• তপ্ন-তপ্ন ফগৎলকপগী লম্বীদা চংশিল্লক্তুনা, হৌখিবা পুং ২৪ অসিদা মীওই লাখ ৩ হেন্না লাইচৎ অসিদগী ফবা ঙমখ্রে
• পি.এম.না কোবিদ-১৯ মাই পাক্না লান্থেংননবা মেদিকেল পর্সোনেলগী মশিং অসি হেনগৎহন্নবা মরু ওইবা ৱারেপশিং লৌখ্রে
• সেঞ্চুরিগী খ্বাইদগী চাউবা শিংনবা মায়োক্নদুনা, ওক্সিজেন এক্সপ্রেস ২০ মখোয়গী খোংচৎ মপুং ফাখ্রে, তেঙ্কর ৭৬তা এল.এম.ও.(চাওরাক্না) এম.তি. ১১২৫ পুরকখ্রে
• মপান লৈবাকশিংদগী দোনেত তৌরক্লিবা অখন্নবা কোবিদ-১৯ রিলিফ মেতরিয়েল পুশিল্লকপদা আই.জি.এস.তি.দগী এদ হোক এগজেম্পসন তৌবা

#Unite2FightCorona

#IndiaFightsCorona

তপ্ন-তপ্ন ফগৎলকপগী লম্বীদা চংশিল্লক্তুনা, হৌখিবা পুং ২৪ অসিদা মীওই লাখ ৩ হেন্না লাইচৎ অসিদগী ফবা ঙমখ্রে

· লৈবাক অসিদা তৌখিবা কোবিদ তেস্তকী মশিং অসি ঙসি কোতি ২৯.১৬ লানখ্রে৷ ঙসি ফাওবদা তেস্ত ২৯,১৬,৪৭,০৩৭ তৌখ্রে৷ হৌজিক ভারতকী ওইনা লাইচৎ অসিদগী ফগৎলকপগী মশিং অসি ঙসি ১,৬২,৯৩,০০৩ য়ৌরে৷

 · নেস্নেল মোর্তালিতী রেত অসি তপ্ন-তপ্ন তারক্লি অমসুং হৌজিক হৌজিক্কি ওইনা ১.১০%  ওইদুনা লেপ্পা লৈতনা হন্থরক্লি৷

· হৌখিবা পুং ২৪ অসিদা রাজ্য/য়ু.তি. অহুম্না কোবিদনা মরম ওইদুনা মী অমতা শিখিবা লৈতে হায়না রিপোর্ত তৌরকখ্রে৷ মখোয়শিং অদুদি দি. অমসুং দি. অমসুং দি অমসুং এন, লক্সদ্বীপ অমসুং অরুনাচল প্রদেশনি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715615

হৌজিক ফাওবদা ভারত সরকারনা রাজ্যশিংদা/য়ু.তি.শিংদা ভেক্সিন দোজ কোতি ১৬.৫৪ হেন্না লেম্না য়েন্থোকখ্রে

মসিগী মনুংদা মাংখিবশিং য়াওনা শিজিন্নখিবা অপুনবা মশিং অসি দোজ ১৫,৭৯,২১,৫৩৭(ঙসি অয়ুক পুং ৮দা ফংখিবা দাতাগী মতুং ইন্না)নি৷ ভোক্সিন দোজ লাখ ৭৫ হেন্না(৭৫,৭১,৮৭৩) রাজ্যশিং/য়ু.তি.শিং অসিদা শিজিন্ননবা লৈরি৷ লাক্কদৌরিবা নুমিৎ ৩ অসিদা অহেনবা দোস লাখ ৫৯ হেন্না(৫৯,৭০,৬৭০) রাজ্যশিং/য়ু.তি.শিংনা ফংলগনি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715621

পি.এম.না কোবিদ-১৯ মাই পাক্না লান্থেংননবা মেদিকেল পর্সোনেলগী মশিং অসি হেনগৎহন্নবা মরু ওইবা ৱারেপশিং লৌখ্রে

