রেলৱে মন্ত্রালয়

দিল্লীনা ঙসি ওক্সীজেন তোন ২৪৪ ফংগনি; মসিগা লোয়ননা, ওক্সীজেন এক্সপ্রেসনা দিল্লী খক্তদা ঙসি অঙনবদগী পীরক্লিবশিং থাদুনা পুং ২৪গী মনুংদা এল.এম.ও. চাউরাকপা এম.তি. ৪৫০ পীগনি

ওক্সীজেন এক্সপ্রেস ২৭না তেঙ্কর ১০৩দা এল.এম.ও. এম.তি. ১৫৮৫ পীদুনা মখোয়গী খোঙচৎ লোইশিনখি

তেলঙ্গানানা অহেনবা এম.তি. ৬০ অমগা ফংখ্রে

ওক্সীজেন এক্সপ্রেস ৬না হরিয়ানা, মধ্য প্রদেশ, উত্তর প্রদেশ অমসুং দিল্লীগীদমক্তা তেঙ্কর ৩৩দা এল.এম.ও. এম.তি. ৪৬৩ পুদুনা চেল্লি

ওক্সীজেন এক্সপ্রেসনা লখনৌ (চাউরাকপা তোন ১১৭), ফরিদাবাদ (তোন ৭৯) অমসুং জবলপুর (চাউরাকপা তোন ২৩) পুদুনা চৎলি

লৈবাক অসিনা চহি চাদা অমুক্তা থোকপা শিংনবগা লান্থেংনরিবা অসিগীদমক্তা রেলৱেজনা তঙাই ফদ্রবা ওক্সীজেন এক্সপ্রেস লেপ্তনা চলায়রি

Posted On: 04 MAY 2021 4:53PM by PIB Imphal

শিংনবা কয়া থেংনদুনা অমসুং অনৌবা ৱারোইশিন কয়া পুরক্তুনা, ইন্দিয়ন রেলৱেজনা লৈবাক শিনবা থুংবদা লিক্বিদ মেদিকেল ওক্সীজেন য়ৌহন্দুনা তেংবাংবগী খোঙচৎ মখা তানা চত্থরি। ইন্দিয়ন রেলৱেজনা হৌজিক ফাওবদা তেঙ্কর ১০৩দা এল.এম.ও.গী চাউরাকপা এম.তি. ১৫৮৫বু লৈবাক শিনবা থুংবগী রাজ্যশিংদা য়ৌহনখ্রে। ওক্সীজেন এক্সপ্রেস ২৭না মখোয়গী খোঙচৎ লোইশিনখ্রে অমসুং ওক্সীজেন এক্সপ্রেস ৬না তেঙ্কর ৩৩দা এল.এম.ও.  এম.তি. ৪৬৩ (চাউরাকপা) পুদুনা চেল্লি।

এল.এম.ও. পীবীনবা হায়জরকপা রাজ্যশিংদা খ্বাইদগী অতেনবা মতমদা এল.এম.ও. য়ারিবমখৈ মশিং য়াম্না য়ৌহনবা হায়বসি ইন্দিয়ন রেলৱেজকী পান্দম্নি।

লিক্বিদ মেদিকেল ওক্সীজেন অপুনবা এম.তি. ২৪৪ হেন্না পুবা দিল্লীগীদমক্তা চেল্লিবা ওক্সীজেন এক্সপ্রেস ২সু হপা অমসুং মুন্দ্রাদগী থৌরক্তুনা লম্বীদা লৈরি অমসুং ঙসিগী মনুংদা দিল্লীদা য়ৌগনি হায়না থাজনরি। ঙসিগী মনুংদা ওক্সীজেন এক্সপ্রেস ২ অমগা দিল্লীদা য়ৌরক্লবদি, মে ৪, ২০২১গী অঙনবদগী হৌদুনা পুং ২৪গী মনুংদা দিল্লীদা এল.এম.ও. এম.তি. ৪৫০ য়ৌরগনি।

রেলৱেজনা ঙসি য়ৌহনখিবা অপুনবা এল.এম.ও. এম.তি. ৩৮২গী মনুংদগী, চাউরাকপা এম.তি. ২৪৪দি দিল্লীগীদমক্তনি অমসুং মসিনা ঙসি য়ৌহনখিবগী অপুনবগী চাউরাকপা ৬৪%গী শরুক ওইগনি।

তেলঙ্গানাসু অঙ্গুলদগী এল.এম.ও. এম.তি. ৬০.২৩ পুদুনা লাক্লিবা অসিদগী মখোয়গী অনিশুবা ওক্সীজেন এক্সপ্রেস ফংখ্রে।

লখনৌনা বোকারোদগী লাকপা ওক্সীজেন এক্সপ্রেস্তগী ঙসি তোন ৭৯ ফংগনি।

ইন্দিয়ন রেলৱেজনা হৌজিক ফাওবদা মহারাস্ত্রা (এম.তি. ১৭৪), উত্তর প্রদেশ (এম.তি. ৪৯২), মধ্য প্রদেশ (এম.তি. ১৭৯), দিল্লী (এম.তি. ৪৬৪), হরিয়ানা (এম.তি. ১৫০) অমসুং তেলঙ্গানা (এম.তি. ১২৭)দা লিক্বিদ মেদিকেল ওক্সীজেন অপুনবা এম.তি. ১৫৮৫ হেন্না য়ৌহনখ্রে।

****



(Release ID: 1715973) Visitor Counter : 15