नवी दिल्ली, 4 मे 2021

सर्व अडथळे पार करत आणि  नवीन उपाय शोधत  भारतीय रेल्वे  देशभरातील विविध राज्याना लिक्विड मेडिकल ऑक्सिजन (एलएमओ) पुरवून दिलासा देण्याचा प्रयत्न करत आहे. आतापर्यंत भारतीय रेल्वेने 103 टँकरमधून देशातील विविध राज्यांमध्ये 1585 एमटी (अंदाजे) एलएमओ वितरित केला आहे.  27 ऑक्सिजन एक्सप्रेसनी आपला प्रवास  पूर्ण केला आहे आणि आणखी  6 ऑक्सिजन एक्स्प्रेस  33  टँकर्समधून  सुमारे 463 मेट्रिक टन एलएमओ घेऊन धावत आहेत.

रेल्वेकडून  आज वितरित करण्यात येत असलेल्या एकूण 382 मेट्रिक टन एलएमओ पैकी जवळपास 244 मेट्रिक टन दिल्लीसाठी आहे, जो आज पुरवण्यात येत असलेल्या  एकूण एलएमओच्या सुमारे 64% आहे.

तेलंगणाला देखील आज दुसऱ्या ऑक्सिजन एक्सप्रेसने अंगुलहून 60.23 एमटी एलएमओ मिळाले आहे .

आज लखनौला बोकारो येथून ऑक्सिजन एक्सप्रेसमधून 79 टन मिळणार आहे.

आतापर्यंत भारतीय रेल्वेने 1585 मेट्रिक टन पेक्षा अधिक पुरवठा केला असून महाराष्ट्र (174  मेट्रिक टन), उत्तर प्रदेश (492 मेट्रिक टन), मध्य प्रदेश (179  मेट्रिक टन), दिल्ली ( 464 मेट्रिक टन), हरियाणा (150 मेट्रिक टन) आणि तेलंगणा (127 मेट्रिक टन) यांचा त्यात समावेश आहे.

M.Chopade/S.Kane/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com