ঙসি প্রধান মন্ত্রীনা লৈবাক অসিদা চত্থরিবা কোবিদ-১৯ লাইনা-লাইচৎ অসি মাই পাক্না থেংনবা মতমদা হ্যুমেন রিসোর্চ হেন্না-হেন্না মরু ওইরক্লিবা অসিগী মতাংদা য়েংশিনখ্রে৷ কোবিদ দ্যুতিদা মেদিকেল পর্সোনেলগী মশিং অসি কা হেন্না হেনগৎহন্নবা য়াম্না মরু ওইবা ৱারেপ কয়া অমা লৌখ্রে

অকুপ্পা ৱারোলগীদমক: https://pib.gov.in/PressReleasePage.aspx?PRID=1715667

সেঞ্চুরিগী খ্বাইদগী চাউবা শিংনবা মায়োক্নদুনা, ওক্সিজেন এক্সপ্রেস ২০ মখোয়গী খোংচৎ মপুং ফাখ্রে, তেঙ্কর ৭৬তা এল.এম.ও.(চাওরাক্না) এম.তি. ১১২৫ পুরকখ্রে

খুদোংথিবা পুম্নমক থেংনদুনা অমসুং অনৌবা সোলুসনশিং পুথোক্তুনা, ইন্দিয়ন রেলৱেনা লৈবাক অসিগী তোঙান তোঙানবা রাজ্যশিংদা লিক্বুইদ মেদিকেল ওক্সিজেন(এল.এম.ও.) ফংহন্দুনা লেপ্পা লৈতনা মতেং পাংলি৷ হৌজিক ফাওবদা, ইন্দিয়ন রেলৱেনা লৈবাক অসিগী তোঙান তোঙানবা রাজ্যশিংদা তেঙ্কর ৭৬তা এল.এম.ও. (চাওরাক্না) এম.তি. ১১২৫ পুরক্তুনা ফংহনখ্রে৷ ওক্সিজেন এক্সপ্রেসেস ২০না মখোয় মখোয়গী খোংচৎ  মাংজৌননা মপুং ফাখ্রে অমসুং অহেনবা ওক্সিজেন এক্সপ্রেসেস ৭না তেঙ্কর ২৭তা এল.এম.ও. (চাওরাক্না ) এম.তি. ৪২২ পুদুনা লাক্লি৷ ইন্দিয়ন রেলৱেনা অতেনবা মতমদা ওক্সিজেন দরকার লৈরিবা রাজ্যশিংদা এল.এম.ও. মতিক চানা ফংহন্নবা হোৎনরি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715644

অয়ুশ মন্ত্রালয়না লৈবাক অসিদা অয়ুশ ৬৪গী হিদাক হেন্না ফংহন্নবা খোঙথাংশিং লৌখৎখ্রে

ক্লিনিকেল ত্রাইএলশিংদা মাইল্দদগী মোদরেত ফাওবা নারিবা কোবিদ ১৯ পেসেন্তশিং লাইয়েং চত্থবদা পোলিহর্বেল দ্রগ অয়ুশ ৬৪ কান্নরম্লে৷ কোবিদ লাইয়েং চত্থনবগীদমক পোলিহর্বেল অয়ুর্বেদিক মেদিসিন অয়ুশ ৬৪ অমুক হন্না পুথোরকপা অসি হিরম অসিদা অচৌবা মাই পাকপা অমনি৷ তশেংবদি অয়ুশ-৬৪ হিদাক অসি মেলরিয়া লাইয়েংনবা ১৯৮০দা পুথোরকখিবনি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715692

মপান লৈবাকশিংদগী দোনেত তৌরক্লিবা অখন্নবা কোবিদ-১৯ রিলিফ মেতরিয়েল পুশিল্লকপদা আই.জি.এস.তি.দগী এদ হোক এগজেম্পসন তৌবা

