শেনমিৎলোন্দা মন্ত্রীমন্দলগী মীফম (সি.সি.ই.এ.)
কেবিনেৎনা আই.দি.বি.আই. বেঙ্ক লিমিতেদতা স্ত্রেতজিক দিসিনভেস্তমেন্ত অমসুং মেনেজমেন্ত কন্ত্রোল শিন্নবগী থৌওংগী অয়াবা পীখ্রে
Posted On:
05 MAY 2021 4:02PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা ইকোনোমিক এফিয়র্সকী কেবিনেৎ কম্মিত্তীনা আই.দি.বি.আই. বেঙ্ক লিমিতেদতা মেনেজমেন্ত কন্ত্রোল শিন্নবগা লোয়ননা স্ত্রেতজিক দিসিনভেস্তমেন্ত তৌবগী থৌওংগী অয়াবা পীখ্রে। জি.ও.আই. অমসুং এল.আই.সি.না লৌগদবা শেয়রহোলদিংদি আর.বি.আই.গা তান্নদুনা ত্রাঞ্জেক্সন শিন্দোকপগী মতমদা খঙনগনি।
ভারত সরকার (জি.ও.আই.) অমসুং এল.আই.সি. অনিনা পুল্লগা আই.দি.বি.আই. বেঙ্ককী অপুনবা ইক্বিতীগী ৯৪% হেনবগী মপু ওই (জি.ও.আই.গী ৪৫.৪৮%, এল.আই.সি.গী ৪৯.২৪%)। এল.আই.সি.না মেনেজমেন্ত কন্ত্রোল লৈদুনা হৌজিক-হৌজিক আই.দি.বি.আই. বেঙ্ককী প্রোমোতর অমসুং জি.ও.আই.না কো-প্রোমোতর ওইরি।
এল.আই.সি.গী বোর্দনা সরকারনা মেনেজমেন্ত কন্ত্রোল লৌজররোই হায়বগী মতৌগা লোয়ননা স্ত্রেতজিক স্তেক খরা য়োনবা অমসুং স্তেক্কী মমল, মার্কেৎ আউৎলুক, তঙাই ফদনা লৈগদবা হীরম অমসুং পোলিসী লৈবশিংগী অপাম্বশিং য়েংবগা লোয়ননা মখোয়গী স্তেক হন্থহনবগী খুত্থাংদা এল.আই.সি.না আই.দি.বি.আই. বেঙ্ক লিমিতেদতা লৈরিবা শেয়র্হোলদিং অসি হন্থবা য়াবগী ৱারেপ অমা লৌখ্রে। ।
এল.আই.সি. বোর্দকী ৱারেপ অসিসু বেঙ্কতা লৈরিবা স্তেক হন্থবগী তঙাই ফদবা কাংলোনগা মরী লৈনৈ।
স্ত্রেতজিক বাইয়রশিংনা আই.দি.বি.আই. বেঙ্ক লিমিতেদনা শাহৌ লৌনবা অমসুং কারবারগী মতিক নীংথিনা হেনগৎহন্নবগীদমক্তা ফন্দ, অনৌবা তেক্নোলোজী অমসুং খ্বাইদগী ফবা মেনেজমেন্ত তৌবগী মওং শিল্লক্কনি অমসুং মসিনা মরম ওইদুনা এল.আই.সি. অমসুং সরকারগী তেংবাং/শেলগী মখা পোন্দনা কারবার চাউখৎলকপা ঙমগনি হায়বগী থাজবসু লৈ। সরকারগী ইক্বিতীশিংবু ত্রাঞ্জেক্সন অসিদা স্ত্রেতজিক দিসিনভেস্তমেন্ত তৌবগী খুত্থাংদগী লাক্কদবা রিসোর্সশিং অসি মীয়ামগী কান্নবা পীনবা সরকারগী ওইবা শেল-থুম চাউখৎপগী প্রোগ্রামশিংদা অমুক শিজিন্নগনি।
****
(Release ID: 1716291)
Visitor Counter : 202
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam