সোসিয়েল জস্তিস অমসুং ইম্পৱার্মেন্ত মন্ত্রালয়
য়ু.দি.আই.দি. পোর্তেলগী খুত্থাংদা ০১.০৬.২০২১দগী হৌদুনা দিসএবিলিতীগী সর্তিফিকেৎ ওনলাইনদা পীবা মেন্দতরী ওইহনবা
Posted On:
06 MAY 2021 2:50PM by PIB Imphal
ভারত সরকারগী দিপার্তমেন্ত ওফ এম্পাৱর্মেন্ত ওফ পর্সন্স ৱিথ দিসএবিলিতীজ (দি.ই.পি.দবল্যু.দি.)না তাং ০৫.৫.২০২১দা থোকখিবা গেজেৎ নোতিফিকেসন এস.ও. ১৭৩৬(ই)না রাজ্য/য়ু.তি. পুম্নমক্না ০১.০৬.২০২১দগী চৎনবা হৌদুনা য়ু.দি.আই.দি. পোর্তেল খক্তমক শিজিন্নদুনা ওনলাইন মোদকী খুত্থাংদা দিসএবিলিতীগী সর্তিফিকেৎ পীবা মেন্দতরী ওইহল্লি।
কেন্দ্র সরকারনা ১৫.০৬.২০১৭দা আর.পি.দবল্যু.দি. এক্ত, ২০১৬গী মখাদা দি রাইৎস ওফ পর্সন্স ৱিথ দিসএবিলিতীজ রুল্স, ২০১৭ নোতিফাইদ তৌখ্রে। রুল ১৮(৫)না কেন্দ্র সরকারনা তঙাই ফদনা তাং অমা লেপতুনা রাজ্য/য়ু.তি. ওথোরিতীশিংগীদমক ওনলাইন মোদকী খুত্থাংদা দিসএবিলিতীগী সর্তিফিকেৎ পীবা মেন্দতরী ওইহনখ্রে। সোসিএল জস্তিস এন্দ এম্পাৱর্মেন্তগী মন্ত্রীনা লুচিংবা সেন্ত্রেল এদভাইজরী বোর্দ ওন দিসএবিলিতীনা হীরম অসিগী মতাংদা ২৬.১১.২০২০দা ফমখিবা মখোয়গী ইকোন কোনবা মীফমদা খন্নখি অমসুং ০১.০৪.২০২১দগী দিসএবিলিতীগী সর্তিফিকেৎ ওনলাইনদা পীবা মেন্দতরী ওইহন্নবা রিকম্মেন্দ তৌখি। অদুম ওইনমক, রাজ্য/য়ু.তি খরদা মার্চ-এপ্রিল, ২০২১দা মীখলশিং লৈখিবা অসি য়েংলগা ওনলাইন ওইনা সর্তিফিকেৎ পীবা অসি ০১.০৬.২০২১দগী হৌজিক মেন্দতরী ওইহনখ্রে। হকশেল বিভাগ অমসুং রাজ্যশিং/য়ু.তি.শিংদা দিসএবিলিতীগী হীরমশিং য়েংশিল্লিবা বিভাগতা নোতিফিকেসন অসি ঙাক্না চৎনবা খুদক্তা থবকশিং পাইখৎনবা য়াথং পীখ্রে।
য়ু.দি.আই.দি. প্রোজেক্ত অসি ২০১৬দগী হৌদুনা ইমপ্লিমেন্ত তৌদুনা লাকখি। রাজ্য/য়ু.তি. পুম্নমক্কী মরী লৈনবা ওথোরিতীশিংদা য়ু.দি.আই.দি. পোর্তেল (www.swavlambancard.gov.in) শিজিন্নবগী মতাংদা দি.ই.পি.দবল্যু.দি.না ত্রেনিং পীখি। রাজ্যশিং/য়ু.তি.শিংদা ওনলাইন মোদ ওন্থোক্নবা মতম মরাং কাইনা পীখি। পান-ইন্দিয়া ভেলিদিতী ফংনবা সর্তিফিকেৎ অসি কয়াম শেংলগে হায়না ক্রোস-চেকিং তৌনবগী অফবা মেকানিজম অমা পীবা অমসুং মীমান্নদ্রবশিংগী কান্নবা ফংহন্নবা থৌওং লায়থোকহনবগা লোইননা মসিনা ০১.০৬.২০২১দগী হৌদুনা দিসএবিলিতীগী সর্তিফিকেৎ অসি মপুং ফানা দিজিতাইজেসন তৌবা ঙমহল্লগনি।
******
(Release ID: 1716503)
Visitor Counter : 208