২০২১গী মে ৩দা থোকখিবা কেন্দ্র সরকারগী এদ হোক এগজেম্পসন ওর্দর নম্বর ৪/২০২১না কোবিদ রিলিফকিদমক লেম্না য়েন্থোক্নবগীদমক লেম্না মতেং পাংলক্লিবা অসিগুম্বা পোৎলমশিং অসি পুশিল্লকপা মতমদা আই.জি.এস.তি. লৌদনবা ওর্দর থোকখ্রে৷ মসিগী এগজেম্পসন অসি ২০২১গী জুন ৩০ ফাওবা চৎনরগনি৷

অকুপ্পা ৱারোলগীদমক: https://pib.gov.in/PressReleasePage.aspx?PRID=1715668

পি.আই.বি. ফিল্দ ওফিসশিংদগী ফংবা পাউ

কেরলা :

রাজ্য সরকার অসিনা কোবিদকী কেস কা হেন্না হেনগৎলক্লিবা অসি য়েংলগা হয়েংদগী রাজ্য অসিদা অকানবা অথিংবশিং থম্লগনি হায়না ওদর থোকখ্রে৷ রাজ্য অসিদা তঙাই ফদবা সর্ভিসশিং খক্তমক তৌবা য়ারগনি৷ হায়রিবা অথিংবশিং অসি মে ৯ ফাওবা চৎনরগনি৷ থম্লিবা অথিংবশিং অসিগী মনুংদা রাজ্য-কেন্দ্র সরকারগী ওফিস পুম্নমক, অতোপ্পা সেল্ফ-গভর্নিং ওফিসশিং, তঙাই ফদবা সর্ভিস পীরিবা দিপার্তমেন্তশিং, কোবিদ প্রিবেন্তিব এক্তিবিতীশিং পাংথোক্লিবা ওফিসিয়েলশিং অমসুং মীয়ামশিং মনুং চল্লোই৷ মেদিকেল ওক্সিজেন পুথোক-পুশিন তৌবা য়াগনি৷ ঙসি ফমখিবা রাজ্যগী কেবিনেৎ অদুনা নোংমাইজিংগী মতুংদা লোকদাউন থম্নবা ৱারেপ অমা লৌনবা খন্নখ্রে৷ কেরলাদা ঙরাং কোবিদ কেস ৩১,৯৫০ লাক্তুনা অপুনবা কোবিদ কেস অসি ১৬,৩৮,৭৬৯ য়ৌখ্রে৷ এক্তিব কেস ওইনা ৩,৩৯,৪৪১ লৈরি৷ পোজিতিব ওইবগী চাং অসি চাদা ২৮.৩৭নি৷ লাইচৎ অসিনা মরম ওইদুনা শিখিবগী চাং অসি ৫,৪০৫ য়ৌখ্রে৷ অদুগা অমরোমদা ঙসি মীওই ৩৩৫৩না ভেক্সিনগী অহানবা দোজ অমসুং মীওই ৮৯৮৩না অনিশুবা দোজ কাপখ্রে৷

তামিল নাদু:

তামিল নাদুনা অনৌবা কোবিদ কেস ২০,৭৬৮ রিপোর্ত তৌরকখি অমসুং নৌনা মীওই ১৫৩ শিখি; রাজ্য অসিদা এক্তিব কেস ১,২০,৪৪৪ লৈরি অমসুং মীওই ১৭,৫৭৬না লাইচৎ অসিদগী নাবা ফরক্তুনা হোস্পিতালশিংদগী দিচার্জ তৌখ্রে৷ ঙসি ফাওবদা, রাজ্য অসিদা মীওই ৬০,৪৬,২৮৪ ভেক্সিন কাপখ্রে, মসিগী মনুংদা মীওই ৪৬,৭৯,১৮৬না অহানবা দোজ কাপখ্রে অমসুং মীওই ১৩,৬৭,০৯৮না অনিশুবা দোজ কাপখ্রে৷ চেন্নাই কোর্পোরেসন দাতাগী মতুং ইন্না, নোংমাইজিং নুমিৎকী অয়ুক ফাওবদা, শহর অসিদা মীওই ৩,০৩,৫৩১ লাইচৎ অসিদগী ফরকপা ঙমদুনা লাইচৎ অসিদগী ফরকপগী চাং অসি চাদা ৮৯ য়ৌখ্রে৷

