স্বাস্থ্য আৰু পৰিয়াল কল্যাণ মন্ত্ৰালয়
২৪ ঘণ্টাত ৩লাখতকৈ অধিক ৰোগীৰ আৰোগ্যৰ ধাৰাবাহিকতা অব্যাহত আছে
সমগ্ৰ দেশত ২৯.১৬কোটিতকৈ অধিক ক’ভিড পৰীক্ষা সম্পন্ন কৰা হৈছে
Posted On:
03 MAY 2021 11:08AM by PIB Guwahati
আজি দেশত ক’ভিড পৰীক্ষাই ২৯.১৬কোটিৰ সীমা অতিক্ৰম কৰিছে৷ আজিৰ তাৰিখত ২৯,১৬,৪৭,০৩৭টা পৰীক্ষা সম্পন্ন কৰা হৈছে৷ ইফালে, ভাৰতৰ সামগ্ৰিক আৰোগ্য ৰোগীৰ সংখ্যা আজি ১,৬২,৯৩,০০৩জন হৈছে৷
বিগত ২৪ ঘণ্টাত ৩,০০,৭৩২জন ৰোগীৰ আৰোগ্যৰে ৰাষ্ট্ৰীয় আৰোগ্য হাৰ ৮১.৭৭% হৈছে৷
নতুন আৰোগ্য ৰোগীৰ ৭৩.৪৯%ই ১০খন ৰাজ্যৰ৷
![](https://static.pib.gov.in/WriteReadData/userfiles/image/image0015AQY.jpg)
ভাৰতৰ চিকিৎসাধীন ৰোগীৰ ৰেখা নিম্নগামী হোৱাৰ বিপৰীতে দৈনিক পজিটিভিটিৰ হাৰ এতিয়া ২১.১৯% হৈছে৷
![](https://static.pib.gov.in/WriteReadData/userfiles/image/image0020X6J.jpg)
![](https://static.pib.gov.in/WriteReadData/userfiles/image/image0031AYA.jpg)
বিগত ২৪ ঘণ্টাত দেশত ৩,৬৮,১৪৭জন লোক নতুনকৈ আক্ৰান্ত হৈছে৷
মহাৰাষ্ট্ৰ, কৰ্ণাটক, দিল্লী, কেৰালা, উত্তৰপ্ৰদেশ, পশ্চিমবংগ, তামিলনাডু, অন্ধ্ৰপ্ৰদেশ, ৰাজস্থান আৰু বিহাৰকে ধৰি ১০খন ৰাজ্যত নতুন ক’ভিড আক্ৰান্তৰ সংখ্যা বৃদ্ধি পাইছে৷ দেশৰ নতুন আক্ৰান্তৰ ৭৩.৭৮%ই এই ১০খন ৰাজ্যৰ৷
মহাৰাষ্ট্ৰত সৰ্বাধিক ৫৬,৬৪৭জন, কৰ্ণাটকত ৩৭,৭৩৩জন আৰু কেৰালাত ৩১,৯৫৯ লোক নতুনকৈ আক্ৰান্ত হৈছে৷
![](https://static.pib.gov.in/WriteReadData/userfiles/image/image004IHLD.jpg)
ভাৰতৰ মুঠ চিকিৎসাধীন ৰোগীৰ সংখ্যা ৩৪,১৩,৬৪২গৰাকীলৈ বৃদ্ধি পাইছে৷ এয়া মুঠ আক্ৰান্ত ৰোগীৰ ১৭.১৩%৷ ২৪ ঘণ্টাত নতুনকৈ চিকিৎসাধীন ৰোগীৰ সংখ্যা আৰু ৬৩,৯৯৮জন বৃদ্ধি পালে৷
১২খন ৰাজ্য ক্ৰমে মহাৰাষ্ট্ৰ, কৰ্ণাটক, উত্তৰপ্ৰদেশ, কেৰালা, ৰাজস্থান, গুজৰাট, অন্ধ্ৰপ্ৰদেশ, চত্তীশগড়, তামিলনাডু, পশ্চিমবংগ, বিহাৰ আৰু হাৰিয়ানাত ভাৰতৰ মুঠ চিকিৎসাধীন ৰোগীৰ ৮১.৪৬% আছে৷
![](https://static.pib.gov.in/WriteReadData/userfiles/image/image00590P0.jpg)
ৰাষ্ট্ৰীয় মৃত্যুৰ হাৰ ক্ৰমান্বয়ে হ্ৰাস পাই ১.১৩% হৈছে৷
![](https://static.pib.gov.in/WriteReadData/userfiles/image/image00681FX.jpg)
বিগত ২৪ ঘণ্টাত দেশত ৩,৪১৭জন ৰোগীৰ মৃত্যু হৈছে৷
নতুনকৈ মৃত্যু হোৱা ৰোগীৰ ৭৪.৫৪%ই ১০খন ৰাজ্যৰ৷ মহাৰাষ্ট্ৰত সৰ্বাধিক ৬৬৯জন লোকৰ মৃত্যু হোৱাৰ লগতে দিল্লীত ৪০৭জন আৰু উত্তৰপ্ৰদেশত ২৮৮জনৰোগীৰ মৃত্যু হৈছে৷
![](https://static.pib.gov.in/WriteReadData/userfiles/image/image007AWGV.jpg)
০৩খন ৰাজ্য/কেন্দ্ৰীয় শাসিত অঞ্চলত বিগত ২৪ ঘ্ণ্টাত এজনো ৰোগীৰ মৃত্যু হোৱা নাই৷ সেইবোৰ হৈছে-দমন আৰু দিউ আৰু দাদৰা আৰু নগৰ হাভেলী, লাক্ষাদ্বীপ আৰু অৰুণাচলপ্ৰদেশ৷
*****
(Release ID: 1715713)
Visitor Counter : 228
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam