గ్రామీణ స్థానిక సంస్థలకు గ్రాంటులను అందించడానికి నిన్న 25 రాష్ట్రాలకు ఆర్ధిక మంత్రిత్వశాఖ ఖర్చుల విభాగం 8,923.8 కోట్ల రూపాయలను విడుదల చేసింది. గ్రామ, బ్లాకు, జిల్లా స్థాయిల్లో పనిచేస్తున్న పంచాయతీ రాజ్ సంస్థలకు ఈ నిధులను కేటాయించడం జరుగుతుంది. 

'ఆన్ టైడ్ గ్రాంటులు'గా 2021-22లో విడుదల చేయనున్న నిధుల్లో శనివారం తొలి విడత నిధులను కేంద్రం విడుదల చేసింది. ఈ నిధులను కోవిడ్-19 నివారణ, కట్టడికి అమలు చేసే కార్యక్రమాలు ఇతర అవసరాల కోసం గ్రామీణ స్థానిక సంస్థలు వినియోగించవలసి ఉంటుంది. సమస్యను ఎదుర్కోవడానికి అవసరమైన నిధులను అందుబాటులో ఉంచడానికి ఈ గ్రాంటులను విడుదల చేశారు. రాష్ట్రాలవారీగా విడుదల అయిన నిధుల వివరాలు కింద పొందుపరచబడ్డాయి. 

15 ఆర్ధిక సంఘం సిఫార్సుల మేరకు 'ఆన్ టైడ్ ' గ్రాంటులను 2021 జూన్ నెలలో విడుదల చేయవలసి వుంది. అయితే, దేశంలో నెలకొన్న కోవిడ్-19 పరిస్థితి, పంచాయతీరాజ్ శాఖ సిఫార్సుల మేరకు నిర్ణీత కాలం కంటే ముందుగానే నిధులను విడుదల చేయాలని ఆర్ధిక మంత్రిత్వశాఖ నిర్ణయించింది. 

  'ఆన్ టైడ్ ' గ్రాంటుల విడుదల కోసం 15వ ఆర్ధిక సంఘం విధించిన నిబంధనలను కూడా కేంద్రం సడలించింది. 15వ ఆర్ధిక సంఘం నిబంధనల మేరకు గ్రామీణ స్థానిక సంస్థల నిధుల్లో కొంత శాతాన్ని పబ్లిక్ డొమైన్‌లో ఆన్ లైన్ లో అందుబాటులోవుంచవలసి ఉంటుంది. అయితే, ప్రస్తుత పరిస్థితులను దృష్టిలో ఉంచుకొని తొలి విడత నిధుల విడుదల కోసం కేంద్ర ఈ నిబంధనను సడలించింది.   

***