কর্নতাকা:

ঙরাং রাজ্য অসিদা অনৌবা কোবিদ কেস ৩৭,৭৩৩ লাকখি অমসুং মীওই ২১৭ লাইচৎ অসিনা মরম ওইদুনা লৈখিদ্রে৷ রাজ্য অসিদা লৈরিবা কোবিদ কেস অসি পুন্না ১৬,০১,৮৬৫নি, হৌজিক হৌজিক এক্তিব কেস ওইনা ৪,২১,৪৩৬ লৈরি৷ নোংমাইজিংগী অয়ুক্তা মীওই ২১,১৪৯ দিচার্জ তৌখিবা অসি য়াওনা রাজ্য অসিদা পুন্না দিচার্জ তৌখিবা মীওই মশিং অসি ১১,৬৪,৩৯৮নি৷ বেঙ্গলুরু আর্বান দিস্ত্রিক্তা অনৌবা কেস ২১,১৯৯ লাকখি অমসুং মীওই ৬৪ লৈখিদ্রে৷ রাজ্য অসিনা কোরোনা লাইনা-লাইচৎ থেংনরিবা অসিদা মতেং পাংন্নবা অরোইবা চহিদা তম্লিবা মেদিকেল অমসুং নর্সিং মহৈরোইশিং অসি শিজিন্নদুনা হেন্না শাফবা ফিভম অমদা পুরক্নবা রাজ্য সরকারনা এক্সন প্লান অমা শেমখ্রে৷ রাজ্য অসিদা লৈরিবা মকোকথোংবা প্রাইভেৎ মেদিকেল হোস্পিতালশিংগী স্তেকহোল্দরশিংগা লোইননা মীফম অমা ফম্লবা মতুংদা মুখ্য মন্ত্রী য়েদিয়ুরপ্পানা লৌখিবা ৱারেপ অদুগী মতুং ইন্না, সরকার অসিনা কোবিদ দ্যুতিগীদমক অরোইবা চহিদা তম্লিবা নর্সিং, ফার্মাসী, ফিজিওথেরাপী, হোস্পিতাল মেনেজমেন্তগী মহৈরোইশিং, অয়ুশ দোক্তরশিং অমসুং দেন্তিস্তশিংগী সর্ভিস শিজিন্নরগনি৷ মুখ্য মন্ত্রীনা জিলাগী থৌদাং অদু মন্ত্রী তরুক্তা শিন্নখ্রে৷

আন্ধ্র প্রদেশ:

