীদমক পঞ্চয়তিশিংগী লৈরিবা তাইয়র অহুম অসিদা রিসোর্চ হেনগৎহল্লবা য়াই৷  রিলিস গ্রান্ত অসিগী রাজ্য-রাজ্যগী ওইবা চাকথুম অদু পীরি৷

১৫শুবা ফাইনান্স কম্মিসনগী রিকম্মেন্দেসনশিংগী মতুং ইন্না, অন্তাইদ গ্রান্তগী অহানবা ইন্সতোলমেন্ত অদু ২০২১গী জুন থাদা রাজ্যশিংদা রিলিস তৌগদবনি৷ অদুমওইনমক, হৌজিক লৈরিবা কোবিদ-১৯ লাইনা-লাইচৎকী ফিভম অসি য়েংলগা অমসুং পঞ্চয়তি রাজ মন্ত্রালয়গী রিকম্মেন্দেসনগী মতুং ইন্না, ফাইনান্স মন্ত্রালয়না গ্রান্ত অসি মশাগী লৈরিবা নোর্মেল স্কেদ্যুলদগী ঙনখৎনা রিলিস তৌনবা ৱারেপখিবনি৷

অসিগীসু মথক্তা, ১৫শুবা ফাইনান্স কম্মিসননা অন্তাইদ গ্রান্তশিং অসি থাদোক্ননবগীদমক অখন্নবা কন্দিসনশিং খরা থমখ্রে৷ থম্লিবা কন্দিসনশিং অদুগী মনুং চল্লিবা অদুদি-পব্লিক দোমেনদা রুরেল লোকেল বোদীশিংগী অখন্নবা পর্সেন্তেজ খরগী একাউন্তশিং ওনলাইনদা ফংহনবা অসিনি৷ হৌজিক লৈরিবা ফিভম অসিগী মতাংদা মুন্না খন্নরবা মতুংদা, মসিগী কন্দিসন অসি অন্তাইদ গ্রান্তগী অহানবা ইন্সতোলমেন্ত রিলিস তৌননবগীদমক কোমথোকখ্রে৷                                                                                                                                                                                                                                                                                                                                                                                                                                                      

*****