পি.এম. মোদীনা ঙসি লৈবাক অসিদা কোবিদ-১৯গা মরী লৈননা ওইরক্লিবা ফীভম অসি কুপ্না য়েংশিনখ্রে। মঙোন্দা তোঙান তোঙানবা রাজ্যশিং অমসুং জিলাশিংদা কোবিদ শন্দোরকপা অসিগী মতাংদা মপুং ফাবা পাউদম অমা পীখ্রে। এক্তিব কেস লাখ ১ হেন্না লৈবা রাজ্য ১২গী মতাংদা মঙোন্দা পাউদমখ্রে। পি.এম.দা লাইনা অসিনা শীহনবগী মশিং ৱাংবা জিলাশিংগী মতাংদসু পাউদমখ্রে।

পি.এম.দা রাজ্যশিংনা হেল্থকিয়র ইনফ্রাস্ত্রকচর ফগৎহন্নবা হোৎনরিবা অসিগী মতাংদসু পাউদমখি। পি.এম.না হেল্থকিয়র ইনফ্রাস্ত্রকচর ফগৎহন্নবা মরু ওইবা ইন্দিকেতরশিংগীদমক রাজ্যশিংদা মতেং পীনবা অমসুং লমজিং-লমতাক্নবা য়াথং পীখ্রে।

খোঙজেল য়াংবা অমসুং হোলিস্তিক ওইবা কন্তেনমেন্তগী খোঙথাংশিং লৌখৎনবা থবক পাইখৎপা মথৌ তাবগী মতাংদসু খন্নখ্রে। কেস পোজিতিবিতী ১০% ওইবা নত্ত্রগা হেনবা অমসুং ওক্সিজেন য়াওবা নত্ত্রগা আই.সি.য়ু. বেদ চাদা ৬০দগী হেন্না শিজিন্নখ্রবা জিলাশিং খঙদোক্নবা রাজ্যশিংদা এদভাইজরী অমা থাখ্রে হায়না পি.এম.দা খঙহনখ্রে।

পি.এম.না হীদাক-লাংথকশিং ফংলিবা হায়নসু য়েংশিনখ্রে। রেমদেসিভির য়াওনা হীদাক-লাংথকশিং পুথোকপা অসি খোঙজেল য়াংনা হেনগৎহল্লি হায়না মঙোন্দা পাউদমখ্রে।

পি.এম.না বেক্সিনেসনগী চংশিল্লিবা থবক্কী ফীভম অমসুং মথংগী থা খরা অসিদা বেক্সিন পুথোকপা হেনগৎহন্নবা পাইখৎলিবা রোদমেপ য়েংশিনখ্রে। রাজ্যশিংদা বেক্সিন করোর ১৭.৭রোম সপ্লাই তৌখ্রে হায়না মঙোন্দা পাউদমখ্রে। পি.এম.না রাজ্য-রাজ্যগী ওইনা বেক্সিন মাংহনবগী ওইরিবা মওং-মতৌশিং অসিসু য়েংশিনখ্রে। পি.এম.দা চহি ৪৫গী মথক্তা লৈবা ইলিজিবল ওইবা মীওইশিংগী চাদা ৩১রোমদা য়ামদ্রবদা দোজ অমদি কাপখ্রে হায়না পাউদমখ্রে। পি.এম.না বেক্সিনেসন তৌবগী খোঙজেল অসি হন্থহন্দনবা রাজ্যশিং সেন্সিতাইজ তৌবা মথৌ তাই হায়না ফোঙদোকখ্রে। লোকদাউনশিং লৈরবসু প্রজাশিংনা বেক্সিনেসন তৌবা ফংহনগদবনি অমসুং বেক্সিনেসনগী থবক তৌরিবা হেল্থকিয়র ৱার্করশিং অতৈ মথৌশিং পীরোইদবনি।

মীফম অদুদা রাজনাথ সিংহ, অমিৎ শাহ, নর্মলা সিতারমন, দা. হর্শ বর্ধন, পিয়ুশ গোয়ল, মনসুখ মনদাবিয়া, অতৈ মন্ত্রীশিং অমসুং মকোক থোংবা ওফিসিএলশিং শরুক য়াখ্রে।

*****