হৌখিবা পুং ২৪ অসিদা রাজ্য অসিদা সেম্পল ১,১৪,২৯৯ তেস্ত তৌরবা মতুংদা অনৌবা কোবিদ কেস ২৩,৯২০ লাকখ্রে অমসুং মীওই ৮৩ শিখ্রে, মীওই ১১,৪১১না লাইচৎ অসিদগী ফরক্তুনা দিচার্জ তৌখ্রে৷ ঙরাং ফাওবদা রাজ্য অসিদা কোবিদ ভেক্সিনগী অহানবা দোজ ৫১,৭৬,৩৭৪ অমসুং অনিশুবা দোজ ১৫,১৯,৯৩২ য়াওনা পুন্না ভেক্সিন দোজ ৬৬,৯৬,৩০৬ কাপখ্রে৷ সরকার অসিনা ওরিশাগী অনগুলদগী ফ্লাইতকী মতেং লৌদুনা ওক্সিজেন এম.তি. ১২০ পুশিল্লক্নবা খোঙথাংশিং লৌখৎলে হায়না রাজ্যগী হকশেল মন্ত্রীনা ফোংদোকখ্রে৷ ওক্সিজেন পুথোক-পুশিন নুংঙাইনবগীদমক লৈরিবা ইনফ্রাস্ত্রকচর অসি হেন্না নিংথিনা লৈহন্নবা থবকশিং খুদম ওইনা ক্রাইওজেনিক তেঙ্করশিং হেন্না শিজিন্নবা, ওক্সিজেন স্তোরেজ কেপাসিতী হেনগৎহনবা, পি.এস.এ.(প্রেসর স্বিং এদজোর্পসন) প্লান্তশিং শেমগৎলি৷ রাজ্য অসিদা লৈরিবা রেবিন্যু দিভিজন খুদিংগী মখাদা কোবিদ ক্যের সেন্তর অমা শেমগৎলে হায়না মহাক্না মখাতানা ফোংদোকখ্রে৷ হৌজিক লৈরিবা কোবিদ-১৯ লাইনা-লাইচৎকী ফিভম অসিগী মতুং ইন্না হাই কোর্তকী ইন্তরবেন্সন অসি য়েংলগা মে ৫দগী ২৩ ফাওবা পাংথোক্কনি হায়না মতম লেপতুনা লৈরিবা ইন্তরমেদিয়েত এগজামিনেসনশিং অদু মতম য়ৈথোক্তুনা থম্নবা রাজ্য সরকারনা ৱারেপখ্রে৷

তেলঙ্গনা:

নোংমাইজিং নুমিৎতা অনৌবা কেস ৫,৬৯৫ লাক্তুনা অমসুং মীওই ৪৯ লাইচৎ অসিনা মরম ওইদুনা শিখিদুনা, রাজ্য অসিগী অপুনবা পোজিতিব কেস মশিং অসি ৪,৫৬,৪৮৫ ওইরে অমসুং লাইচৎ অসিদগী শিখিবনা ২,৪১৭ য়ৌরে৷ হৌজিক্তি, রাজ্য অসিদা লাইচৎ অসিনা শিহল্লিবা মশিং অসি চাদা ০.৫২ ওইরে হায়না রিপোর্ত তৌরকখি৷ হৌজিক রাজ্য অসিদা লৈরিবা অপুনবা এক্তিব কেস মশিং অসি ৮০,১৩৫নি৷

অসাম:

নোংমাইজিং নুমিৎতা মীওই ২,৩৮৫(১০.০১%) পোজিতিব ওইখি অমসুং মীওই ৩০না লাইচৎ অসিনা মরম ওইদুনা লৈখিদ্রে, হায়রিবা মশিং অসি হন্দক চহি অসিগী ওইনা লাইচৎ অসিনা খ্বাইদগী হেন্না ৱাংনা শিহনখিবা নুমিৎ ওইরি হায়না নোংমাইজিং নুমিৎকি নুমিদাংৱাইরমদা হকশেলগী মন্ত্রী হিমন্ত বিস্ব সর্মনা স্বিত তৌদুনা থাদোরকখি৷

মনিপুর:

পুং ৪৮দা অনৌবা কেস ৫৭৫ লাকখি৷ রাজ্য অসিদা ভেক্সিন কাপখিবা মীশিং অসি পুন্না ২,০৭,৭৬৫ য়ৌরে৷ রাজ্য অসিদা কোবিদ নাবগী চাং হেনগৎলক্লিবা অমসুং মীয়াম্না ভেক্সিন কাপ্পা ফংহৌনবা হোৎনরিবা অসি য়েংলগা, স্তেত হেল্থ সোসাইতীনা কোবিদ ভেক্সিনেসন সেন্তরশিং অসিদা (সি.ভি.সি.শিং)চৎনগদবা প্রোতোকোলশিং ফোংখ্রে৷

