অকোইবগী ফিভম অমসুং ঊমংগী মন্ত্রালয়

হাইদ্রবাদ জুদা লৈবা এস.এ.আর.এস.-কোব ২ নারবা এসিয়াগী নোংশাগী ফিভম হেন্না ফগৎলক্লি।

সেম্পল এনালাইসীস তৌবদা খুদোংথিনীংঙাই ওইবা মখলনা নাহনবা নত্তে হায়বা খঙলে।

শা-ঙাদগী মীওইবদা মখা তানা লাইনা শন্দোকই হায়বগী খুদম অমত্তা লৈতে।

Posted On: 04 MAY 2021 3:28PM by PIB Imphal

হাইদ্রবাদকী নেহরু জুলোজিকেল পার্ক (এন.জেৎ.পি.)না অকনবা চেকশিনবগা লোয়ননা এপ্রিল ২৪, ২০২১দা নিংশা-হোনবা নুংঙাইতবগী লাইওং উৎপা জু অসিদা লৈবা এসিয়াগী নোংশা ৮গী সেম্পলশিং (পংথহল্লবা তুংদা নাতোন, খনাও অমসুং রেস্পিরেতরী ত্রেক্তগী লৌবা) সি.সি.এম.বি.-লাকোন্সতা পীরকখি। সি.সি.এম.বি.-লাকোন্সনা মে ৪, ২০২১দা পীরকপা দাইগ্নোস্তিক তেস্ত অমসুং রীপোর্তকী মতুং ইন্না জু অসিদা লৈরিবা নোংশাশিং অসি এস.এ.আর.এস.-কোব ২ ভাইরস পোজিতিব ওইরে হায়বা খঙলে।

সেম্পলশিং অসিবু মখা তানা য়েংশিনবদা নাহল্লিবা অসি খুদোংথিনীংঙাই ওইদবা ভাইরস মখলনা নাবনি হায়বা খঙবা ঙম্লে। নোংশাশিং অসি তোঙান্না থম্লবা তুংদা নীংথিনা য়েংশিল্লি। নোংশা নিপালমক নীংথিজনা লায়েংলি অমসুং ফিভমসু য়াম্না ফগৎলক্লি। মখোয়না নীংথিনা লৈরি অমসুং চাবা থক্লি।  জুগী স্তাফশিং তেক্ত-কায়দনবা চেকশিন থৌরাং খুদিংমক লৌখৎলি অমসুং মপানগা নকশিন্নবা হন্থহন্নবা জু অসি মীয়ামগী ওইনসু থিংজিল্লে।

সেন্ত্রেল জু ওথোরিতীনা এস.এ.আর.এস.-কোব ২গী মশিং হেনগৎলক্লিবা অসি য়েংলদুনা জু অসিনা ইনগদবা চেকশিন থৌরাংগী চৎন-কাংলোনশিং ফোঙবগা লোয়ননা খুদক্কী ওইবা খোঙথাং কয়া পায়খৎখ্রে।

ইন্দিয়ন ভেতেরিনরী রিসর্চ ইন্সতিত্যুৎ (আই.ভি.আর.আই.), উত্তর প্রদেশ অমসুং সেন্তর ফোর সেল্যুলর এন্দ মোলিক্যুলর বাইলোজী – লেবোরেতরী ফোর কঞ্জর্ভেসন ওফ ইন্দেঞ্জর্দ স্পেসিস (সি.সি.এম.বি.-লাকোন্স) হাইদ্রবাদকী অখঙ-অহৈশিং অমসুং সাইন্তিফিক এজেন্সীশিংগা তানরবা তুংদা শা-ঙা শেন্নবা মীওইশিংনা ঙাকথোক্নবা, সেম্পল লৌনবা, চীংননীংঙাই ওইবা কেস খঙদোক্নবা অমসুং তেক কায়দনা থোক্তনবা য়েংশিনবগী কাংলোন শেমখ্রে। কাংলোনশিং অসি http://cza.nic.in/news/en গী মীয়ামগী দোমেন অসিদা ফংগনি।

মখা তানা পায়খৎলকপা খোঙথাংগী শরুক অমা ওইনা অখঙ-অহৈশিং অসিগা তান্নদুনা কোবিদকী চেকশিন থৌরাংশিংসু শেম্লি। অহেনবা ই-পাউদি তঙাই ফদবগী মতুং ইন্না পীগনি।

মমাংগী চহিদা এস.এ.আর.এস.-কোব ২ পোজিতিব ওইখ্রবা মালেমগী অতোপ্পা মফমশিংগী জুদা লৈরিবা শা-ঙাশিংদা থেংনবগী মতুং ইন্নবা লাইনা অসি মীওইবদা শন্দোকই হায়বগী খুদমদি লৈতে। মরম অদুনা মীদিয়াশিংনা পাউ অসি মীয়ামদা শন্দোকপদা য়াম্না চেকশিন্নবা অমসুং ইথৌদাং খঙনা পাংথোকপীনবা ৱাফম থম্লি।

*****



(Release ID: 1715947) Visitor Counter : 115