حکومت ہند ، ریاستوں اور مرکز کے زیر انتظام علاقوں کے ساتھ تال میل قائم کرکے ’تمام کی تمام حکومت‘نظریہ کے ساتھ کووڈ-19عالمی وبا کے خلاف لڑائی کی قیادت کررہی ہے۔حکومت ہند کے ذریعے  اس عالمی وبا کی روک تھام اور اس سے نمٹنے کے لئے(جس میں طبی جانچ، متاثرہ افراد کا پتہ لگانا،علاج  و معالجہ اور کووڈ سے متعلق مناسب طرز عمل شامل ہیں) پانچ نکاتی حکمت عملی کا ایک  لازمی جزو  کی حیثیت حاصل ہے۔

کووڈ-19 کی ٹیکہ کاری کی اصلاح شدہ اور تیز رفتار  تیسرے مرحلے کی حکمت عملی کا نفاذ ملک بھر میں یکم مئی 2021سے شروع کردیا گیا ہے۔  اس مرحلے کے تحت نئی عمر کےمستحق  افراد کے لئے اندراج کا عمل 28 اپریل سے شروع ہوچکا ہے۔  امکانی مستفدین از خود کوون پورٹل (cowin.gov.in) یا آروگیہ سیتو ایپ کے ذریعے اپنا اندراج کراسکتے ہیں۔

حکومت ہند نے ریاستوں/ مرکز کے زیر انتظام علاقوں کو اب تک17.49 کروڑسے زیادہ (17,49,57,770) ٹیکے  مفت فراہم کرائے ہیں۔ ان میں سے اتلاف شدہ  ٹیکوں سمیت مجموعی طور پر16,65,49,583 ٹیکے استعمال میں لائے جاچکے ہیں(آج صبح 8 بجے تک دستیاب اعداد و شمار کے مطابق)۔

ریاستوں اور مرکز کے زیر انتظام علاقوں کے پاس اب بھی کووڈ سے بچاؤ کے84 لاکھ سےزیادہ (84,08,187) ٹیکے لگائے جانے کے لئے دستیاب ہیں۔ منفی بیلنس والی ریاستیں فراہم کئے گئے ٹیکوں کے مقابلے زیادہ  کھپت (برباد ٹیکوں سمیت) دکھا رہی ہیں، کیونکہ انھوں نے مسلح فورسز کو سپلائی کئے گئے ٹیکوں کو شامل نہیں کیا ہے۔

اس کے علاوہ ریاستوں و مرکز کے زیر انتظام علاقوں کو آئندہ تین دنوں میں مزید53 لاکھ سے زیادہ (53,25,000) ٹیکےفراہم کرائے جائیں  گے۔

*****

ش ح۔ ن ر (08.05.2021)

U NO: 4297