মেঘলয়:

নোংমাইজিং নুমিৎতা মেঘলয়দা অনৌবা কোবিদ কেস ৩২১ লাক্তুনা রাজ্য অসিদা নোংমদা খ্বাইদগী য়াম্না নাবা নুমিৎ ওইদুনা অপুনবা এক্তিব কেস অসি ১,৮২১ ওইরে৷ নৌনা মীওই মঙা শিখ্রে৷ হৌজিক ফাওবদা লাইচৎ অসিনা মরম ওইদুনা শিখিবগী মশিং অসি ১৭৯ ওইরে৷ রাজ্য অসিদা লাইচৎ অসিদগী নৌনা ১৫৪ নাবা ফরক্তুনা, লাইচৎ অসিদগী ফরকখিবগী অপুনবা মশিং অসি ১৫,৪২৯নি৷

নগালেন্দ:

নোংমাইজিং নুমিৎতা নগালেন্দদা অনৌবা কোবিদ কেস ২১৬ লাকখি অমসুং মীওই ৩ লৈখিদ্রে৷ এক্তিব কেস ওইনা ১৫২৯ লৈরি অমসুং অপুনবা পোজিতিব ওইখিবা মশিংনা ১৪,৩৫০ ওইরে৷ রেলৱেনা দিমাপুর রেলৱে স্তেসনদা কোবিদ-১৯ আইসোলেসন কোচ ১০ থমখ্রে৷ কোচ খুদিংমক্তা মেদিকেল প্রোবিজনশিং নিংথিনা ইক্বুইপ তৌরবা ফমুং ১৬-১৬ লৈ৷

ত্রিপুরা:

রাজ্য অসিদা নুমতি নুমিৎ খুদিংগী ওইনা কোবিদকী কেস হেনগৎলক্লিবা অসি য়েংলগা নুমিদাংৱাইরমগী পুং ৬তগী অয়ুক্কী পুং ৫ ফাওবা নৌনা নুমিদাং থম্লে হায়না রাজ্য সরকারনা লাওথোকখ্রে৷ ঙরাং মীওই ২৪৭ কোবিদ পোজিতিব ওইখি অমসুং এপ্রিল ২৫দা লৈখিবা কোবিদ পোজিতিব কেস মশিংনা ৯৮ ওইখি৷

সিক্কিম:

হৌখিবা নুমিৎ নিনি-থাংজা অমসুং নোংমাইজিং নুমিৎতা রাজ্য অসিদা অনৌবা কেস ৪৮৯ লাক্তুনা রাজ্য অসিদা লৈরিবা এক্তিব কেস মশিং অসি হৌজিক ১,৮০৮ য়ৌরে৷ অদুগীসু মথক্তা নুমিৎ নিনি অসিদা ভাইরস অসিনা মরম ওইদুনা মীওই অনি অমগা লৈখিদ্রে৷ সিক্কিমগী হকশেল মন্ত্রীনা রাজ্য অসিদা লৌখৎলিবা কোবিদ-১৯গী চেকশিন থৌরাং অদু য়েংশিনখ্রে অমসুং সরকার অসিনা লাইচৎ অসি মাই পাক্না থেংননবা শেম-শাদুনা লৈরি হায়না মীয়ামদা থাজবা পীখ্রে৷

মহারাস্ত্র:

মহারাস্ত্র রাজ্যদা য়াম্না চেকশিন্না থম্লিবা অথিংবশিং অসি রাজ্য অসিদা কোবিদ নাবা পেসেন্তগী মশিং হেনগৎলকপগীনি৷ মমাংগী মতমদা লাইচৎ অসিগী হোতবেদনি হায়না লৌনরম্বা মু্ম্বাই শহর অসি ঙসিদি রাজ্য অসিদা থম্লিবা অথিংবশিং অসিনা মরম ওইদুনা লেপ্পা-লৈতনা রাজ্য অসিগী ফিভম ফগৎলক্লি৷ হৌখিবা নুমিৎ তরেৎনি অসিদা মেত্রোপোলিস অসিগী পোজিতিব ওইবগী চাং অসি অশুক্কী মতিক তানা হন্থরকখ্রে অমসুং মসিনা রাজ্য অসিগী হেল্থ ফেসিলিতীশিংদা পীরম্বা পোৎলুম অদু হন্থহনবা ঙমখ্রে৷ মহারাস্ত্রনা লৈবাক অসিদা কোবিদ-১৯গী ভেক্সিন খ্বাইদগী য়াম্না কাপ্পা রাজ্য ওইরি৷ ঙরাং রাজ্য অসিগী সেসন ৫৯২দা মীওই ৪৬,৬৯৩ কোবিদ ভেক্সিন কাপখি৷ হৌজিক হৌজিক রাজ্য অসিদা কোবিদ ভেক্সিনগী অৱাৎপা লৈরে৷

গুজরাত:

চয়োল কয়া অমা কোবিদ কেস ৱাংনা হেনগৎলুরবা মতুং অসিদা, নোংমাইজিং নুমিৎ অসিদা গুজরাত রাজ্যদা অনৌবা কোবিদ লাকপগী অমসুং শিখিবগী মশিং অসি হন্থরকখ্রে৷ নুমিৎ অসিদা অনৌবা কেস পুন্না ১২,৯৭৮ লাকখি, হায়রিবা মশিং অসি এপ্রিল ২২দা কোস ১৩,১০৫ রিপোর্ত তৌরকখিবা নুমিৎ অদুদগী হৌদুনা ঙসি ফাওবদা খ্বাইদগী নেম্বা মশিং ওইখি৷ হৌখিবা পুং ২৪ অসিদা গুজরাততা নৌনা মীওই ১৫৩ লাইচৎ অসিনা মরম ওইদুনা শিখি৷ 

রাজস্থান:

নোংমাইজিং নুমিৎতা রাজ্য অসিদা নৌনা মীওই ১৮,২৯৮ পোজিতিব ওই অমসুং মীওই ১৫৯ লাইচৎ অসিনা মরম ওইদুনা লৈখিদবা অসিনা রাজ্য অসিগী অপুনবা কেস মশিং অসি ৬,৩৩,৯৫১ য়ৌরে অমসুং শিখিবা মশিংনা ৪,৫৫৮ য়ৌরে৷ স্তেত ত্রান্সপোর্ত দিপার্তমেন্তনা অৱাইমল পীদুনা লিক্বুইদ ওক্সিজেন পুথোক-পুশিন তৌনবগীদমক তেঙ্করশিংগী এপ্লিকেসন কৌবগী ওর্দর অমা থোকখ্রে৷ অৱাইমলগী শেনফম অদু লেপ্ননবা মীওই তরুক্না শাবা কম্মিতী অমা শেমখ্রে৷ রাজ্য সরকার অসিনা চাইনা অমসুং রসিয়াদগী ওক্সিজেন কন্সেন্ত্রেতরশিং লৌননবা থবকশিং পাইখৎখ্রে৷ সরকার অসিনা চাইনাদগী ফেস অনি থোক্না কন্সেন্ত্রেতর ১০,০০০ অমসুং রসিয়াদগী ১,১০০ লৌশিনবা পম্মী৷

মধ্য প্রদেশ:

রাজ্য অসিগী পোজিতিব কা হেন্না ওইরিবা জিলাশিং অসিদা অখন্নবা মীৎয়েং চংনবা মধ্য প্রদেশকী মুখ্য মন্ত্রী শিবরাজ সিংহ চৌহননা ওফিসিয়েলশিংদা খঙহনখ্রে৷ মীয়াম পুন্না হোৎনমিন্নদুনা 'ঐগী খুঙ্গং-কোরোনা-ফ্রী ওইরবা খুঙ্গং', 'ঐগী লৈকাই-কোরোনা-ফ্রী ওইরবা লৈকাই' অমসুং 'ঐগী শহর-কোরোনা-ফ্রী ওইরবা শহর’ হায়বা খোল্লাউ অসি মাই পাকহনগদবনি হায়না মুখ্য মন্ত্রীনা ফোংদোকখ্রে৷ তিকামগার, শিবপুরি, দাতিয়া, অনুপ্পুর সিঙ্গরোলি, নার্শিঙ্গপুর, সিধি, কতনি, গ্বালিয়র, নিৱারি, সেহোর ভোপাল, দিন্দোরি, বিতুল অমসুং মোরেনা য়াওনা রাজ্য অসিগী জিলা ১৫না নুমিৎ ৭নিগী ওইনা চাংচৎতা পোজিতিব ওইখিবগী মশিং অসি ২৫%  হেনখ্রে৷

ছত্তিশগর:

ছত্তিশগরদা ভেক্সিন দোজ পুন্না লাখ ৫৬ লিশিং ২২ অমসুং ৯৩৩ কাপখ্রে৷ রাইপুরগী হোস্পিতালশিংদা কোবিদ পোসেন্তশিং অসিগীদমক ফমুংশিং মতিক চানা লৈরি৷ রাজ্য অসিদা লৌখৎলিবা চেকশিন থৌরাং অমসুং কোবিদ নারবা মীওইশিং লাইয়েং চত্থবগী মওং অসি হান্নদগী হেন্না য়াম্না নিংথিনা পাংথোক্লি৷ ছত্তিশগরদা, হৌজিক ফাওবদা লাইচৎ অসিনা মরম ওইদুনা পুন্না মীওই ৮৮১০ শিখ্রে, হায়রিবা মশিং অসি চাদা ১.১৮৷ ছত্তিশগরদা লৈরিবা কনফর্ম তৌরবা কেস মশিং লাখ ৭ লিশিং ৪৪ অমসুং ৬০২ অসিগী মনুংদা, হৌজিক হৌজিক লাখ ১ লিশিং ২১ অমসুং ৯৯ এক্তিব কেস ওইনা লৈরি অমসুং মীওই লাখ ৬ লিশিং ১৪ অমসুং ৬৯৩না লাইচৎ অসিদগী ফবা ঙমখ্রে৷

গোৱা:

রাজ্য অসিদা এপ্রিল ২৯গী নুমিদাংৱাইরমদগী তৌদুনা লাক্লিবা লোকদাউন অদু মে ৩গী অয়ুক পুং ৬ ফাওবা চত্থরগনি, লোকদাউন মখাতানা থম্লরোই অদুমওইনমক মে ১০গী অয়ুক পুং ৬ ফাওবা অকনবা অথিংবশিং থম্লগনি৷ কোবিদ লাইচৎ শন্দোকপগী চেন অসি থুগাইনবা রাজ্য অসিনা লোকদাউন অসি থমখিবনি৷ নৌনা কেস ২০৩০ লাকখ্রে, মীওই ৫২ লাইচৎ অসিনা মরম ওইদুনা শিহনখ্রে অমসুং মীওই ১২৫৫না লাইচৎ অসিদগী নাবা ফরক্তুনা কোবিদকী এক্তিব কেস মশিং অসি ২৪,৬০৭ ওইরি৷

মরুওইবা ত্বীৎশিং

✅Ad hoc Exemption from IGST on imports of specified COVID-19 relief material donated from abroad
✅As customs duty is already exempt , these imports will not attract any customs duty or IGST
(1/4)
Read more ➡️https://t.co/YkENrOqWux pic.twitter.com/QyaVw2V8JK

— Ministry of Finance (@FinMinIndia) May 3, 2021

ফেক্তচেক

*******